radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އަލަކަ
ނ ފެނުދޫންޏެއް މިއީވެސް އިލޮޅިފަދައިން ގޮނޑުދޮށާއި މޫދުގައިއުޅޭ ކުޑަވަރަކު ދޫންޏެކެވެ
އަލިމަސް
ނ ހުދުކުލައިގައި ހުންނަ ޖަވާހިރެއް ޖަވާހިރުގެ ތެރެއިން އެންމެ ހަރު އެންމެ ދަޅަގަދަ ބާވަތަކީމިއެވެ
އަލިފާންކޮކާ
ނ އުދުހޭއިރު ރެދަން ފަދައިން އަލިކުރާ ކުޑަކުޑަ ކޮކާލެއް
އަލިދަނޑި
ނ އަލިފާން ދަނޑިފަދައިން ދަނޑީގެ ކޮޅުގައި ބޭސްލައިފައި ހުންނަ ރޯކުރީމާ ސާފުތާހިރު އަލިވާދަނޑި މީގެކިތަންމެ ކުލައެއް ހުރެއެވެ
އަލީބޮޚާރި
ނ ކުންނާރަކަށްވުރެ ތަންކޮޅެއްބަޑު ފޮނިމޭވާއެއް މީގެ އޮށުތެރޭގައި ބަދަނެއްކަހަލަ އޮށެއް އޮންނާނެއެވެ މިގިނައިން ގެންގުޅެނީ ހިއްކައިގެންނެވެ ރާގުންޑާއަށްވެސް މިހެންކިޔައެވެ
އަލްޕަކާ
ނ ކަޅު މޮޅު ފޮއްޗެއް. އިހުގައި މިފޮތި ޚާއްޞަވެފައިވަނީ ގަނޑުވަރުތެރޭގެ މަތީ ދަރަޖައިގެ ފިރިހެން ބޭފުޅުންގެ ލިބާސްކޮޅު ކެނޑުމަށެވެ މިހާރު މިގިނައިން ގެންގުޅެނީ އަންހެނުން އުނުއަނުމަށެވެ
އަގީދު
ނ ރަތްކުލައިގެ ރީތި ހިލައެއް މިގިނައިން ގެންގުޅެނީ ކުޑަކުދީންގެ ހަތްމުދީ ގައްޔާއި ފައްޓަރުގައިލާށެވެ
އަސަރު
ނ (1) ލިސާން (2) އިޙްސާސް (3) ނިޝާން (4) ފާހުގަ (5) ޢަލާމަތް (6) އިންސާނާގެ ޖަޒުބާތުގެ ސަބަބުން އަންގާ އެންގުން
އަސާރަ
ނ އަނބު ބިލަމަގު ކަދުރު ފަދަ އެއްޗެހީގައި ބައެއްހަވާދުލައިގެން ހުތް ނުވަތަ ތެޔޮއަޅައިގެން ތައްޔާރުކުރާ ކާނާއެއް ގިނައިން މިތައްޔާރުކުރަނީ ނުކައްކައެވެ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
އަޑުންއަޑުނަގައިރުއިން
މ (1) ރުއިމުގެ ތެރޭގައި ކުއްލި ކުއްލިއަށް އަޑުގަދަވާގޮތަށް ރުއިން (2) މާބާރަށްރުއިން
އަޑުލެއްވުން
މ (1) ލައްބަ ދުރުވަން ކިޔާވަރުގެ މީހުން އަޑުލުން (2) އަނގައިން އަޑުއަޑު ނެރުން
އަޑުގޮއްވުން
މ އަނގައިން ނުވަތަ އެއްޗަކުން އަޑުނެރުން
އަޖިދައިގެއައިން
ނ (1) އިރުވަރު ވަގުތު ތިލަވާ މަސްއައިން (2) އިރަށް އަޅުކަންކުރާ މީހުން ޚިޔާލުކުރާ ގޮތުގައި އިރާގުޅައިދޭ ޖިންނިފޮނުވާ މަސްއައިން
އަޝްރަފުލް މަޚްލޫޤާތު
ނ (1) ހުރިހާ މަޚްލޫޤުން ކުރެ އެންމެމާތް މަޚްލޫޤުން (2) އިންސާނުން (3) ސަލާމާއި ޞަލަވާތްލެއްވި މުޙައްމަދު ނަބީ ކަލޭގެފާނު
އާނޅޭ
އ (1) ޢަޖާއިބުކަން ފައުޅުކުރުމަށާއި އުފައު ފައުޅުކުރުމަށް ބައެއް މަޤާމުގައި ބުނާ ބަހެއް. (2) އިންތިޒާރުކޮށްހުރިކަމެއް ތިމާއެދޭ ގޮތަށް ނުވަތަ އެއަށްވުރެވެސް ރަނގަޅަށް ވީމާ ބުނާ ބަހެއް
އާރުކާޓީފޭބުން
މ (1) މަޖާޒު: މުސްކުޅިވެ ބާރުދެރަވުން (2) މީހާގެ އައްޒާތީކަން ދިއުން (3) އަންހެނުންގެ ޒުވާންފުރާ ދިއުން މިބަސް ގިނައިން ބުނެއުޅެނީ އަންހެނުންނާއި މެދުގައެވެ
އާރޮސް
ނ ކަށިކޭލުގައި ހިލާ ބާވަތެއްގެ ގިތެޔޮނުލައި ހަލުވާއެއް. މިބަބުކޭލާއި އަލާގައިވެސް ހަދައެވެ. މިހުންނަނީ ހިކި ކެޔޮފަތަށް ލައިފައެވެ. މިގިނައިން ހަދަނީ ހުވަދު އަތޮޅު އައްޑު އަތޮޅު ފުވައްމުލައް މިތަންތާގައެވެ
އާވި
ނ (1) އުދާސް. (2) ދިޔާއެއްޗިއްސާއި މިނޫން ތަކެއްޗަށް ހޫނުވީމާ އެއިން އުހެދޭގޭސް. (3) ބައެއް ތަކެތީން ނަގާ ލުއިތެލެއް. މިސާލު: ބޮޑު އާވި ފޮނިތޮށި އާވި