radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ކޮށިއުދޯލި
ނ ނުހިނގޭވަރުގެ ޅަކުދިން ލާން ވަކިގޮތަކަށް ހަދައިފައި ހުންނަ އުނދޯލި
ކޮށިވުން
މ (1) ތޫނުކަން ކެނޑުން (2) ވިސްނުން ދެރަވުން (3) އެއްތާކަށް ޖަމާވުން (4) އެއްވެ ހާސްވުން
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮށުން
މ (1) ވަޅި އާއި ފުރޯ ފަދަ އެއްޗަކުން އެއްޗެއް ކުދިކޮށް ކަނޑައި އުނިކުރުން. މިސާލު: )ހ( ފޯއްކޮށުން. )ށ( ދަރުކޮށުން. )ނ( ވަކަރުކޮށުން. (2) ދޫނި ސޫފާސޫތްޕާއި މަސްމަހާމެހި އެއްޗެހީގައި ތުން ތެޅުން ނުވަތަ ތުނބުގެކުރިން ކުއްލިޔަކަށް ހިފުން (3) )ޏ ސ( ވިކައިގަތުން
ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ކޮށްޖެހުން
މ ރާބޮންޖާއި މާކަނާ ފަދަ ތަކެތި ކުއްލިއަކަށް ކޮށައިގަތުން ނުވަތަ ކޮށައިގަންނާން ތުން އެއްލުން
ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން
ކޮންޓްރެކްޓް
ނ (1) ކުރާވަކިކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި ލިޔެ ސޮއިކުރާ އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަ ބައެއްގެ މެދުގައި އެއްބަސްވެވޭ އެއްބަސްވުމެއް މިއެއްބަސްވުމަކީ ގާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮންޓްރެކްޓްކުރުން
މ (1) ކުރާވަކި ކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި އެއްބަސްވުމެއް ލިޔެ ސޮއިކޮށް އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަބައެއްގެ މެދުގައި އެއްބަސްވުން )މިއެއްބަސްވުމަކީ ޤާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮރައިލުން
މ (1) ފައިތިލައިގެ ކުރީކޮޅު ޖައްސައިފައި ހިންދެމިލުން (2) ކުޑަތަން ކޮޅަކަށް ކޮރުން (3) ކޮރުދެމުން
ކޮރެފާނު
ނ )ގ ( ރޭގަނޑަށް ގޮވާ ފަންޏެއް މިއީ ކަޅުމުށިކުލައިގެ ހިމަދިގު ފަންޏެކެވެ މިފަނިގޮވާކަމަށް ބުނެއުޅެނީ ކޮންމެވެސް ޚާއްޞަކަމެއް މެދުވެރިވާން ވުމުން އެކަމުގެ ޢަލާމާތެއްގެ ގޮތުންނެވެ މިސާލަކަށް: މީހަކު މަރުވާންވުމުން ނުވަތަ ރަށުގައި ނުރައްކާ ރޯގާ ބަލިކަމެއް ފެށެން ވުމުންނެވެ
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮޅެއްގައިޖެހުން
މ (1) ނިމުމަކަށް އައުން (2) ނިމޭގޮތްވުން (3) ނުފިލައިގެން އުޅުނުކަމެއް ފިލުން
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއްކޮ
ނ (1) ތިމާގެ މީހުންގެތެރެއިން ހަގުމީހާ (2) ތިމާއަށްވުރެ ހަގުކުދީންނަށް އޯގާވެރިކަމުގެ ގޮތުން ކިޔާ އުޅޭ ނަމެއް ބައެއް ފަހަރަށް ވަނަމަކަށްވެސް ބައެއްމީހުނަށް މިހެން ކިޔައެވެ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް