radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ކައްތިރިމުދި
ނ )ބދ ( ރަސްގެފާނުންގެ ސިއްކަފުޅު
ކަވަރުނާ
ނ ފުރާދުއްވާ ބޮޑެތި އެއްޗެހި ބަނުމުގައި ފަށަނުން ފަށައިގެން އެތެރެއިން ބަނޑުފިލައިގައި މަތިކަނާ ހަމައަށް އަޅާވައް
ކަވާ ޖަހަންވެފައިހުރި މީހަކު ތޮށިމައްޗަށް ވެއްޓުން
)މިސާލުބަހެއް( (1) ލޭ ނުބައިވެފައިހުރި މީހަކު ތޫނު ގާތަކެއްގެ ތެރެއަށްވެއްޓި ތަންތަންކެނޑި ލޭނުކުތުން. (2) މަޖާޒު: ތިމާގެ އެދުން ފައުޅުކުރުމަކާ ނުލައި ބޭނުންކަމެއް ފުދުން
ކަމަނަ
ނ (1) ދިވެހި އަންހެނުންނަށް ކިޔާ އުޅޭ ނަމެއް (2) މަލުގެ ކަރުގަނޑު
ކަމަނާ
ނ މާތްކުރުމުގެ ގޮތުން އަންހެނުންނަށް ކިޔާނަމެއް
ކަމަރީ
ނއ (1) އަންހެނުންނަށް ލިބޭ މުސްކުޅިސިފަ (2) ބައެއްތަކެތި ދުވަސްވެގެން ލިބޭ ދެރަ
ކަމަރީވުން
މ (1) އަންހެނުންގެ ޒުވާންކަން ދިއުން (2) ބައެއްތަކެތި ބާވުން (3) މަޖާޒު: މީހަކުހުރި މަޤާމުން ދަށަށް ދިއުން
ކަމަޅިމަތީ
ނއ (1) އައު (2) ބައުނުވާ ގިނައިން މިބަސް ބޭނުންކުރަނީ ފުރާދުއްވާ އެއްޗެއްސާއި އަންނައުނާ މެދުގައެވެ
ކަމުންދުރުވުން
މ (1) ޙަވާލުވެފައިވާ ކަމަކުން ވަކިވެގަތުން (2) އިސްތިއުފާދިނުން
ކަމުފޮޅުން
މ (1) ތަނަވަސްކަމެއް ޙާޞިލުވުން (2) ބޭނުންކަމެއްވުން (3) ބޭނުންހިފޭގޮތްވުން
ކަމުދާކަށްނެތް
)ގބ ( (1) ކަންބޮޑުވުމާއެކު އަޖައިބުވެގެން ބުނާ ބަހެއް (2) ބޭނުން ހިފޭކަންނެތް
ކަމެކޭހީނުވުން
މ (1) ފަރުވާ ބަހައްޓަންޖެހޭ ކަމަކަށް ފަރުވާ ކުޑަކުރުން (2) އަޅާލަންޖެހޭ ކަމަކަށް އަޅާނުލުން (3) ސަމާލުކަންދޭންޖެހޭ ކަމަކަށް ސަމާލުކަން ނުދިނުން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްވުން
މ (1) ކަރުދާހާއި ބަރަނި ފަދަ ތަކެތި ގެންގުޅެ ގެންގުޅެ ނުވަތަ ބޭނުން ކުރެވޭ ގޮތަކުން ރޫޅޭގޮތްވުން. (2) މަޖާޒު: މަސައްކަތެއް ކުރާންއުޅެ އެކަމެއް ނުވެވި ވަރުބަލިވެގެން ހިތްވަރު ދެރަވުން
ކަފިކޮޅު
ނ ނަކަތްތެރިން އިރުވަރު ބަލަން ބޭނުންކުރާ މިންގަނޑެއް މިއީ ޑަބްލިޔޫ އަކުރެއް ހެންހުންނަ ކުރެހުމެކެވެ މިއިން ބަލަނީ އަރަމުންދާނަކަތްތަކާއި ފައިބަމުން ދާނަކަތްތަކެވެ
ކަފޭރާ
ނ (1) ކުކުޅުހައު އެއްތަނުން އަނެއްތަނަށް ގެންދާންލާކޮށި (2) ތަށިސަމުސާ ފަދަތަކެތި ލުމަށް ހުންނަ އަލަމާރިބައި
ކަދަޅާ
ނ ފިރިހެނުންނާ އެޅޭ އަންހެންދުޅާ މީހުންނާ ދިމާޔަށް މަލާމާތުގެ ގޮތުން ނުވަތަ ދެރަކޮށްލުމުގެ ގޮތުން ބުނާ ނިކަމެތި ބަހެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