radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ވަޑާންކަށިތާނަ
ނ މިއީ ކަންހަމަކޮށް ލިޔާތާނަ އަކުރަށް ކިޔާފައިވާ ނަމެކެވެ މި އަކުރު ހުންނަނީ )ހ ށ ނ ރ( މިގޮތަށެވެ މިއަށް އަތިރީގޭ ތާނަވެސް ކިޔައެވެ
ވަޒަންވެރިން
ނ (1) އެތަނެއްގެ އަހުލުވެރިން (2) ތަނެއްގެ ރަށްވެހިންގެ ގޮތުގައި ހަމަޖެހިފައިވާ މީހުން
ވަޒަންވެރިވުން
މ (1) ތަނެއްގައި ގެދޮރު އަޅައިގެން ދިރިއުޅެން ފެށުން (2) ތަނެއްގެ ރަށްވެއްސަކަށްވުން
ވަޖިދުއައުން
މ އެހެން އެއްވެސް ޚިޔާލެއް ނުކުރެވޭ ވަރަށް ކަމަކާ ދޭތެރޭ ފޯރި އައުން
ވަޠަން
ނ (1) ވިހާބޮޑުވިރަށް ނުވަތަ ރާއްޖެ (2) ވިހާބޮޑުވިތަން (3) ދިރިއުޅޭތަން (4) އުފަން ބިން
ވާރާދިއުން
މ (1) ވާރުވެރިޔާ ވާރާ ޙަވާލުވެގެން އަތޮޅަށްގޮސް ވާރުފަތްކޮޅު ކިޔައި ދިނުމަށް ރަށްރަށަށް ދިއުން (2) ވާރުވެރިކަމާ ޙަވާލުވެގެން ދިއުން
ވާރު
ނ (1) އިހުގައި މީހުން އުފައްދާ ތަކެތީން ނުވަތަ ކުރާ މަސައްކަތުން ނުވަތަ މީހުންގެ ބޯބޯމަތިން ސަރުކާރަށް ނަގާބައި މީގެ ތެރޭގައި އިމްޕޯޓް ޑިއުޓީ ނުވަތަ އެކްސްޕޯޓް ޑިއުޓީ ހިމެނިގެނެއް ނުވެއެވެ (2) އަމިއްލަ މިލްކު
ވާރުއޮޑި
ނ ވާރަށް ނެގޭ ތަކެތި މާލެ ގެންނަ އޮޑި މިއޮޑި ބަންނަނީ އަތޮޅު މީހުން އަތުން ތަކެތި ނަގައިގެންނެވެ މީގެ ޚަރަދު ނަގާނީ ހަތަރު އަހަރުން އެއް އަހަރުއެވެ
ވާރުއޮޑީމީހުން
ނ ވާރަށްނެގޭ ތަކެތި ހިފައިގެން ދަތުރުކުރާން ވާރުދޭ ދިހަބައި ހަރުންކުރެ ކޮންމެ ބައިހަރަކުން އަހަރަކު މީހެއްމަގުން ތިބޭންޖެހޭ މީހުން. މިމީހުންނަށް އޮންނާނީ މަހަކު ދެލާރިއާއި ކޮއްތެވެ. މިލާރިއަކީ އިހުގެ ދިގުލާރިއެވެ. ވާރުނުނެގޭ ރަށްރަށުން މީހުން ކުރާން ޖެހޭނީ އެކަމަށްޓަކައި އެރަށެއްގެ ވާރު މާފުވެވުނު ފަރާތެއްގެ މަސައްކަތެވެ ގޮއި އޮޑި ދުއްވާ ރަށްރަށުގައި މިމީހުން ތިބޭނީ ގޮއިއޮޑީ މީހުންކަމުގައެވެ
ވާރުއޮޑީދަތުރު
ނ ވާރަށް ނެގޭ ތަކެތި ހިފައިގެން ކުރަންޖެހޭ ދަތުރު. އެއީ އަހަރަކު ފަސް ދަތުރެވެ. އެމީހުންގެ ކޮއްތު އޮންނާނީ މާލޭފަޅަށް ވަންނާންދެން ވާރުގެއިން މާލޭ ފަޅަށްވަނީއްސުރެ ރަށަށް ދާންދެން ބޮޑު ބަނޑޭރި ގެއިންނެވެ
