radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
މަޅީގައިބެއްދުން
މ (1) ދޫންޏާއި ކުކުޅުފަދަ ތަކެތި މަޅީގައި ޖެއްސުން (2) މަޖާޒު: މީހަކަށް ކެއްސެއްދިނުން
މަކުނުބަލި
ނ (1) ފިރިހެންނުންނާ އެޅޭ އެޅުން މަޖާޒު: (2) މަކުނުކުޅި (3) ފިރިހެންކުޅި
މައިބަދަނެތުން
މ )ހ ( މަޖާޒު: ގެދޮރުނެތުން
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިފިއްލުން
މ (1) ކުކުޅު ހަލުގެ ޅައެއްޗެހި ވަކި ވަރަކަށް ބޮޑެތިވުމުން މައި އެއްޗާއި ދުރުކޮށްލުން މަޖާޒު: (2) ދަރިން ވަކި ވަރަކަށް ބޮޑެތިވުމުން މައިއެއްޗާއި ދުރުކޮށްލުން (3) ކުދިން ވަކި ވަރަކަށް ބޮޑުވެ އަމިއްލައަށް އުޅެވޭ ވަރުވުން
މައިދައިތަފަންވަރުވުން
މަޖާޒު: މައިދައިތަ ރުޅިއައުން
މައިދާން
ނ (1) ހާމަޔަށް އޮންނަ ތަނަވަސް ބިން. (2) ޚާއްޞަ ކަންކަމަށްޓަކައި މީހުން ނުކުމެ ތިބޭތަން. މިސާލު: ހަނގުރާމައިގެ މައިދާން. (3) މަޖާޒު: ވަކި ޚާއްޞަ ރޮނގެއް. މިސާލު: ކުޅިވަރުގެ މައިދާން ތަޢުލީމީ މައިދާން
މައިދޮރު
ނ (1) ގެއަށް ވަދެ ނުކުމެވާން ހުންނަ ބޮޑުދޮރު (2) މަޖާޒު: ފުރަގަސް ފަރާތު ދޮރު
މައިލަގޮނޑިޔަށްކެތްނުވުން
މަޖާޒު: ދަރިޔަކަށް ކިތަންމެ ކުޑަވެސް ދެރަޔެއްލިބޭ ހިނދަކު މައިމީހާއަށް ލިބޭވޭން
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މައިސޯބު އެނބުރޭގޮތަށޭ ކުދިސޯބު އެނބުރޭނީ
މަޖާޒު: (1) ބޮޑެތި މީހުން އުޅޭ ގޮތަށޭ ކުޑަކުދިން އުޅޭނީ (2) ވެރިން އުޅޭ ގޮތަކަށޭ ދަށުގައި ތިބޭ މީހުން އުޅޭނީ
މަދަންއެޅުން
މ (1) އޮޑިދޯނި ފަހަރުގެ ހިންމިތަކުގައި މަދަން އަޅައި ބެއްދުން (2) މަޖާޒު: ބާރު ނާންނަ ޒަކަރެއް އިނގިލިން ކޮއްޕައި ފަރުޖަކަށް ވެއްދުން
މަދިރިއަށްދުންޖެހުން
މ (1) މަދިރިއަޔަ ނުދިނުމަށްޓަކައި އެއްޗެހި އަންދައިގެން ދުންއަރާ ގޮތް ހެދުން (2) މަޖާޒު: ތަނެއްގައި ބައަކު މީހުން އުޅުމަށްފަހު އެމީހުން ނުވަތަ އޭގެ ތެރެއިން ގިނަބައަކު އެތަނަކުން ދިއުމުން ލިބޭ ފަޅުކަން ލިބުން
މަދިރިފައި
ނ މަޖާޒު: ގޮނޑިމޭޒުފަދަތަކެތީގައި މަދިރީގެފަޔާ އެއްބައްޓަމަށް ޖަހައިފައި ހުންނަފައި )އިންސާނުންގެ ހިމަދިގުކޮށް ހުންނަފަޔަށްވެސް މިހެންކިޔައެވެ
މަތިހަށިނެގުން
މ (1) މޭފުއްޕާލުމާއިއެކު އިސް އުފުލައި ދެކޮނޑު އުފުލައިލުން (2) މަޖާޒު: ހިނގަމުންދާ ކަމެއްގެ ތެރޭގައި އިސްމީހެއްގެ ގޮތް ދައްކައިގެން އުޅުން
މަތިހެދުން
މ (1) ފުރާދުއްވާ އެއްޗެހީގެ މަތީބައި ރޫޅައިލައިފައި އަލުން ހެދުން (2) މަޖާޒު: ފެންނުވަރާ މޫނުދޮވެ ފުށްޖަހައި ރީތިވުން
މަތިންބައިންޖެހުން
މ މަޖާޒު: ތިމާއާ ނުބެހޭ ކަމެއްގެ ތެރެއަށް އަމިއްލައަށް ވަދެގަތުން
މަތިއޮމާންކުރުން
މ މަޖާޒު: ނުބައިކޮށް ކުރެވިފައިވާ ކަމެއް ރަނގަޅަށް ކުރެވިފައިވާ ކަމެއްގެ ގޮތުގައި ދެއްކޭތޯ މަސައްކަތްކުރުން
މަތިވުން
މ (1) ކަމެއްގެ އިލްޒާމުއެޅުން (2) މަޖާޒު: ފެނުން ނުވަތަ އައުން މިސާލު: މިއަދަކު މިވެނި މީހަކު މައްޗެއް ނުވިއެވެ (3) ހަވާލުވުން މިސާލު: އެކުދިން ބެލުމާ މަތިވެގެން އުޅެންޏާ ކާންދީ ހަދަންވާނެއެވެ
މަތިފަޑިމައްޗަށްއެރުން
މ (1) އޮޑިދޯނިފަހަރުގެ މަތިކިބައިގެ ފަޑި ނުވަތަ މަތިކަން މައްޗަށް އެރުން (2) މަޖާޒު: ކަމެއް ހިނގަމުންދާއިރު އެކަމުގައި ބައިވެރިވާންޖެހޭ މީހަކު ކުޅިބަލާ މީހެއްގެ ގޮތުގައި ކަމުގައި ބައިވެރިނުވެ ހުރުން (3) ކަމެއްގައި ބައިވެރިވެ އުޅެފައި އެކަމެއް ގޯސްވާގޮތްވުމުން އެކަމުގާ ނޫޅޭ މީހަކަށް ހެދިގެން ދުރުގައި ހުރުން