radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބޯށިމައުފުސް
ނ ލޮލުގެ ބައްޔެއް މިބައްޔަކީ ލޮލުގެ ކަޅުކަޅީގައި ބޯށިމާގަނޑުގެ މަލެއްހެން ބޯކޮށް ހުންނަގޮތެއް ނުކުންނަ ބައްޔެކެވެ މިބަލި ޖެހުނީމާ ލޯ އަނދިރިވާނެއެވެ
ބޯށިމަސް
ނ ކުއްޖާޔާ ފޫޅުދަނޑިން ގުޅިފައިވާ މަހުގެ ބާވަތެއް މިމަސް އޮންނާނީ ކޭލުބޯއްޓެއްގެ ސިފައިގައެވެ
ބޯނށިފިއަ
ނ )ޏ ( ހިބަރުގައި ހުންނަ ތަނެއް މިތަން ހުންނާނީ ފޫޅާއި ނިގުލާއި ގާތު ހުންނަ އުރަހައާއި ދެމެދު- ބަނޑައިދުލުގެ މިސާލުގައެވެ މަހުގެ މިތާނގައި ތެޔޮގިނަވުމުގެ ސަބަބުން ބައެއް މީހުނަށް އެހެންތަންތަނަށްވުރެ މީރެވެ
ބޯރީނދޫ ކޮކާމަސް
ނ ކޮކާމަހުގެ ބާވަތެއް. މިއީ ވަރަށް ރީތިކުލަތަކަކުން ކުރެހުން އެޅިފައި ހުންނަ އެތެރެވަރީގެ ގުންޑޮޅިތަކުގައި ދިރި އުޅޭމަހެކެވެ މަހުގެ ލޮލާއި ނިންމަތިހުންނާނީ ރީނދޫ ކުލައިގައެވެ މަހުގެ ތުނބާއި ކޯމަތީގައި ހުންނަނީ ކަޅާއި ރީނދޫ ކުލައިގެ ތިކިތަކެއްޖަހައިފަ އެވެ
ބޯބަންފަޓާސް
ނ (1) ފުކުގެ ތަންކޮޅެއް ތިރިން ވަށައިގެން އަޑިކޮށް ރޮނގެއް ހުންނަ ފަޓާސް (2) މަޖާޒު: އަންހެނެއްގެ ސިފަނުލިބެނީސް އަންހެން ހެދުން އަޅައިގެން އުޅޭ ނުފާޑު ކުދީން
ބޯބޮޑުއާނި
ނ އެއްއިންޗި ނުވަތަ އިންޗިއެއްގެ 4/3 ބައިހުންނަވަރުގެ އާންޏެއް. މީގެ ބޯހުންނާނީ ފަތާކޮށެވެ. ޢާއްމުކޮށް މި ބޭނުންކުރަނީ ލަކުޑި ބޯޓު ފަހަރުގެ ފެނުންތިރިޔަށް ހުންނަބައިގާ ލޮއިޖެހުމަށެވެ
ބޯޅަކިންކިރިމާ
ނ ގުލްސަންޕާމަލުގެ ވައްތަރެއް މިގަހުގެ ފަތްހުންނާނީ ކޮޅުވަށްކޮށެވެ މިމައު ގުލްސަންޕާ މަލަށްވުރެ ތަންކޮޅެއް ބޮޑު ވާނެއެވެ
ބޯކިބާ
ނ ފުށަށް ކާށިކިރު ނުވަތަ ހުނިއަޅައިގެން ފޮނިކޮށް ނުވަތަ ލޮނުކޮށް ފިހާ ހެދިކާއެއްޗެއް މިފިހަނީ ކޮންމެވެސް ކަންވާރަކަށް އަޅައިގެންނެވެ
ބޯވަ
ނ (1) ފަރުފަރާއި ފަޅުފަޅުގެ ބޭރުމަތީގައްޔާއި ތިލަފަޅުމަތީގައި ދިރިއުޅޭ އެއްޗެއް މި ދިރިއުޅެނީ ހަރުގައެވެ މީގައި އަށްފައި ހުރެއެވެ މިފައިގައި ހުންނަ އުންތަކުގެ ބާރުން ތަންތާނގައި ތަތްކޮށްލައެވެ މީގެ ކުލައެސޮރު އުޅޭ މާހައުލާ ގުޅުވައިގެން ބަދަލުކޮށް ހަދައެވެ (2) ބޯވައެއްގެ ސިފައިގައި އަޅާކުރެހުމެއް (3) ހުދުހަމުގައި ދުޅަވާ ބަލިކަމެއް
ބޯވަމަސް
