radheef.info
ރަދީފު


ނި
އ )ސ ( ނު
ބާބުޅާ
ނ )ގ ( ކިރުކަކުނި
ބާކަން
ނއނ އެއްޗެއް ދުވަސްވެ ދެރަވެފައިވާކަން މީ ގެންގުޅޭ އެއްޗިއްސަށް ނިސްބަތްކޮށް ބޭނުންކުރާ ބަހެކެވެ
ބާކަލޯ
ނ (1) ކުޑަކުދިންގެ ބަހުރުވައިގައި ބުޅާ (2) ބާއޮކަލޯ (3) މަޖާޒު: ދޯނިމަތީގައި ހެލިފެލިވެ އުޅުމަށް ނުފަރިތަ ބުރަހެލި މީހާ
ބާކީކުރުން
މ އަރަނިދަރަނި ބަލައި ސާފުކުރުން
ބާއިންވަރި
ނ ކައިވަނި ރުޖޫޢަ ނުކުރެވޭ ގޮތަށް ކުރާވަރި
ބާވައިގަތުން
މ (1) ލިބިގަތުން (2) ގަބޫލު ކޮށްގަތުން މިއީ މަތީ ފަރާތަކުން ލިބޭ ލިބުމެއް ލިބިގަތުމެވެ މިބަސްނިސްބަތް ކުރެވެނީ ﷲ ގެ ވަޙީ ބަސްފުޅަށެވެ
ބާފޮތިފާނަ
ނ ފާނައިގެ ބާވަތެއް މިމަހުގެ ނިގޫފަތުގެ ކޮޅުހުންނަނީ ވަށްކޮށެވެ މަހުގެ ކުލައަކީ އަޅިމުށި ކުލައެވެ ބުރިކަށިމަތީގައި ހުދުކުލައިގެ ލައްތަކެއް ހުރެއެވެ މިމަސްމަރުވުމުން މުޅިމަސް ގަދައަޅި ކުލައަށް ބަދަލުވެ ހަސްނެތިބާވެފައިވާ ފޮތިގަނޑެއްގެ ކުލައަށް ބަދަލުވެދެއެވެ
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާދަނޑި އެޑުން
މ (1) އެއްޗެއް ބިނދިގެން ދެބުރި ޖައްސާ ހިފެހެއްޓުމަށް އެހެން ދަނޑިގަނޑެއް އަޅާ ބަނުން (2) ދެއަތް ދެފަރާތަށް ދަމައިފައި ދަނޑި ގަނޑެއްގެ ދެކޮޅު ދެއަތް ތިލައިގައި ބަނުން (3) އަރާދަނޑި ބަނުން (4) ދޫނިގެ ދެފިޔަ ދެފަރާތަށް ދަމައިފައި ދެފިޔަމަތީ ދަނޑިގަނޑެއް އަޅައިފައި ދެފިޔައިގެ ދެކޮޅު ދަނޑި ގަނޑުގެ ދެކޮޅުގައި އެއްސުން
ބާދަލާ
ނ ހަނިކޮށް ތުނިކޮށް ދިގުކޮށް ރިހީގައި ނުވަތަ ލޯގައި ތަޅައިފައި ހުންނަ ފަށެއް
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާލިސްލެއްވުން
މ އޮޑިދޯނިފަދަ ތަކެތީގެ ފަށަށް ބިންމަތިން ހިއްލައިލުމަށްޓަކައި އޮޑިގަނޑުގެ ދެފަރާތުގައި ހަތަރެސްކަން ހަމަވާގޮތަށް ރުއްގުޅިލެއްވުން
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިހުކަޑި
ނ ދޯނި ފަހަރުގެ ފަށްދަމަން ނުވަތަ ކުރަހަން ކުކުޅުބިސް ނުވަތަ ވެލާބިސް އަޅައިގެން ގިރާ ކަޑި
ބިހުތޮށި
ނ (1) ބިހުގެތޮށި (2) ބޭސްވެރިންގެ އިސްތިލާޙުގައި ގިނިކާމާދޫނީގެ ބިހުގެތޮށި
ބިނާކުރަނިވި
ނއ (1) ހަރުދަނާކަންހުރި (2) ހެޔޮބަދަލުތަކަށް މަގުފަހިކުރުވާ މިސާލު: ބިނާކުރަނިވި ހުށަހެޅުމެއް ބިނާކުރަނިވި ފާޑުކިޔުމެއް ބިނާކުރަނިވި ފިޔަވަޅެއް ބިނާކުރަނިވި ނިންމުމެއް
ބިން
ނ (1) ދުނިޔެ (2) ދުނިޔޭގެ ހިކިފަސްތަން