radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ފޮފަޅި
ނ މަރުޖާނުގެ ބާވަތެއް މިއީ މިނާގެ ތެރޭގައި ތަންކޮޅެއް ބޮޑެތިކޮށް މެދުގައި ލޯވަޅެއް އަޅައިފައި ހުންނަ އެއްޗެކެވެ
ފޮތާލިތަޅައިލުން
މ )ދ ( (1) ކުޅަނދުރު ހަތާ ތަޅައިލުން (2) މަޖާޒު: ގެ ދޫކޮށްލައިފައި މީހުން ނުކުމެގެން ދިއުން
ފޮތިއެޅުން
މ (1) އަންނައުނާއި ރިޔާފަދަ ތަކެތި ވީދުމުން އެތަނެއްގެ ބޮޑުމިނުގައި ވަކި ފޮތިކޮޅެއް އަޅައި ފެހުން (2) މަޖާޒު: ކަމެއް ފޮރުވައިލުން
ފޮތިފޭލި
ނ ފަތިކޮށް ނުވަތަ ވަށްކޮށް އޮޅައިފައި ހުންނަ ފޮތީގެ ދިގުބައިބައި
ފޯ
ނ (1) ކަށިކޭލުގެ ފުށް ދަމައިގެން ހިލާ ފޮނި ކާއެއްޗެއް. (2) ކަށިކެޔޮ ލިޔެ ގަބުޅި ހުންޏާ އެއްކޮށް ހިމުންކޮށްގެން ކައްކާ ފޮނިކާ އެއްޗެއް. (3) ހަނޑުލުފުށުގައި ދެވައްތަރު ހަކުރާ ހުންޏާ އެއްކޮށްގެން ކައްކާ ކާއެއްޗެއް. (4) އެއްޗެހި ތެމިގެން ނުވަތަ ފެނު އަޅައިގެން ވާގޮތް. (5) އިހުގައި ކުޅޭ ކުޅިވަރެއް. (6) )ގ.( ލޮލުގެ މަޑު. (7) ފެނުތެރޭގައި އެއްޗެއް އޮވެ އޭގެ ޒާތުގައި ފުފޭ ފުފުން (8) މީހުން ތެމިގެންވާ ގޮތް
ފޯކުރުން
މ (1) ދިޔާ އެއްޗަކަށް އަޅައިގެން އެއްޗެއް މަޑުކުރުން (2) ތެންމާލުން
ފޯކޭންބެއްލެވުން
މ ހަވަރު ފޯކެއުން ފޯ ކާއިރު ބޮޑު ތަގަރިޔަށް ގަބުޅި އުކުރާ އަޅައިފައި ހުންނާނެއެވެ މިކަން އޮންނާނީ ގަނޑުވަރުގެ ތެރޭގައެވެ
ދަހަނާ
ނ ކަނޑިން ހަނގުރާމަކުރިދުވަސްވަރު ހަނގުރާމައަށް އަޅައިއުޅުނު މަޢުދަނީ ހެދުމެއް
ދަށްޓަން
ނ (1) އެނދުއަށީގައި އިށީންނަން އަޅައިފައި އޮންނަ ކުނަލުގެ ދަށުގައީ އޮންނަ ކުނާ
ދަނޑިބަރަނި
ނ ބަރަނި ދަނޑިޔަށް އޮޅައިފައި ހުންނަ ބަރަނި
ދަނާލު
ނ ކިޔަވާކުދިން ކިޔަވާ ދުވަސްވަރު ތިބެންއަޅައިފައި ހުންނަގެ
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަރާ
ނ (1) އޮޑިފަހަރާއި ބައްތެލިފަހަރުގެ މައިހަފޮޅުގެ ދަށުން ބަނޑުފިލާގެ ބަނޑުވައްތަކުގެ މަތީގައި ދިގަށް އަޅައިފައި ހުންނަ ފަތި (2) ދެރުން މިބަހުގެ ވާކަން
ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަރީން
ނ (1) ތިމާގެ އުފަން ކުދީން (2) އެޖަނަވާރެއް ނުވަތަ އެއެއްޗެއް ބަނޑުއަޅައި ވިހޭ ތަކެތި (3) މަޖާޒު: ތަނުގެ އަހުލުވެރިން
ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ދަބަރުބަލި
ނ ގަސްގަހަށްޖެހޭ ބައްޔެއް. އާއްމުގޮތެއްގައި މިބަލި ޖެހެނީ ލުނބޯގަހަށާއި ލުނބޯ އާއިލާގެ ގަސްގަހަށެވެ މިބަލިޖެހެނީ ގަހުގެމޭވާއާއި ގަހުގެ ފަތްތަކަށާއި ގަސްގަނޑަށެވެ މިބަލިހުންނަގޮތަކީ ކުޑަކޮށް އުފުލިފައި ދަބަރުކުލައިގައެވެ އަތް ހާކާލީމާ އަޅައި ގަންނަގޮތަށެވެ މިއީ ފިލުވަން ވަރަށް އުނދަގޫ ބައްޔެކެވެ
ދަބަރުތެޅުން
މ ދަގަނޑު އެއްޗެއްގައި ހުންނަ ދަބަރު ތަޅައިގެން ނައްޓައި ސާފުކުރުން
ދަޅު
ނ (1) ޖަނަވާރުގެ ބޮލުން ފަޅައިފައިހުންނަ އެއްޗެއް މިއީ އަމިއްލަ ދިފާޢަށް ބޭނުންކުރާ ހަތިޔާރެކެވެ މިއެކިއެކި ސިފަސިފައިގައިހުރެއެވެ އެންމެ ޢާންމު ވައްތަރަކީ ކޮޅަށް ތޫނުކޮށް އުލެއްހެން ހުންނަދަޅެވެ މިޢާއްމުގޮތެއްގައި ފަޅަނީ ބޮލުގެ ދެފަރާތުންނެވެ (2) އެއްޗެހި އެޅުމަށް މަޢުދަނީ އެއްޗެހިން ނުވަތަ ޕްލާސްޓިކުން ހަދައިފައި ހުންނަ ކުދި ކަންވާރު މި އެކި ސިފަސިފައިގައިހުރެއެވެ (3) ބދ މޮޅު (4) މާބޮޑަށްވާހަރު