radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ބަލިފޫޅި
ނ ރާޒުވާފަދަ ކުޅިވަރު ކުޅެގެން ވިދިވިދިގެން ތިންފަހަރު ބަލިވިމީހާ
ބަގުޑި
ނ (1) ދެއަތުން އޮޅުލައިގަންނަ ގޮތަށް މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ބައްދާ ބެއްދުން (2) ލައްޓި
ބަގުޑިބެއްދުން
މ މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ދެއަތުން އޮޅުލައިގަންނަ ގޮތަށް ބެއްދުން
ބަސަޅު
ނ ވަޅު ކުރަތްޕެއްގެ ސިފައިގައި ކުޑަކޮށްތިބޭ ފެހިކުލައިގެ ދިރޭ އެއްޗެއް މީގައި ވަރަށް ގަދަ ނުބައި ވަހެއް ދުވާނެއެވެ މިގިނައިން އުދުހެނީ އިރުއޮއްސޭ އިރުއެވެ
ބަސް
ނ (1) މީހެއްގެ ހިތުގައި އުފެދޭ ޝުއޫރެއް އަޑު ނުވަތަ އިޝާރާތް ބޭނުންކޮށްގެން ވަކި ހަމަތަކެއްގެ މަތިން ފާޅުކުރާ ފާޅުކުރުން. (2) ބަހުރުވަ. (3) ލަފުޒު. (4) ރައިވަރުގެ ކާފިޔާ. (5) ފަސިންޖަރުން އަރުވައިގެން ދުއްވާ ބޮޑު އެއްގަމު އުޅަނދެއް. (6) އިބާރާތެއް ދޭހަވާ ވަކިވަކި އިބާރާތް. މިސާލު: ހަރުބަސް މިސާލުބަސް (7) ބުނާ ބުނުން (8) ކަމަކާމެދު މީހަކު ކަނޑައަޅާ ބުނާގޮތް (9) ކަމަކާމެދު މީހަކު ދެކޭގޮތް މިސާލު: މިކަމާމެދު މުޙައްމަދުގެ ބަހެއްވެސް ހޯދާށެވެ
ބަސްހޮއްލުން
މ (1) ބަސް މޮށެވުން (2) މާތް ދެމީހަކު ދެބަސްވެ ޒުވާބު ކުރުން
ބަސްނުވިކުން
މ (1) ބުނާބަހުގެ އަގެއް ނެތުން (2) އެމީހަކު ބުނާ ބަހެއް އެހެން މީހުން ގަބޫލު ނުކުރުން (3) އަމުރު ނުހިނގުން
ބަސްނުވިކޭ އޮޑީގެ ދިރުނބާކޮޅަށް ނާރާށެވެ.
(މިސާލުބަހެއް) ބަސްގަބޫލު ނުކުރާ ބަޔަކަށް މަގުދައްކާ މީހަކަށް ނުވާށެވެ.
ބަސްކޮށާރު
ނ ޖަމާވެފައި ނުވަތަ މީހަކަށް އެނގިފައިވާ ބަސްތައް
ބަސްދީބަސްގަތުން
މ )މިސާލުބަހެއް( ވާހަކަ ދައްކައިގެން އަނެއްމީހާގެ ހިތުގައި އޮތް އެއްޗެއް ހޯދުން
ބަސްތީ
ނ ރަށުގައި މީހުން އުޅޭ ހިސާބު
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބެރު
ނ ރަސްމީ ބައެއް ކަންތަކުގައި ބޮޑުބަޑި ޖެހުމާ ވިދިގެން ޖަހާބެރު
ބަޑިބޭސް މުގުރާ މީހުން
ނ އިހުގައި ބަޑިބޭސް ހެދުމުގައި މަސައްކަތްކުރާން ސަރުކާރުން ލައްވައިފައި ތިބޭ މީހުން
ބަޑިކުޅިމާ
ނ ބަޑިކުޅިގަހުގައި އަޅާ މާ މިމާ ހުންނާނީ ހޮޅިއެއް ހެންނެވެ މީގެ ހުދުމަލާއި ފިޔާތޮށިމަލާއި ރަތްމާ ހުރެއެވެ
ބަޑިކުޅިގަސް
ނ ތަނޑުތަނޑަށް ހެދޭ ފަތްކުދި ގަހެއް މިގަހުގެ މާ ހުންނަނީ ހޮޅިއެއްގޮތަށެވެ މީގެ އެކި ކުލަކުލައިގެ މާ އަޅާ ގަސް ހުރެއެވެ
ބަޑިކޮށި
ނ (1) ރަސްމީގޮތުން ބަޑީގެ މަސައްކަތް ކުރުމަށް ސަރުކާރުން ބަނޑުހަނޑޫ ދެއްވާފައި ތިބޭ ހަތަރުބައި މީހުންކުރެ ބައެއް (2) މިބައި މީހުންނަށް އެމަސައްކަތް ކުރަން ދެއްވާފައިވާ ބިން
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިކޮޅުހިފާކަން
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު ގެންދާ ބަޑިކޮޅު ހިފުމުގެ ވަޒީފާ (2) ބަޑިބޭސް މުގުރާ މީހުންގެ ވެރިކަން
ބަޑިދަނޑިއެޅުން
މ (1) ބަޑިދަނޑީން އެއްޗެއް އޮބެހެއްޓުން (2) މަޖާޒު: މީހަކު ނުވަތަ ބަޔަކުލައްވާ ގަދަކަމުން ކަމެއް ކުރުވުން