radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބަނޑުކަނި
ނ (1) ތޮނައިގެފުލުން ފައި ދޮށުގެ މެދުގައި ވިއްދާކަނި (2) ތޮނައިގެ ފުލުން ނުވަތަ ހުރަހުން ފައިދޮށުގައި ވިއްދާކަނި
ބަނޑުކަޅުމުގުރާން
ނ މުގުރާމުގެ ބާވަތެއް. މިއީ ބުރިކަށި ފަރާތުގައި ފެހިކުލަ ބަނޑުގެ ދެއަރިމަތީގައި ކަޅުކުލަ ބަނޑުދަށް ފަރާތުގައި ހުދުކުލަ ހުންނަ މުގުރާމެކެވެ
ބަނޑުކެނޑުން
މ މަޖާޒު: ކަމެއްގެ އެދުން ބޮޑުވެގެން ގޮސް ހަމައިން ނައްޓައިލުން
ބަނޑުއިހި
ނ ދޯނިފަހަރު ބަންނައިރު އެންމެ ފުރަތަމަ އަޅާ އިހިބައި
ބަނޑުއެޅުން
މ (1) ހުތުރު ބަހުން ކެއުމަށް ބުނާގޮތް. (2) ފާރެއް ރާނަމުންދާއިރު ދެފަރާތުގައި ހުންނަ ގާބުރީގެ މެދަށް ކުދިގާ އެޅުން (3) އެއްޗެއްގައި ބަނޑު ޖައްސައިގެން ގުދަށް އޮތުން (4) މުދާބާލާ ބަނޑު ތަނެއްގައި ހައްޔަރުކުރުން
ބަނޑުއޮއްޓުގަނޑު
ނ (1) އެއްޗެއް ވަރުގަދަކުރަން ދަށުފުށުން އަޅާ އެތިގަނޑު (2) ތެލަނގައިގެ ލަނބާދުނީގެ ބަނޑުފުށުގައި މެދުތެރޭ އަޅާ އެތިކޮޅު
ބަނޑުވަސް
ނ ފައިދޮށްތަކުގެ މެދާ ދިމާއިން ފުރާޅުގެ ދިގަށް ފައިދޮށްތަކުގެ ދަށުން އަޅާ ވަކަރެއް މިވަކަރު އަޅަން ޖެހެނީ ފައިދޮށްތައް މާދިގުކަމަށްވާނަމަ ފުރާޅު ލަނބާފާނެތީއެވެ
ބަނޑުވާ
ނ ޝަހުވާނީ ކަންތައް މެދުވެރިކޮށްދޭން އަންހެނަކާއި ފިރިހެނަކާ ދެމެދު ހިނގާ މީހާ
ބަނޑުމުސާރަ
ނ އޮޅުލުމުގެ ބާވަތެއް މިއީ ބޯ ނުޖައްސައި މެދުހަށީގައި ބައްދައިގެން ހިފާ ހިފުމެކެވެ
ބަނޑުފަލި
ނ މަސްދޯނި ފަހަރުގެ މެދުވަތުގައި ބޭނުންކުރާ ފަލި. )ކޮޅުފަހު ފައްޔާއި ޖެހިގެން ހުންނަފަލި
ބަނޑުފިލާ
ނ (1) އޮޑިދޯނި ފަހަރުގައިނަމަ މަތީ އިންނަ ފަތްބަޔާ ވަވަތާ ދެމެދު (2) ނައުފަހަރުގައިނަމަ ކަމަރުބަންދާ ފަށަނާ ދެމެދު
ބަނޑުފުރިއެރުން
މ މަޖާޒު: ދުވާމީރު ވަހަކުން ލިބޭ އަރާމަކާއި ހިތްހަމަޖެހުމެއް ބަޔާން ކުރުމުގެ ގޮތުން ބުނެއުޅޭ ބަހެއް
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ބަންދުވުން
މ (1) ހައްޔަރުވުން (2) މަނާވުން (3) ހިނގަހިނގާ ހުރިކަމެއް ނުވަތަ އެއްޗެއް ހުއްޓުން
ބަންދުފިލުން
މ (1) ހުއްޓިފައި ހުރިކަމެއް ނުވަތަ އެއްޗެއް ހިނގައިގަތުން (2) ބަންދުކަން ކެނޑުން
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބަންޑާރަ ޙަސަނަށް މޫދުހިތަކަށް ލިބުން
(މިސާލުބަހެއް) އެހެން މީހަކަށް ބާރެއް ނުވަތަ ނުފޫޒެއް ނުފޯރުވޭގޮތަށް އެއްޗަކާއިމެދު ނުވަތަ ތަނަކާމެދު ފެންނަގޮތަކަށް ޢަމަލުކުރުމުގެ ބާރާއި އިޚްތިޔާރު މީހަކަށް ލިބުމުން އެކަމަށް ނިސްބަތްކޮށް ބުނެއުޅޭ ބަހެއް. މިއީމަލާމާތުގެ ގޮތުން ބުނެއުޅޭ ބަހެކެވެ.
ބަންޑާރަނެވިކަން
ނ (1) ސަރުކާރުގެ އެންމެއިސް ނެވިކަން (2) ނަޚުދާކަން
ބަންޑާރަބެލުން
ނ މަޖާޒު: ކޮންމެހެން ބަލަހައްޓަން ޖެހޭކަމެއް ބެލެހެއްޓުމުގައި ފަރުވާކުޑަކުރުން