radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ވާވެއްދުން
މ މަޖާޒު: (1) ދާންވީ މަގު އޮޅުވައިލުން (2) ކަންތައް ކުރަންވީގޮތް އޮޅުވައިލުން
ވާދަޖެހުން
މ ވާދައަށް އެކިކަންތައްތައް ކުރުން
ވާތްތެރި
ނއ ކަންތައް ކުރާއިރު އާދަކޮށް ވައަތް އިސްކުރާ
ވާލުބުޅިއެޅުން
މ މިސާލު: ވާލެއް ވަކިއަޅާފައި ހުންނަހެން އަކުރުތައް ހުތުރުކޮށް ލިޔެވިފައި ހުންނަ ލިޔުމަށް ކިޔާ ނަމެއް
ވާޑު
ނ ހަސްފަތާލުގައި ބަލިމީހުން ބައިތިއްބުމަށް ހުންނަބައިތައް
ވާޖިބު
ނ (1) ލާޒިމު (2) ތިމާކޮންމެހެން ކުރަންޖެހޭ ކަންތައްތައް
ވާޖިބުވުން
މ (1) ލާޒިމުވުން (2) ނުކޮށްނުވާނޭ ގޮތަށް ތިމާގެ މައްޗަށް ހުރި ކަންތައްތަކެއް ކުރަން ޖެހުން
ވިހަވުން
މ (1) ވިހައެއްގެ އަސަރުކުރުން މިސާލު: މީދަލު ވިހަވެގެން ދުޅަވުން (2) މަޖާޒު: ބައެއް ކަންތައް ހުންނަންވީ ޤަވާޢިދުން ނެއްޓިގެން ގޮސް ނުބައިވުން މިސާލު: ސަމާސާ ވިހަވުން
ވިހަގިގުނި
ނ ކުޑަވަރެއްގެ ގަހެއް މީގެހިކިތޮޅިތެޅުވީމާ ގިގުންޏެއް ފަދައިން ތޮށިގަނޑުގެ ތެރޭން އޮށްތައް ތެޅޭއަޑު އިވޭނެއެވެ މީގެ ދެވައްތަރެއް ހުރެއެވެ
ވިހާ
ނ (1) ހުޅަނގު މޫސުމުގެ ސޯޅަވަނަ ނަކަތް )ވިހާނަކަތް( (2) އެނަކަތުގެ ތަރިތައް
ވިނަނޮޅުން
މ (1) ބިމުން ފަޅައިފައި ހުންނަ ތޮނަ އުފުރުން (2) ބިމުން ފަޅައިފައި ހުންނަ ކުދިގަސްތަކާއި ތޮނަތައް ނަގައި ސާފުކުރުން
ވިނަކޮށުން
މ ބިމުގައި އެކުލަވައި ހެދޭ ކުދިގަސްތައް މަތި އެއްވަރުވާގޮތަށް ކޮށުން
ވިރުވައިއެޅުން
މ (1) މަޢުދަނީ ތަކެތި ވިރުވައިގެން ތައްގަޑެއް އެޅުން (2) މަޖާޒު: ރީތިކޮށް އެއްޗެހި ކިއުން
ވިއަނި
ނ ތާނައިގެ އަކުރުތައް. ޚާއްޞަކޮށް މިނަންކިޔުން އާދަވެފައިވާ ބައެއް އަކުރު ހުރެއެވެ. އެއީ ށ ޑ ޅ ގ ޏ ޒ ޓ ޕ ޖ ޗ ޑ މިއެގާރަ އަކުރެވެ
ވިއްސާރަބަލާކަށިގަނޑު
ނ (1) ބެރޯމީޓަރ މިއީ ޖައްވީ ބަދަލުތައް އެނގޭގޮތަށް ހަދައިފައި ހުންނަ ބާވަތެއްގެ އާލަތެކެވެ (2) މަޖާޒް: ރާއްޖެބަލި ވެގެން ގައިގާ ރިހޭ މީހުންނާމެދު ދީއުޅޭ މިސާލެއް މިމިސާލުދީފައިވަނީ އެމީހުންގައިގައި ބޮޑަށް ރިއްސާން ފެށުމުން ވިއްސާރައެއް ކައިރިވާކަން އެނގޭތީއެވެ
ވިއްސާރަކޯޓް
ނ ފެން ފުރޭނިގެން އެތެރެޔަށް ނުދާކަހަލަ ފޮއްޗަކުން ހަދައިފައި ހުންނަ ކޯޓް. މިއީ ވިއްސާރަ އިރަށް ވާރެއިން ހިޔައުވުމަށްޓަކައި ލާން ތައްޔާރުކޮށްފައިވާ ކޯޓެކެވެ މިއަށް ވާރޭކޯޓްވެސް ކިޔައެވެ
ވިއްސާރައަލިވުން
މ ވިއްސާރައިގެ ގޮތްތައް ފިލުން
ވިއްސާރަދެއްކުން
މ ވިއްސާރައިގެ ޢަލާމާތްތައް ފެނުން
ވިދެޔާހުސްބުޅިޔާ
ނ މަޖާޒު: ލިބޭ މުސާރައިގެ އިތުރަށް އެތައް މަސައްކަތެއް ކޮށްގެން ގޭގެ ޚަރަދު ހަމަޖެއްސުން
ވިލަރެސްކުރުން
މ ކަމެއް އިންތިޒާމު ކުރުމުގައި ކަންތައްތައް ގުޅުވައިލައިގެން ގެންދިއުން