radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ފަތްތޫރާ
ނ )ބދ.( (1) ކަންއޮތްގޮތް ބުނެދީ ބަޔާންކޮށް ފައުޅުކޮށް ހަދައި ހެދުން (2) ސަރުކާރުން ރާއްޖޭގެ އެންމެންނަށް އެންގުމަށް ނެރޭ އަމުރުތަކާއި އެންގުންތައް
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަތްސިލުނބެއްއެޅުން
މ ދުންގަނޑެއް އެޅުން
ފަތްސިލުބު
ނ ގުޑާކުން ނުވަތަ ދުންބޯފަތުން ވަށައިފައި އޮންނަ ކުޑަ ގުޅައެއް
ފަލިލުން
މ (1) މެއްކުގައި ހުންނަ ޅާނބުގެ ތެރެއަށް ފަލީގެ ތަންޑު ވެއްދުން (2) މެއްކުގައި ފަލިއެއްސުން
ފަލީވަކިގަނޑު
ނ ރަދުންގެ އޮޑިކޮޅުގެ ފަލީގެ ދުލުގައި އަޅައިފައި އޮންނަ ކުރެހުންގަނޑު
ފަސާދަކުރުން
މ (1) ދޭތެރެ ޖެއްސުން (2) ދެކޮޅުވެރިކަން އުފެއްދުން (3) ފިތުނަ ވެރިކަން އުފެއްދުން (4) ހަމަނުޖެހުން އުފެއްދުން (5) ގަޑުބަޑު އުފެއްދުން
ފަސާޙް
ނ (1) ހެދުން (2) ފޭރާން
ފަސްބާޑިޖެހުން
މ (1) ބަޑީގެ އުންޑައިން ދިފާޢުވުމަށް ވެލިން ނިވާފަތްގަނޑު ހެދުން (2) ފަސްގަނޑު އެގޮތް މިގޮތަށް ހޭވުން
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްގަނޑުހެދުން
މ (1) މަހާނަމަތީ ވެލިގަނޑު ވަކިގޮތަކަށް ހެދުން (2) ގަސް އިނދާ ތަން ތައްޔާރު ކުރުން
ފަޑަ
ނ ޝަހްވާނީ އެދުން ގަދަވާ ހިނދު އަންހެނުންގެ ކުރިމަތިފަރާތު ދޮރުގައި އުފެދޭ ލޮނދި
ފާހިލުން
މ (1) އެއްނަރު ފައްޓަރު ފަދަ ތަކެތީގައި ފާހި ހަރުކުރުން (2) ވަކިގޮތަކަށް ހަދައިފައި ހުންނަ މަޅިއެއްގެ ޒަރީޢާއިން އެއްނަނު އަނެއް ނަނާ ގުޅުވުން (3) ފާހިހެދުން
ފާހިޖެހުން
މ (1) ކާށިތަކެއް އެއްކޮށް ފަތީލުން. (2) ބުޅީގެ ފިލިތުގާ ލޯވަޅެއް އަޅާ ނުވަތަ ބުޅީގެ ފިލިތުކޮޅު ހިމަކޮށް ލަނބައިލައި ނަނު ނުވަތަ ކަންވާރު ލެއްވޭގޮތަށް ހެދުން (3) ނަނުފަދަ އެއްޗެއްގެ ކޮޅު އަނެކައްޗަކާ ގުޅުވުމަށް ބޮޅެއް ހެދުން
)ފާށަނާކަން ބަލާ( ފާށަނާ
ނ ރަދުން ދެއްވާ ކޮލީ ނަމެއް
ފާނޯ
ނ (1) ފާން (2) ރާއްޖެ އިސްލާމްވުމުގެ ކުރިން ރަސްކަމުގެ ކޮއިލުގެ ބޭރުގައި ހުރި ބޮޑު ދެބުދުން އެއްބުދުގެ ނަން
ފާރޮށިއުނދުން
ނ ފާރޮށިފަދަ ތަކެތި ފިހަން ބޭނުންކުރާ އުނދުން. މިއީ ވައި ނުވަންނާނޭހެން ހޫނުކަން ހިފެހެއްޓި ހުންނާނޭގޮތަށް ދުން ބޭރުކުރާ ހޮޅިއަކާއެކު ރާނައިފައި ހުންނަ ތަނެކެވެ
ފާޅު ކޮށްދިނުން
މ (1) ކުރިން އެނގިފައި ނުވާ ކަމެއް ޢާންމުކޮށްލައި ދިނުން (2) އެހެން މީހުންނަށް އެނގޭ ގޮތް ހަދައިދިނުން (3) ހާމަވާނެ ގޮތް ހެދުން (4) ތަނެއް ނުވަތަ އެއްޗެއް ފެންނަ ގޮތް ހެދުން