radheef.info
ރަދީފު


ދި
ނ އަންހެންދަރި
ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ރަތްހިނި
ނ ހިނީގެބާވަތެއް މިއީ އެންމެ ކުދި ހިންޏަށްވުރެ ތަންކޮޅެއް ބޮޑު ހިންޏެކެވެ މިހިނި ވަރަށް ބާރަށް ދާނާނެއެވެ މިއީ ރަތްމުށި ކުލައިގައި ހުންނަ ހިންޏެކެވެ
ރަތްރީނދޫމަސް
ނ އާއްމު ބައްޓަން ރީނދޫ މަހާ އެއްގޮތްމަހެއް މަހުގެ ކުލައަކީ ރަތްކުލައެވެ މަހުގެ ބުރަކަށި މައްޗާއި ދެއަރިމަތީގެ ކުލައަކީ ރަތްކުލަ ނުވަތަ ގަދަ ފިޔާތޮށި ކުލައެވެ މަހުގެ ދެއަރިމަތީގައި ދިގަށް ރީނދޫކުލައިގެ 01 ރޮނގު ނުވަތަ 21 ރޮނގު ހުރެއެވެ ކޮތަރިތައް ހުންނަނީ ރީނދޫ ކުލައެއްގައެވެ
ރަތްބުރެކި
ނ ބުރަކީގެ ބާވަތެއް މިއީ ނަގޫފަތް ދިގުކޮށް ބޯކުޑަކޮށް ހުންނަ ކަޅު ރަތްކުލައިގެ އެމެކެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްކުރަ
ނ ލޮލުގެ ބައްޔެއް މިއީ ރޯނާވުން އެންމެ މައްޗަށް ދިޔުމުން ލޮލުގާ ލާކުރައެކެވެ
ރަތްއޮނުގަނޑުތޮޅި
ނ ތޮޅީގެބާވަތެއް މިއީ ނިގޫފަތުގެ މެދުގައި ދިގުނަރުވައެއް ހުންނަ އަނޮގަކުޑަ މަހެކެވެ މިމަހުގެ މަތީބައިގެ ކުލައަކީ ރަތްމުށިކުލައެވެ ބަނޑުދަށް ފަރާތް ހުންނަނީ ރިހިކުލައިގައެވެ
ރަތްވިލާއޮއްސުން
މ އިރުއޮއްސޭއިރު ހުޅަނގު ފަރާތު އުދަރެހުގައި ހުންނަ ކުލަތައް ފިލައިގެން ދިޔުން
ރަތްވިލާދާރި
ނ ދިވެހި އަންހެނުން ލިބާސްލައިއުޅުނު ފޮތީގެ ބާވަތަކަށް ކިޔާނަމެއް މި ފޮތިހުންނާނީ ރަތްވިލާ ކުލައިގައެވެ
ރަތްވިލާސާޓަނު
ނ ދިވެހި އަންހެނުން އިހުގައި ލިބާސް ކަނޑައިއުޅުނު ފޮއްޗެއްގެ ނަން
ރަތްފަނޑިހި
ނ ދިވެހި ރުކުގެ ބާވަތެއް މިއީ ފަނޑިހީގެ ރަތްބާވަތެވެ
ރަތްދުވަނި
ނ ދުވަނީގެ ރަތްބާވަތް މި ބަލި ގިނައިން ޖެހެނީ ޅަކުދިންނަށެވެ
ރަތްދޭވާނި
ނ ފަނިފަކުސައިގެ ބާވަތެއް މިއީ ގޮވާމުގެ ޅަގަސްގަހުގައި އަޅާބައްޔެކެވެ މި ޙާއްޞަކޮށް ގިނައިން އަޅަނީ ގޮވާމުގެ ވައްތަރު ތަކުގެތެރޭން ބިންބި ކުދިބަތް މިދެބާވަތު ގެ ގަސްގަހުގައެވެ މިއީ ހުވަނީގެ ސިފައިގައި ރަތްކުލައިގައި ހުންނަ އެއްޗެކެވެ މިފަނިދުވަނީ ފަތުގެ މެދުތެރޭގައިވާ ފެހިބައިކަމުންނެވެ
ރަތްލަފު
ނ އުފަންވާއިރު ބައެއްކުދިންގެ ހަމުގައި ހުންނަ ރަތްތަންތަންކޮޅު މިފުރަތަމަ ހުންނާނީ ލޭބޮތްކެއްގެ ސިފައިގަވެ ބޮޑުވިވީހެން ބޮޑަށް ފެތުރޭނެއެވެ މިތަންކޮއްޓާލައިފިނަމަ މާނާނުކުރެވޭ ވަރަށް ލޭ އަންނާނެއެވެ
ރަތްގަރުދިޔަ
ނ ގިނައިރު ކައްކައިގެން ނުވަތަ ގިނަ މަސްކައްކައިގެން ރަތްކުލައައިސްފައި ހުންނަ ގަރުދިޔަ
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްހުވަނދު
ނ ދިވެހިބޭހަށް ބޭނުންކުރާ ބާވަތެއް އާންމުގޮތެއްގައި މިބޭނުންކުރަނީ ލޮލު ބޭހަށެވެ މިހުންނަނީ ކަޅުރަތް ކުލައެއްގައެވެ މީގައި މީރުވަހެއް ހުރެއެވެ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން