radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ކާފޫރުގަސް
ނ މެދުމިނަކަށް ހެދޭ ގަހެއް މިގަހުގެ ގޮފިތަކުގެ ތޮށިގަނޑު ހުންނަނީ އޮމާން ކޮށް ފެހިކުލައެއްގައެވެ ތޮށީގައި ވިދާގޮތްހުރެއެވެ މިގަސް އެންމެ ވައްތަރުވާނީ ދެބުދާރުގަހާއެވެ ފަތްތައް ހުންނާނީ މޫނިމާފަތާ ގާތްގޮތަކަށެވެ މިގަހުގެ ހުރިހާ އެއްޗެއްގައިވެސް ދުވާނީ ކާފޫރުވަހެވެ
ކާލިގަނޑު
ނ (1) ކޯއްޓޭގެ ދެބުރިދޭތެރޭގައި ހުންނަ ބުރަފަތި. (2) އެކިގޮތްގޮތަށް ބުރަފަތިކޮށް އަޅާ ރޮނގު. (3) ރާރުކާއި ބިލެތްހަރުފަދަ އެއްޗެހީގައި ބަނދެފައި ހުންނަ ގަޅި ގަނޑު
ކާގަނޑު
ނ ބިލެތުވައްގަނޑު
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކާޖާ
ނ ގޮދަންފުށުގައި ހަދާ ހެދިކާ އެއްޗެއް. މިހުންނަނީ ގޮދަންފުށްގަނޑު މޮޑެ ރޮށްޓެއްހެން ދަމައި ތުތިމަސްގޮތަށް ކަފައި ތެލުލައިފައެވެ. މިފޮނިކޮންނާއި ލޮނުކޮށް ހަދައެވެ
ކިހިލިފަތްދޮށް
ނ އަތުބުޑުގެ ދަށް ފަރާތުން ކިހިލިފައްޗާއެކު އެ ހިސާބުގަނޑު
ކިނދާލަނޑާ
ނ ލަނޑާގެބާވަތެއް މިއީ ހުޅުނބުގަނޑު ބޯކޮށް ހުންނަ މުށިކުލައިގެ ބޮޑު ލަނޑައެކެވެ
ކިނދުކާށި
ނ ކުއްޖާއަށް ހަތްދުވަސްވެގެން ބޮލުންބާލާ އިސްތައްޓާއި ކަނޑާ ނިޔަފައްޗާއި ވެއްޓޭ ފޫޅު ދެނާށީގެ ތެރެއަށްލައި އެކާށި ހެހުނު ބޮނބިގަނޑު އޭގެ ބޭރުންލައި ބަނދެފައި އޮންނަކާށި
ކިރިކެޓްބޯޅަ
ނ ފިލާގަނޑުބޯޅަ ކުޅެން ގެންގުޅޭ ބޯޅަ
ކިރިއްސުން
މ (1) ތޫނުކަމަކުން އޮށީން ފަންވަތްތައް ވިދިވިދިގެން ވަކިކުރަމުން ގަޔާދުރަށް ގެންދިއުން (2) ކެޔޮފަތް ދަޅީން ވަކިކުރަމުން ގަޔާދުރަށް ގެންދިއުން (3) ތޫނު އެއްޗަކުން އެޅިގެން ހަށިގަނޑުގެ ބޭރުފުށުން ތަނެއް ދިގުކޮށް ނޮޅިގެންދިއުން
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުނުގޮނޑި
ނ އެއްތަނުން އަނެއްތަނަށް ގެންދެވޭނޭހެން ކިރުނުޖަހާން ހަދާފައި އޮންނަ ލަކުޑިގަނޑު
ކިރުޅިޔަބިބީ
ނ ބިބީމަހުގެ ބާވަތެއް މި މަސް ފަރު ފަޅުތަކުގެ ބޭރުގެ ފުންހިސާބުތަކުގައި ދިރިއުޅެއެވެ މަހުގެ މައިގަނޑު ކުލައަކީ ރަތްރީނދޫ ކުލައެވެ
ކިރުކޯޅި
ނ ކިރުތިނައިގެ ބާވަތެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ މި ގަސް ހުންނާނީ އާދައިގެ ކިރުތިނަ ގަހަށްވުރެ ތަންކޮޅެއް ދިގުކޮށެވެ މިގަހުގެ މާގަނޑު ބޮޑުވާނެއެވެ
ކިރުފަނިހަނދި
ނ (ޅ) ފަނިހަނދީގެ ބާވަތެއް. މިއީ އާދައިގެ ފަނިހަންޖަށްވުރެ މަސްގަނޑު ތުނި ކިރުފެން ކުލައިގެ ހަންޖެކެވެ.
ކިރުފެލާއިލާގަނޑު
ނ ކާށިހުނިން ކިރުފެލުމަށްޓަކައި ބޭނުންކުރެވޭ އިލާގަނޑު )މިއީ ދިވެހި ރުކުގެ އިލާ ކަފައިގެން ވަކިސިފައަކަށް ހަދައިފައި އޮންނަ އެއްޗެކެވެ
ކިރުފެލުން
މ (1) ކާށިފަދަ ތަކެތީގެ ހުނީން ކިރުނެގުން (2) ޖަނަވާރުގެ ކިރުވައްގަޑުން ކިރުނެރުން (3) ތިނަ ވައްގަނޑުން ކިރުނެރުން
ކިރޭލިގަނެޑު
ނ )ޏ ( އުނަގަނޑުގައި އަޅާ ރޮދިގަނޑު
ކިބާ
ނ (1) ދުންކިބާ. (2) ތިލޭރުންގެ އުނދުން. (3) ގަނޑުވަރުތެރެ ބައިކޮށްފައި އޮންނަގޮތުން ރަސްގެފާނު އުޅުއްވާ ބަޔަށާއި ބޭފުޅުން އުޅުއްވާ ބަޔަށް ކިޔާފައި އޮންނަ ނަމެއް. މިސާލު: ބޮޑުކިބާ ކުޑަކިބާ
ކިޅި
ނ )ޏ ސ ( (1) ކުޅު (2) އެއްގަމުގައި ހެދިފައި ހުންނަ ފެންގަނޑު