radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ފަތްގޮށި
ނ އެއްޗެހި އެޅުމަށް ގަސްގަހުގެ ފަތުން ހަދައިފައި ހުންނަ ގޮށި އާއްމުކޮށް މިބާވަތުގެ ގޮށި ހަދަނީ މާ އެޅުމަށެވެ
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަތްޕުޅުޖެހުން
މ އާދައިގެ މީހަކު ބޭފުޅެއްގެ ފޭރާންކޮޅު ފަތްޖެހުމަށް ބުނެއުޅޭ ގޮތް
ފަތްޖެހިގޮނޑި
ނ (1) ލައްޕައި ހުޅުވޭ ގޮތަށް ހަދައި ފޮތި ފަދަ ތަކެތި ޖަހައިފައި ހުންނަ ގޮނޑި (2) ފޮތިޖެހި ގޮނޑި
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަލުކާ
ނ (1) ތައްޓުދަށުގައި މުދާލާން ހަދައިފައި ހުންނަތަން (2) ފަލުކާގައި ޖަހާމަތި
ފަގުޑި
ނ ބޮލުގައި އެޅުމަށް ފޮށަޔަކުން ނުވަތަ ފޮތިގަނޑަކުން ވަކި ގޮތަކަށް އޮޅައި ހަދައިފައިހުންނަ އެއްޗެއް
ފަގުޑިފޮށި
ނ ފަގުޑިލާން ހަދައިފައި ހުންނަ ދަޅު
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްއޮށްބައި
ނ ފަސްއޮށް ކުޅެން ގެންގުޅޭ ބިއްލޫރިން ހަދައިފައި ހުންނަ އޮށުގެ ފަސް އޮށް
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޗިސްކުޅިބައި
ނ ރާޒުވާ ފަދައިން ލިޔެލާ ޖަހައިފައި ހުންނަ ގޮޓިއޭ ކިޔާ ކުޅިތަކެއް މި ހުންނާނީ ހަތަރު ކުލައިގައެވެ ދެން އޮންނާނީ އެތެރެއަށް ތިމަރަ އަޅައިފައި އޮންނަ ރިހާކުރުބޮލީގެ ކުދިވަރުގެ ހަ ބޮއްޔެވެ
ފަޗިސްފޮތިގަނޑު
ނ ފަޗިސްކުޅެން ހަދައިފައި އޮންނަ ފަތިގަނޑު މި އޮންނާނީ ހުދު ފޮތިގަނޑެއްގައި ކަޅުފަށްތަކަކުން ގޮޅި ހަދައި މެދު ހަތަރެސްކަންވާ ގޮތަށް ހަތަރުފަރާށް ހަތަރުބައި ދިގުކޮށް އޮންނަގޮތަށެވެ
ފާހި
ނ (1) އެއްނަރު ފައްޓަރުގެ ދެކޮޅުގައި ހޮޅިކޮޅެއްހެން ހަދައި ބޮޅެއްލާފައި އޮންނަ އެތި (2) ނަނުފަދަ އެއްޗެހީގެ ކޮޅުގައި ދެއެއްޗެއް ގުޅުވުމަށް ހަދާފައި ހުންނަ މަޅި
ފާހިލުން
މ (1) އެއްނަރު ފައްޓަރު ފަދަ ތަކެތީގައި ފާހި ހަރުކުރުން (2) ވަކިގޮތަކަށް ހަދައިފައި ހުންނަ މަޅިއެއްގެ ޒަރީޢާއިން އެއްނަނު އަނެއް ނަނާ ގުޅުވުން (3) ފާހިހެދުން
ފާނިންމަރު
ނ )ޅ ( ގޮދައިގެ ވައްތަރެއް
ފާރުހިއްކާބޭސް
ނ ފާރުހިއްކުމަށް ހަދައިފައި ހުންނަ ބޭސް