radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ގޯނި
ނ ހަނޑޫ ފަދަ އެއްޗެހި އެޅުމަށް ސުތުލިފަދަ އެއްޗެހިން ހަދައިފައި ހުންނަ ބޮޑެތި ކޮތަޅު
ގޯނިފުލަށްލުން
މ މަޖާޒު: މީހަކު ހައްދައިލުން
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ގޯޅިޖެހުން
މ ދޮހަށް ރިހޭއިރު ވިއްދަވިއްދައިފައި ތަދުވުން
ގޯދި
ނ ކަނޑުގައި ދުއްވާ އުޅަނދުފަހަރު މަރާމާތު ކުރުމާއި މިނޫންވެސް މިފަދަ ކަންކަން ކުރުމަށް އެތަކެތި އެހެލައިފައި ބަހައްޓަން މޫދާގުޅިގެން ހަދައިފައި ހުންނަ ތަންތަން
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފާލީސް
ނ ލަކުޑިން ހަދައިފައި ހުންނަ އެއްޗެއްސާއި ތަންތަނަށް އޮފުއެރުވުމަށާއި އޮމާން ކުރުމަށް އުނގުޅާ ދިޔާއެއްޗެއް
ފާލު
ނ (1) ޣައިބުގައިވާ ކަންތައް އޮޅުން ފިލުވުމަށްކުރާ ކަންތައް (2) ސޯބު ފަދަ ތަކެތި އެނބުރުނަ ނުދިނުމަށް އެޅުވޭ ގޮތަށް ހަދައިފައި ހުންނަ އެތިކޮޅު (3) ބަޑި ގޮވިޔަ ނުދިނުމަށް އަޅުވާ ތަންޑު
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޚާނާ
ނ ފެންވެރުމާއި ޤަޟާޙާޖަތް ކުރުމަށް ހަދައިފައި ހުންނަ ތަންތަން
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިހުނުބަނބުކެޔޮ
ނ އުނދުނުގެ ހޫނު އަޅިގަނޑުގައި ވަޅުލައިގެން ނުވަތަ މަތި އަންދައިގެން ފިހެފައި ހުންނަ ބަނބުކެޔޮ
ފިނިފެންމާ
ނ (1) ވާކޮށް ހެދޭ ކަށި ހުންނަ ގަހެއްގައި އަޅާ ފަސްފިޔައިގެ ފިޔަބަރި ތަކެއް ހުންނަމަލެއް )މީގެ އެންމެ ޢާއްމު ވައްތަރަކީ މަޑު ފިޔާތޮށި ކުލައެވެ މިކުލައިގެ މަލުގައި މަޑުމަޑު މީރުވަހެއް ހުރެއެވެ ( (2) ފިނިފެންމަލާ އެއްގޮތަށް ހަދައިފައި ހުންނަމާ
ފިރޯށި
ނ ބަރަންޏާއި ކަސަބާއި އުއިފަދަ އެއްޗެހި އޮޅަން ހަދައިފައި ހުންނަ އެއްޗެއް މިއީ އެނބުރޭގޮތަށް ދަނޑިއެއް ލައްވައިފައި ހުންނަ އެއްޗެކެވެ
ފިއްތާގޮށް
ނ (1) ދެފަޅި ޖައްސާފައި އޮބައިލީމާ އެއްފަޅީގެ ތެރެއަށް އަނެއްފަޅީގެ ބައެއް ވަންނަ ގޮތަށް މަޢުދަނަކުން ހަދައިފައިވާ ގޮށެއް (2) ޓިސްގޮށް
ފިއްތިގިތެޔޮމިރުސް
ނ ގިތެޔޮ މިރުހުގެ ބާވަތެއް މި ބާވަތުގެ މިރުސް އާދައިގެ ގިތެޔޮ މިރުހަށް ވުރެ ކުދިވާނެއެވެ އަދި ކުޑަކޮށް ފަތިވާނެއެވެ
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލާ
ނ (1) ތުނިކޮށް ފަތިކޮށް ހުންނަ ލަކުޑި (2) ލަކުޑިން ތުނިކޮށް ހަދައި އޭގައި ލިޔެގެން ކިޔަވަން ގެންގުޅޭ އެއްޗެއް (3) ދަތުރުވެރިން އަރުޟާއި ޠޫލު ހޯދުމަށް ގެންގުޅޭ އާލާތެއް (4) "ފިލުން" މިބަހުގެ އަމުރު (5) )ބދ ( އުސްކޮށް ހެދޭ ގަސް (6) )ޏ ސ ( ކުކުޅު ފިޔޮއް
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފިލާސާފުކުރުން
މ ފިލާއެޅުމަށްފަހު ހިސާބު ހަދައި ނަތީޖާ ހޯދުން