radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ބަދަލުހިފުން
މ މީހަކުކުރި ނުބައިކަމެއްގެ ބަދަލުގައި ނުބައި ކަމެއްކުރުން
ބަދަލުވެރިޔާ
ނ ޝަރުއީގޮތުން މީހަކު ބަލާން ޖެހިފައިވާ މީހާ
ބަދިގެޔަށްދިޔުން
މ (1) ގަނޑުވަރުތެރޭ ބޭފުޅުންގެ ބަދިގޭ ނޯކިރީ ހިފުން (2) މާތްމީހުންގެ ގޭގެގައި އުޅޭމީހުން ކާން ބަދިގެޔަށް ދިޔުން
ބަދިގޭ ހަނޑޫ
ނ ގަނޑުވަރުތެރޭގެ ބޭފުޅުންގެ ފަރިއްކޮޅު ކައްކާ މީހުންނަށް މުސާރައެއްގެ ގޮތުން ސަރުކާރުން ދީއުޅުނު ހަނޑޫ
ބަދިގޭމީހުން
ނ (1) އެތެރެކޮއިލުގެ ބަދިގެބަދިގޭގައި އުޅޭ އަންހެނުން (2) ބަދިގޭ މަސައްކަތުގައި އުޅޭމީހުން
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ
ބަތާހަރާމީ
ނ ތިމާގެންގުޅޭ މީހާޔަށް ހަރާންކޯރުވާ މީހާ
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަތާކެއުން
މ މީހެއްގެ ހެވަތުގައި އުޅުން
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަލާހިންގެވުން
މ ރަސްމީ ބައެއް ކަންތައް ތައްޔާރުކުރަން އުޅޭ މީހުން އެކަމަށް ގެންނާންވީ ބަޔަކު ހާޟިރުވުމަށް އަންގާން ދިއުން މިސާލު: މާލޫދު ފެށުމަށް އަހަރުމަތި ކިޔެވުމަށް ބަލާދިއުން
ބަލާނދެ
އ މީހަކުކުރާ ކަމަކަށް ސިއްސައިލުމަށް ނުވަތަ ހޭއަރުވައިލުމަށް ބުނާބަހެއް
ބަލިހެލުން
މ (1) މީހެއްގެ ހުންނަ ވިޔާނުދާ ހަޑިހުތުރު ޢަމަލެއް ތަކުރާރު ކުރުން (2) ދާއިމީ ބައްޔެއް ހުރުމާއެކު ދުވަސް ދުވަސްކޮޅުން ބަލިނުބައިވުން
ބަލިބަލާކަށިގަނޑު
ނ (1) ކަންފަތުގައި ޖަހައިގެން ބަލިމީހާ ހަށިގަނޑު އެތެރޭގެ އަޑުތައްއަހަން ދަކްތަރުން ގެންގުޅޭ އާލަތެއް (2) ބަލިބަލާއެތި
ބަލިކަލޯ ބޮލަށް ދެތުޅާ
މބ ބަޔަކު މީހުންނަށް ލިބޭންވީ ހުތުރެއް އޭތެރޭހުރި އެންމެ ދެރަމީހާޔާ މަތިކުރުމުން ބުނެއުޅޭބަހެއް
ބަލިމަޑުވުން
މ ވެއްޓޭބަލި ޖެހިފައިވާ މީހަކު އެބަލީގައި ވެއްޓުން
ބަލިމީހާ
ނ ބަލިވެ އުޅޭ މީހާ
ބަލިފައި
ނ (1) މީހެއްގެ ފުށުން ވެފައިހުންނަ ދެރަކަންތައް (2) މީހެއްގެ ކިބައިގައި އަށަގެންފައި ހުންނަ އެމީހަކު ލަދުގަންނަންޖެހޭ ސިފަ
ބަލިފައިގައިހިފުން
މ (1) މީހަކު ދެރަކުރުމަށް އެމީހެއްގެ ފުށުން ވެފާއޮތް ދެރަކަމެއްގެ ވާހަކަ ގޮވައިލުން (2) މީހެއްގެ ކިބައިގައި އަށަގެންފައި ހުންނަ އެމީހަކު ލަދުގަންނަންޖެހޭ ސިފައެއްގެ ވާހަކަ ގޮވައިލުން