radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
މައިކްރޯމީޓަރު
ނ (1) މީޓަރެއްގެ އެއްމިލިއަން ބައިކުޅަ އެއްބައި (2) މިނެއްޓެއްގެތެރޭގައި އެއްޗެއް ދަތުރު ކުރާވަރެއް ބެލުމަށް ދުރުމީއެއް ނުވަތަ މައިކްރޮސްކޯޕެއް ހަރުކޮށްގެން ހަދާފައިވާ އާލަތެއް
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މައިފޮތް
ނ (1) ފައިސާގެ ފޮތް )ފައިސާއާބެހޭ މުޢާމަލާތުތައް ރެކޯޑް ކުރާފޮތް( (2) ކަމެއްގެ އަޞްލުތައް ނުވަތަ ކަމަކާބެހޭ ފުރިހަމަ މަޢުލޫމާތު ލިޔެފައިވާ ފޮތް
މައިދަރިކުލުނު
ނ (1) މައިމީހާއާއި ދަރިޔާ ދެމެދުގައި ހުންނަ ލޯބި (2) މައިބަފައިންނާއި ދަރިންނާ ދެމެދުގައި ހުންނަ ލޯބި
މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
މައްރަތްދަނޑި
ނ ކޮށީމީހުންގެ ތެރެއިން އާދައިގެ މީހުން ކުޅި ޖަހަން ގެންގުޅޭ ދަނޑި
މައްވުން
މ (1) އާދައިގެ މީހަކަށްވުން (2) )ސ ( ޅީވުން
މައްދުކުރުން
މ މައްދަށް ދެމުން )ޤުރްއާން ކިޔަވާއިރު އެއަކުރު ކިޔުމުގައި އިތުރު ޙަރަކާތަކަށް ދެމުން
މަދަނީ
ނއ (1) ރަށްވެހިވެފައިވާ (2) ސިފައިންގެނޫން (3) މުދަލާ ފައިސާއާބެހޭ
މަތިންބައިންޖެހުން
މ މަޖާޒު: ތިމާއާ ނުބެހޭ ކަމެއްގެ ތެރެއަށް އަމިއްލައަށް ވަދެގަތުން
މަތިންތިރިޔަށް ކިޔެވުން
މ އިހުގައި ކުދިންނަށް ޤުރުއާން ކިޔަވައިދޭއިރު ތިރިންމައްޗަށް ކިޔަވައި ނިޔާވީމާ ދެން ބަޤަރާ ސޫރަތުން ފެށިގެން ތިރީސްވަނަ ފޮތުގެ ނިޔަލަށް ކިޔެވުން
މަތީބޮނޑި
ނ ބުމައާއި ލޮލުގެ މަތީއެސްފިޔަތަކާ ދެމެދުގައިވާބައި
މަލަބާރީކެޔޮ
ނ އާދައިގެ ކޭލަށްވުރެ ވައްތައް މާދިގުކޮށް ހުންނަ ފަތްކޭލުގެ ބާވަތެއް
މަލަކަށްދޫކުރާނެ މަލެއްނެތް
)މުސްކުޅިބަހެއް( މީހަކަށް ދޫކުރާނެ މީހެއްނެތް )މިއީ ބައެއްގެ އާދަޔާ ޚިލާފު ރީތިކަމަށް ނުވަތަ ރަގަޅުކަން ދެއްކުމަށް ބޭނުންކޮށް އުޅޭ ބަހެކެވެ
މަލިކުރުވާ
ނ ރުވާފަތުގެ ސިފައަށް އެއަށްވުރެ ކުދިކޮށް ފަތްހުންނަ ގަހެއް މިގަހުގައި ފަސްފިޔަ ހުންނަމަލެއް ފޮޅެއެވެ އެމަލުގެ ޢާއްމުކުލައަކީ ހުދު ކުލައާއި ވައިލެޓް ކުލައެވެ
މަގުރަވަޅު
ނ ކީރިތި ޤުރުއާނުގައި ރުކޫޢުގެ ނިޝާން )ޢ( ޖަހާފައި ހުންނަ ތަންތަން
މަގުތެޅުން
މ މަގުގެ ބިންގަނޑު ހަރުކޮށް އެއްވަރު ކުރުމަށްޓަކައި އެކަމުގެ އާލާތަކުން ތެޅުން
މަސައްކަތުދިއުން
މ (1) އާމްދަނީ ހޯދުމަށް އާދަކޮށް ކުރާކަމެއް ކުރަން ދިއުން (2) ބަޔަކުކުރާ މަސައްކަތެއްގައި ބައިވެރިވާން ދިއުން
މަސައްކަތް
ނ (1) ކުރާކަންތައް (2) ޢަމަލު (3) ނަތީޖާއެއް ނެރުމަށްޓަކައި އުފުލާ ބުރަ (4) ކަމެއް ކުރުމަށް ކުރާ ޙަރަކާތް (5) އާމްދަނީއެއް ލިބޭނޭކަމެއް
މަސައްކަތްހޯދުން
މ (1) ވަޒީފާއެއްލިބޭތޯ ބެލުން (2) އާމްދަނީ ލިބޭކަހަލަ ކަންތައް ހޯދުން