radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކަށިކުނބުރު
ނ ވެޔޮކޮށް ހެދޭ ގަހެއް މިއީ ވަރަށް ކަށިގިނަ ގަހެކެވެ މިގަހުގެ އޮށަށް ކިޔަނީ ލާގުޅައެވެ
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިމައު
ނ ބޯކެޔޮ ގަސްހެން ހެދޭ ގަހެއްގައި އަންނަ މީރުވަސްދުވާ މަލެއް މި މާ ހުންނާނީ ދިގު ކަރުގަނޑެއްގެ ވަށައިގެން ހުދުކުލައިގެ ދިގު ފިޔަތަކެއްލައިފައެވެ
ކަށިމަތި
ނ (1) ފައިގެ ކުޑަހުޅާ ކަކުލާ ދެމެދުގެ ކުރިމަތީ ފަރާތް. (2) ކުޅިވަރު ކުޅޭއިރު ކަށިމައްޗަށް ހާނީއްކައެއް ވެދާނެތީ ބަންނަ ދާފަރާ
ކަށިމަސް
ނ (1) ކަރަވެރިމަސް ފާޑުގެ ކަށިގިނަ މަހެއް މިއީ ދިގުކޮށް ފަތިކޮށް ހުންނަ މަހެކެވެ މަހުގެ ބުރަކަށި މަތީގައި ހުންނަނީ ގަދަ ނޫ ފެހިކުލައެކެވެ މަހުގެ ދެއަރިމަތީގައި ރަންރިހިކުލައެއްގެ ދަޅައެއް ހުރެއެވެ (2) )ސ ( މަހުގެ ބޮލާއި ކަށިފައްޗާއި ކަންފަތްގަނޑު
ކަށިފަތި
ނ (1) ފޭރާމުގެ ކައިރި ފަށުގައި ވަކިގޮތަކަށް އެހުންނަ ފަށް އަތްދުތް ހުންނަ ފޭރާމުގައި މިފަށް ހުންނާނީ އަތްދުތުގެ ތިރީގައެވެ (2) އަމުނައިފައިވާ ކަށިތަކެއް (3) ކަށިފޮތި
ކަށިދަދު
ނ ދަދުގެ ބާވަތެއް މިދަދުގައި ހުންނާނީ ތޫނުކޮށް ހުންނަ ހަރުބިހިތަކެއް ނަގައިފައެވެ
ކަށިދިއްގާ
ނ ދިއްގަލުގެ ބާވަތެއް: މީގެ ތޮށި ހުންނާނީ ކުރަކިކޮށެވެ މިގަހުގެ ލަކުޑި މޮޅުވާނެއެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކަށިގޮނު
ނ ގޮނުމަހުގެ ބާވަތެއް. މިމަހުގެ ސިފަ ގޮނާ ވައްތަރުނަމަވެސް މިމަހުގެ ބަނޑުދަށުން ފުޅާވެފައި ބޮލުގެ މަތީގައި ދެދަޅުފަޅައިފައި ހުރެއެވެ މަހުގެ ބުރަކަށި މަތީގައި ވަރަށް ވަރުގަދަ ހަރުކަށްޓެއް ހުންނާނެއެވެ ނިގޫފަތުގެ ކޮޅު ހުންނަނީ ވަށްކޮށެވެ މަހުގެ ކުލައަކީ ދޮންރީނދޫ ކުލައެވެ މުޅި މަހުގައި އެކިގޮތްގޮތަށް ނޫކުލައިގެ ރޮނގުތަކެއް ހުރެއެވެ
ކަށިގޯނބިލި
ނ ބޭހަށް ބޭނުންކުރާ ކުޑައޮށެއް މީގައި ހުންނަނީ ކަށިތަކެއް ފަޅައިފައެވެ މިއީ ވެލެއްގައި އަޅާ އެއްޗެކެވެ މިވެލުގައި އަޅާ މާ ހުންނަނީ ރީނދޫ ކުލައިގައެވެ
ކަށްޑަނަ
ނ (1) މައްޔިތާ ގެންދާ އަށިގަނޑު (2) ޚިޔާލީ ފުރޭތައެއް މިހުންނަނީ ސަންދޯކެއްގެ ސިފައިގައިކަމުގައި ބުނެވެއެވެ
ކަށްޑެވި
ނ (1) ފޮއްސިވާ ބައްޔެއް ޖައްސާކަމަށް ހީކުރާ ޚިޔާލީ ފުރޭތައެއް މިއުޅޭކަމަށް ބުނެވެނީ ޤަބުރުސްތާނުގައެވެ (2) ގަބުރުސްތާނު ތެރޭގައި އުޅޭކަމަށް ފަންޑިތަވެރިން ބުނާ ދެތްވެއް
ކަށްޑެވިމުޅަދެވި
(1) ބައްޔެއްގެ ނަން މިބަލީގައިވާ ގޮތެއްކަމަށް ބުނަނީ ބަނޑުބޮޑުވެ މީހާ ފޮއްސިވުމެވެ މިއީ ޚިޔާލީ ދެ ދެވިކަމަށް ބުނާ ކަށްޑެތްވާއި މުޅަދެވީގެ ސަބަބުން ޖެހޭ ބައްޔެއްކަމަށް ބުނެވެއެވެ (2) ޚިޔާލީ ދެ ދެވި
ކަނބައިދިކިލެގެކަން
ނ އަންހެނުންނަށް ދެއްވާ މަތީ ދަރަޖައިގެ ކޮލީނަމެއް. މިދަރަޖަ ލިބެނީ ރަސްކަލެއްގެ ނުވަތަ ރަސްކަލެއްގެ އަނބިކަނބަލެއްގެ ދައިތާފުޅަކަށް ނުވަތަ ކޮއްކޯފުޅަކަށެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނބުލޭގެ
ނ ނަމުން ނުބުނެ އަންހެނަކާ ދިމާއަށް ބުނާގޮތް މިގޮތަށް ކިޔައިއުޅެނީ އާދައިގެ އަންހެނުންނާ ދިމާއަށެވެ
ކަނބޯ
ނ ހިއްތަލަ ގަހުގެވައް މިހުންނާނީ ދިގުމާގަނޑެއްގެ ކޮޅުގައި އެލިފައެވެ