radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ވެލިވަރުބުރަކި
ނ އެންމެ ޅަބުރަކި. މިއަށްރަބާލި ރަބާލިބުރަކި އަދި ކަނަމަދު ކޫޑި ބުރަކިވެސް ކިޔައެވެ
ވެލުމުރުގަ
ނ )ޏ.( މުރަނގައިގެ ބާވަތެއް. މިހުންނާނީ ތޮޅި ހިމަ ދިގުކޮށް ކޯނި ކޯންޏަށެވެ މީގެ ތޮޅީގެ އޮށްތައް ބޭރުން އެނގެން ހުންނާނެއެވެ އާދައިގެ މުރަނގައަށްވުރެ މީގެ ފަތް ބޮޑެތިވާނެއެވެ
ވޭންއެޅުން
މ (1) ރިހުން ގަދަވުން (2) ތަދު ކުއްލި ކުއްލިއަށް ގަދަވާގޮތްވުން
ވޭންވަރަށް ހިފުން
މ ވިހަން ބަނޑުގައި ރިހޭއިރު ގަދަޔަށް ނަގާ ރިހުމުގައި އަމިއްލައަށް ބާރުލުން
ވޭންވަރު
ނ ވިހާންބަނޑުގައި ރިހޭއިރު ގަދައަށް ނަގާ ރިހުން
ވޭންވަރުނެގުން
މ ވިހާން ބަނޑުގައި ރިހޭއިރު މެދުކެނޑިފައި އަލުން ގަދައަށް ރިހުން
މަހަރުމަޑޫ
ނ (1) އޮޑިދޯނި ފަހަރުގައި އިންނަފަތް މަޑުލުގެ މައްޗަށް މައްކާރި މަޑުލުގެ ތިރިއަށް ހުންނަ މަޑޫ (2) ބޮޑެތި ދޯނިފަހަރުގެ ސޯޅަވަނަ މަޑޫ
މަހާނަމަތީބަރަވެލިދުވުން
މަޖާޒު: އެއްޗެހި ބެހުމުގައި ހަމައިން އެއްކިބާވެގެން ކަން ކުރާމީހުން މަރުވެދިއުމުން އެމީހުންގެ މަހާނައަށް އަންނާނެކަމަށް ބުނެއުޅޭ ސުންޕާކަމެއް
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
މަހާއޮޑިޔާވުން
މ (1) މަހާވުން (2) މަސްދޯންޏާ ދިމާއަށް މަސްއައިން އައުން )ދޯންޏަކަށް ރަނގަޅަށް މަސްބޭނޭގޮތްވުން ( (3) މަޖާޒު: ލޯބީގެ ރޮނގުން ނުގުޅިގެން އުޅުނު މީހަކާ ގުޅޭގޮތްވުން
މަހިފޮޅުން
މ މަހިއުފެދޭގޮތަށް ފެންމައްޗަށް ތިލަވެއުޅޭ މަސްއައިނާއި މަހުގެ ބައިބައިގަނޑު ބަޑިތަޅައިގެންފައި ކުއްލިއަކަށް އަޑިއަށް ދިއުން
މަހެއްފަހާލާވަރުގެ މަހެއް ހުރެދާނެ
)މުސްކުޅިބަހެއް( ތިމާވަރު މޮޅުމީހަކު ނެތް ކަމަށް ހީވެގެން އުޅޭ މީހުނާ ދިމާއަށް ބުނެއުޅޭބަހެއް މާނައަކީ އެކަކަށްވުރެ މޮޅު އަނެކަކު ހުރެދާނެއެވެ
)މަރަކުގެ ވާ( މަރަކުވާ
ނ ބަނގަލާ ބޯޓުގައި ފަރުމާނުކޮޅުގައި ކައިރިއަށް ދަމަން ޖަހައިފައިހުންނަ ވާ
މަރިޔަންމަދުރެ
ނ )ގ ( އާދައިގެ މަދިރިއަށްވުރެ ކުލަރަތް މަދިރިއެއް
މަރިޔަންމާ
ނ ޞަޙަރާގެ ތެރޭގައި ހެދޭ ގަހެއްގައި އަޅާ މަލެއް މިމަލަކީ އެތެރެއަށް އޮޅިފައިވާ މޫތަކެއްގެ ސިފައިގައި ބޮނޑި ބޯއްޓާ ވައްތަރު ގޮތަކަށް ހުންނަ މަލެކެވެ
މަރުހަތިޔާރު
ނ ތިމާއަށް ގެއްލުމެއް ވެގެން ނަމަވެސް އަނެކަކަށް ގެއްލުން ދިނުމަށް އެއްލާ ހަތިޔާރު
މަރުއެތިފަހަރު
ނ (1) ހަނގުރާމައިގައި އަނެކާއަށް ރެކި ނުގަނެވޭގޮތަށް ޖަހާ އެތިފަހަރު މަޖާޒު: (2) ފުރާނަ ދާފަދަ ކުއްލި ޙާދިޘާއެއް (3) މީހެއްގެ ދުވަސްދުއްވާލުމަށް ރާވާރޭވުން
މަރުގެސަކަރާތް
ނ މަރުވަމުންދާއިރު މީހާއަށް ލިބޭއުނދަގޫތަކާއި ވޭންތައް
މަޅާދަތްގަނޑު
ނ ފަހާފޮށީގެ ދަތްގަނޑެއް )މިދަތްގަނޑަކީ އެތެރެއަށް ފޮތިގަނޑުގެ ކައިރި ލައްވައިފައި ފެހުމުން މެޅެމުންދާގޮތަށް ހަދައިފައި ހުންނަ އެއްޗެކެވެ
މަޅިބެދުން
ނ (1) ސަރުބަތު ހަލުވިދާފަދަ ތަކެތި ކެއްކުމުގައި ވަކި ވަރަކަށް އޮލަވުން. )މިގޮތް އެނގޭނީ ބޮނޑިނަރުން މަޅިއެއްހަދައި އެއަށް ބާނާފައި ނަގާއިރު އެއެއްޗަކުން މަޅީގެ އެތެރެ ބެދިފައި ހުރުމުންނެވެ