ނ (1) ކުއްޖާޔާ ފޫޅުދަނޑިންގުޅިވައިފައިވާ މަހުގެ ބާވަތެއް މިމަސް އޮންނާނީ ބޯވަޔާ ވައްތަރުގޮތަށެވެ (2) ދިލަފޮށީމަސް (3) ބޯވަދިލަމަސް
ބޯވަދިލަމަސް
ނ ބޯވަޢާއިލާގެ މަހެއް މިމަހުގެ ކުރީކޮޅުގައި ބޯވައިގައި ހުންނަ ކަހަލަ އުންފަޅައިފައިވާ ކުދިފައިތަކެއް ހުރެއެވެ މަހުގެ ހަށިގަނޑު ހުންނަނީ ފަތިކޮށެވެ އަދި ބޯވަޔާއެއްގެބީދައިން ކުލަބަދަލު ކުރެއެވެ
ބޯވަޖެހުން
މ އަތްތިލައިގަޔާ ފައިތިލައިގެ ބަނޑުފުށުގެ މެދު ގަނޑުލައިފައި ދުޅަވުން މިގޮތަށް އަޑީގައި ގަނޑުލައިފައި އޮންއިރު އޮންނާނީ ބޯވައެއްގެ ސިފައަށެވެ
ބޯދި
ނ ރާއްޖޭގެ މަސްވެރިން ދިރޭ އެމުގެ ގޮތުގައި ގެންގުޅޭ ކުދި މަހެއް މީގެ ކުލައަކީ ރަންމުށިކުލައެވެ އާންމުކޮށް އުޅެނީ ފަރާއިފަޅު ފަޅުގެ ބޭރު ގުންޑޮޅިތަކާއި ހަތާތަކުގެ ނިވަލުގައާއި ވިލުވިލާއި ކަނޑުއޮޅިތަކުގައި ހުންނަ ބަދިތަކާއި ބޮޑެތިގައުގަލުގެ ނިވަލުގައެވެ އަދި ބޮޑެތި އައިން ހަދައިގެން ކަނޑުގައިވެސް އުޅެއެވެ
ބޯދޮލަނގު
ނ ފަނަރަބާވަތުގެ ބުއިމުން ތައްޔާރުކުރެވޭ ކެއުމުގެ ރަސްމީ ދޮލަނގެއް މީގައި ހުންނާނީ ހަތްބާވަތުގެ ކަންޖާ އަދި ހިތި ބުލިބުއްޔަކާ އެވެ
ބޯދޮލަނގު
ނ ފަނަރަ ބާވަތުގެ ބުއިމުން ތައްޔާރު ކުރެވޭ ކެއުމުގެ ރަސްމީ ދޮލަނގެއް. މީގައި ހުންނަނީ ހަތްބާވަތުގެ ފަންޏާ ހަތް ބާވަތުގެ ކަންޖާ އަދި ހިތިބުލި ބުއްޔަކާއެވެ މިގެންދަނީ ހިތިވިލޭރޭ އިރުއޮއްސޭ އިރަށް ކޮންމެވެސް ބޮޑުބޭކަލެއްގެ ގެއަކުން ހިތި ގެއަށެވެ
ބޯތަށިމަލާފަތް
ނ މަލާފަތުގެ ބާވަތެއް. މިހުންނަނީ އެކަނިކާތަށިލާ މަލާފަތަށްވުރެ ބޮޑުކޮށް އުސްކޮށް ފުންކޮށެވެ
ބޯލުން
މ (1) އޮށޯންނަތަނުގެ ކޮންމެވެސް ފަރާތަކަށް ބޯގެންދިއުން. މިސާލު: އުތުރަށް ބޯލުން އިރަށް ބޯލުން (2) ގުޑީގެ މައިދުނީގެ މަތީކޮޅުގައި އެކަށީގެންވާ މިންވަރަށް ބަރުއެއްސުން
ބޯސާލުން
މ ފުރާ ދުއްވާ އެއްޗެހި އަޅާން ދެކޮޅަށް ދެނަގިލި ލައިފައި ވަލެއް ބޭއްވުން މިވަލުގެ މެދު އޮންނާނީ ފެން މައްޗަށް އަރާނޭހެން އުފުއްޔެއް ލައިފައެވެ
ބޯޓު ދަތުރުކުރުން
މ ރާއްޖޭން ބޭރަށް ދަތުކުރާ އާގުބޯޑު ފަހަރުގައި އާމްދަނީ ހޯދުމަށްޓަކައި މަސައްކަތް ކުރުން
ބޯޓުހޫކު
ނ އެއްކޮޅުގައި ފަލަބުޅިއެއް ހަރުކޮށްފައި އޮންނަ ދަނޑިޔެއް މިދަނޑި ގެންގުޅެނީ ބޮޑެތި ނައުޒޯނގު ފަހަރު ދޮށަށްދާ ކުދި ބައްތެލީގައެވެ