radheef.info
ރަދީފު


ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ބުސީކަން
ކއ ހިސާބަށްވުރެ ބޮޑަށް އަންހެނުންނާ ދޯޅުކަން
ބުސީވުން
މ އަންހެނުންނާ ދޯޅުވެގެން ލަދުހަޔާތް ނެތިގެން އުޅުން
ބޫންބޫން
ނ "ބޫން" މިބަސް ގަދަކުރުމަށް ބުނާގޮތެއް
ބޫޓުޕޮލިސް
ނ ފައިވާނާ ބޫޓުފަދަތަކެތި ފާލީސްކޮށް އޮފުއެރުވުމަށް ހާކާއެއްޗެއް
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެހެއްޓުން
މ ހުންނާނެގޮތް ހެދުން
ބެންޗު
ނ (1) ބައެއް ކުޅިވަރުގައި ޓީމުގައި ހިމެނޭ ރިޒާވު ކުޅުންތެރިންނާއި ޓީމުގެ ކަންތައް ބަލަހައްޓާ މީހުން ދަނޑުން ބޭރުގައި ނުވަތަ ކޯޓުން ބޭރުގައި ތިބޭ ގޮނޑި (2) ދިގުގޮނޑި
ބެރުކޮޅުބޭލުން
މ އިހުގައި ގަޑުވަރުތެރޭ ބޭފުޅަކު ބެރުކޮޅު ޖައްސަވާން ވެގެން ނާބުސް ޚާނުން އެތަނަކަށް ބެރުގެންގޮސް ބެހެއްޓުން
ބެރުމުސްކުޅިގޭ ހަންގަނޑު
ނ ބެރުޖަހަން ދަސްކުރަން ހަމުން ކެހެރި ނުފިލުވައި އަޅައިފައި އޮންނަބެރު މިއޮންނާނީ ބެރުމުސްކުޅި ގޭގައެވެ
ބެރެބެދިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ރަތްކުލައާއި ރިހިކުލަ ގުޅިގެން ފެންނަ ރަތްކުލައެކެވެ މަހުގެ ދެއަރިމަތީގައި ގަދަރަތްކުލައިގެ )ބެރެބެދިމަލުގެ ކުލައިގެ( ރޮނގުތަކެއް މަހުގެ ދިގަށް ހުންނާތީ މިމަހަށް ބެރެބެދި ރައިވެރިމަސް ކިޔަނީއެވެ
ބެރެބެދިމަޑި
ނ މަޑީގެ ބާވަތެއް މީގެ ނަގޫ ކުރުވެފައި ނަގުލުގެ ބުޑުދޮށް ފަލަވާނެއެވެ ބުރަކަށިމަތީގައި ކަށި ހުންނާނީ ކައްޗަށެވެ އެއްކޮޅަށް އޮމާންކޮށް އަނެއްކޮޅަށްކަތި ކޮންނެވެ
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބެއްލެވުން
މ (1) ބެލުން މިބަސް މާތްކޮށާއި އެންމެ މާތްކޮށް ބުނާގޮތް (2) ބުއިން މިބަސް މާތްކޮށް ބުނާގޮތް
ބެއްސެވުން
މ އެއްޗެއް އެކިބައިބަޔަށް އަޅައި އެކި މީހުންނަށް ދިނުމަށް މާތްކޮށާއި އެންމެ މާތްކޮށް ބުނާގޮތް
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެލުން
މ (1) އެއްޗަކަށް ނަޒަރު ހުއްޓައިލުން (2) ބެލެހެއްޓުން (3) ކާންދީގެން ގެންގުޅުން (4) ކަން ހިނގާފައިވާގޮތް ހޯދުން (5) ކަމެއްކުރެވޭތޯ ބެލުން މިސާލު: ތިޔަގެއަށް ދެވޭތޯ ބަލާނަން (6) އަދަބު ބެހެއްޓުން މިސާލު: މީނާ މަންމަޔަކަށް ބައްޕަޔަކަށްވެސް ބެލުމެއްނެތެވެ
ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ބޭހެއްތި
އމ )ސ ( އައުން އެދޭކަން ދޭހަކޮށްދިނުމަށްޓަކައި ބުނާގޮތެއް
ބޭނގު
ނ ފެނަށް ދިރޭ މޫދުމަހެއް މިއީ ކަށިގިނަ މަސްމީރުމަހެކެވެ މިމަސް ހުންނާނީ މެކުނު ފާޑަށެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