radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
މޭހެޔޮކުރުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބިގަތުން (2) ހޮޑުލަވާގޮތް ކުޑަކުރުން (3) މޭނުބައިކަން ކުޑަކުރުން
މޭހެޔޮވުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބުން (2) ހޮޑުލަވާގޮތް ކުޑަވުން (3) މޭނުބައިކަން ކުޑަވުން (4) މަޖާޒު: ކަމަކާ މެދު ގެންފައިވާ ބިރު ކުޑަވުން ނުވަތަ ކެނޑުން
މޭނާކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭ ކަމަކީ ދައުލަތުގެ އެންމެމަތީ ވެރިޔަކަށް ލަފާ ދެއްވުމާއި ބޮޑެތި ޢިއްޒަތުގެ ރަސްމިއްޔާތު ފުރިހަމަ ކުރެއްވުމުގެ ގޮތުން ބައިވެރިވަޑައިގަތުމެވެ
މޭބޮޑުވުން
މ މަޖާޒު: (1) ބިރުގަތުމާއި ފިކުރުބޮޑުވުންފަދަ ކަމަކުން ހާސްވުން (2) ނުބައިވަހެއް ޖެހިގެން މޭނުބައިކުރުން (3) ކާއެއްޗެހީގެ ތެރޭގައި އުޅުމުގެ ސަބަބުން ނުވަތަ މާގިނައިން ފޮނި އެއްޗެހި ކެއުމުގެ ސަބަބުން ހޮޑުލަވާގޮތްވުން
މޭގަ
ނ (1) ރަށެއްގެ ޢިމާރާތްތަކާއި ފަރުބަދަތައް ދުރުން ފުސްކޮށް ފެންނަފެނުން (2) ދުރުން އަންނަ ބައިގަނޑެއްގެ ލިސާން ފެންނަފެނުން
މޮހަޅަ
ނ (1) ސުއްދާނަ ނުހިފިގެން މައްޔިތާގެ ދޮރުދޮރަށް ލައްވާ ނުވަތަ ޖަހާ ފޮތި ނުވަތަ ކަފަ. (2) އައްޑަނައިގެ މާބައިނުގައި ހިފީމާ އަތުގެ ފުށަތްޖެހޭ ތާނގައި އޮންނަ ބާލީސް
މޮއް
ނ (1) މުށްކަވައިލީމާ އަތްތިލައިން ފެންނަން ހުންނަ ހުޅުތައް (2) ގަސްގަހުގެ ކުރި ގާވާ ގާވުން (3) އަތްފައިގެ ގުނަވަނެއް ބުރިވުމުން ހަށިގަނޑާ ގުޅިފައި އޮންނަ ބައިގެ ކޮޅު (4) ނއ މިޔަ ނުވަތަ ތުނޑު ފަދަ ތޫނު ތަން ތަނުގެ ތޫނުކަން ކެނޑިވަށްވެފައިވާ
މޮޔަހެއްލުން
މ ނުބައިކަމެއް ކުރުމުގެ މައްޗަށް އަނެކާ އަނބުރައިލުން
މޯދަނޑި
ނ (1) ތަޅުވަޅުގެ އެތެރޭގައި ހުންނަ ލޯވަޅަށް ވެއްދުމަށް ތަޅުދަނޑީގައި ހުންނަބައި (2) ތަޅުދަނޑީގެ ކޮޅުގައި ހުންނަ ލޯވަޅަށް ވަނުމަށް ތަޅުގައި ހުންނަބައި
ފަހަތުކޮޅު
ނ (1) ކުރީގެ އިދިކޮޅު. (2) ކޮންމެއެއްޗެއްގެވެސް ފަހަތަށް އޮންނަ ކޮޅު (3) ފަހަތަށް ވީބައި
ފަހުކުޅިޖެހުން
މ ބަބުރު ތިންހަމަ ކުޅޭއިރު އެންމެ ފަހުން ބައިންދާ ފުއް ބެއިންދުން
ފަށްވަރު
ނ (1) ފަށްޓަރު ބައިން ވަކިކޮށްފައިވާ ފަށެއް (2) ފަށެއްގެ ބައެއް
ފަނިހިރުވުން
މ ފަނީގެ އުނދަގޫވުމުންނާއި ލޭނުބައިވުމުގެ ސަބަބުން އެތެރެ ހަށީގެ ބައެއް ތަންތަނުން ފަނިހިރުވާހެން ހީވުން
ފަނިއެޅުން
މ (1) ބައެއްކަހަލަ އެއްޗެހި ނުބައިވެގެންގޮސް އޭގެ ތެރޭގައި ފަނި އުފެދުން (2) ބައެއް ކަހަލަ ގަސްގަހަށްޖެހޭ ބައްޔެއްގެ ސަބަބުން ފަނި އުފެދުން (3) މަޖާޒު: ބައެއްގެ ތެރޭގައި ނުބައެއް އުފެދުން
ފަނިވަރަ
ނ )ސ.( (1) ރާވެރިންގެ ބަދީގެ ދެބައިއެއްކުރާއިރު ދެއުނބު ދެމެދުގައި އޮޅާފަށް (2) މަސް އައިނުގައި އުޅޭ އެއްފަނި
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަންހާމަސް
ނ ފަރުފަރާއި ފަޅުފަޅުގައި މުރަކައާއި ގާތަކުގެ ތެރޭގައި އުޅޭ ބޮޑު ކޮތަރިބައެއް ހުންނަ މަހެއް. މީގެ ކޮތަރި ބައިގައި ވަރަށް ވިހަގަދަ ކަށިތަކެއް ހުންނާނެއެވެ ރުޅިއައުމުން ކޮތަރިބައި ފޮޅުވާލައެވެ މިއީ ވަރަށް ރީތި ތަފާތު ކުލަތަކެއްގައި ހުންނަ މަހެކެވެ
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންކާތުނޑު
ނ ފަންކާ ރުކުގެ ފަނުން ހަދައިފައިވާ ފަންކާގެ ވަށައިގެން ވިހޭ ފަށާ ގުޅޭ ހިސާބުގައި ގުދުގުދު ލައްވައިފައި ހުންނަ ތުނޑުބައި