ވާރުފަތްކޮޅު
ނ ވާރުނެގި ޒަމާނުގައި އެއަތޮޅެއްގެ ހުރިހައި ރަށްރަށަކުން ވާރުނަގާންވީ ގަވާއިދު ވަކިވަކީން ލިޔެފައިވާ ފަތްކޮޅު މިއީ ވާރުވެރިންނަށް ވާރުވެރިކަމުގެ ފަތްކޮޅާއި ވަކިން ދެއްވާ ފަތްކޮޅެކެވެ
ވާރުފެތުރުން
މ ވާރުނެގި ޒަމާނުގައި ރަށްރަށު ރައްޔިތުންގެ އަތުންވާރު ނަގާންވީ އަދަދު ބޯބޯ މައްޗަށް މިންވަރު ކުރުން
ވާރުގެ
ނ ވާރުވެރިޔާ ހުންނާން އަތޮޅުގެ ރައްޔިތުން އަތުން ވާރުގެ ޤަވައިދުން ޚަރަދުކޮށްގެން އަޅާގެ ވާރަށް ނެގޭ ތަކެތި ރައްކައުކޮށް އުޅުނީވެސް އެގޭގައެވެ
ވާރުގެ ތަކެތި
ނ (1) ބަންޑާރައަށް ނެގޭ ތަކެތި (2) ވާރުދޭ މީހުން އަތުން އިހުގައި ސަރުކާރަށް ނެގުނު އެއްޗެހި
ވާދޫބޭރަށްފަނާލުން
މ މަޖާޒު: ނުވެވޭވަރުކަމެއް ކުރަން އުޅުން )ގދ ނުވަތަ ކ ވާދޫ ބޭރަކީ ގިނަ މޫސުމުގައި ނަގިއްޔަކުން ފަނަޔަކުން ހިފަހައްޓާލަން ވަރަށް އުދަނގޫ އޮއިބާރު އަދި އޮއި ބަދަލުވާ ތަނެކެވެ
(3) ވާލު ބަލާ! ވާލީ
ނ (1) ފަނިހަނދި ވައްތަރަށް ތިބޭ އެއަށްވުރެ ކަންފަތު އުރަހަދިގު އަދި ނަގޫފަތް އޫކޮށް ހުންނަ ފަރުމަހެއް (2) ބުރަކަށި މަތި ކަޅުމުށިކޮށް ބަނޑުދޮށް ހުދުކޮށް ހުންނަ މާރަގައިގެ ސިފަހުރި ކަޑުމަތީ ދޫންޏެއް
ވާގަތުން
މ (1) ބަތްކެއްކުމުގައި ނާނދާވަރަށް ވަތުގައި ހިފުން. (2) ނާށިފަދަ އެއްޗެހީގައި އަނދާ ހުޅުގަނޑު އަޑުކިޔާފައި ކަފިކަތްޕަށް ދެމުން
ވިހަދަނޑި
ނ ގިނަފަހަރަށް ކަކުލުހުޅާ ތަނބިކައްޓާ ދެމެދުގައި ނަގާބައްޔެއް. މިބަލިނަގައިފިނަމަ އެހިސާބު ރަތްވެފައި އަދި ދުޅަވާނެއެވެ މީގެ ބޯކޮޅު ހުންނަނީ ތިރިއަށްކަމަށް ބުނެއުޅެއެވެ މިއީ ފައިފަލަބަލީގެ ދެވަނަ ދަރަޖައެވެ
ވިކައިގަތުން
މ ދެއިނގިލިން ނުވަތަ ދެއިނގިލި ކުރިން ނުވަތަ ނިޔަފަތިން ހަށިގަނޑުގެ ތަނެއްގައި ތަދުވާވަރަށް ހިފުން
ވިއްސާރަކޯޓް
ނ ފެން ފުރޭނިގެން އެތެރެޔަށް ނުދާކަހަލަ ފޮއްޗަކުން ހަދައިފައި ހުންނަ ކޯޓް. މިއީ ވިއްސާރަ އިރަށް ވާރެއިން ހިޔައުވުމަށްޓަކައި ލާން ތައްޔާރުކޮށްފައިވާ ކޯޓެކެވެ މިއަށް ވާރޭކޯޓްވެސް ކިޔައެވެ