radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ބޮލުކަށިހެފުން
މ (1) މީހަކަށް ބޮނޑިއެއްދޭން އަނެކަކު ގާތު ވާހަކަ ދެއްކުން (2) ކުޓުވުން
ބޮލުއެޅުން
މ ކަމަކާ ހަވާލުވުން
ބޮލުގައި އެޅުން
މ (1) ތާކިހަލާއި ރުމާ ފަދަތަކެތި ބޮލުގައި ބޭއްވުން (2) މަޖާޒު: ކަމަކާ ހަވާލުވުން
ބޮލުގައިރިހުން
މ ކަމަކާހުރެ ބޮލަށް އުނދަގޫވުން
ބޮގޮބޮގޮލުން
މ ކުރުނބާ އުނބެއްފަދަ އެއްޗެއް ފެނަށް ވައްޓައިލީމާ އެއަށް ފެންވަންނަ އަޑު އިވުން
ބޮޑާވުން
މ (1) ތިމާގެ މިންވަރަށްވުރެ މަތިވެރިވެގަތުން (2) ކިބުރުވެރިވުން
ބޮޑުނަސީބު ފިޔޮހީންޖެހުން
)މިސާލުބަހެއް( ނޭނގިހުރެ ކުރެވޭ ކަމަކުން ތިމާޔަށް ރީތި ލިބޭނޭގޮތް ދިމާވުން
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ބޮޑުކޭމުގައިބޭންދުން
މ (1) ރަސްމީ ކެއުމުގައި ބޮޑުބޭކަލުންނާއި އަތްހަމަ ކުރެއްވުން (2) ބޮޑުބޭކަލުން ތިއްބަވާ ރަސްމީކޭމުގައި ބޭންދެވުން
ބޮޑުވުން
މ (1) ހުރިހައި މިނަކުން އިތުރުވުން (2) ދަރަޖައުފުލުން (3) ބާލިޣުވުން
ބޮޑުމީހަކަށްވުން
މ ބާލިޣުވުން
ބޮޑުފޮތިކެނޑުން
މ (1) ހިލާތަކެތި ވަރުވެގެންއައިސް ދޭފަތް އުފުލާލީމާ ފޮތިފޮއްޗަށް ވެއްޓޭ ވަރުވުން (2) އޮލަވުން (3) ހިލާތަކެތި ކުނިނުވާ ވަރުވުން
ބޮޑުދުން ބެހުން
މ ބޮޑުދުންދޭ ފަންސަވީސް ޒިޔާރަތަށް ދުންފޮނުވުން
ބޮޑުގުންބާކުރުން
މ ބޮޑުގޮހޮރު ސާފުކުރުމަށްޓަކައި ފުރަގަސް ފަރާތު ދޮރުން އެތެރެހަށްޓަށް ލޮނު ނުވަތަ ސައިބޯނިފެން ފަދަ އެއްޗެއް ފޮނުވުން
ބޮޑުޙަދަޘް
ނ ހިނެއިން ވާޖިބުވާ ވުން
ބޮޑުޙަދަޘްވެރިވުން
މ ހިނެއުން ވާޖިބުވުން
ބޯހަރުވުން
މ (1) ނުކިޔަމަންތެރިވުން (2) ބުނާގޮތް ނުހެދުން (3) ބަސްޤަބޫލުނުކުރުން (4) ގޮތްދޫނުކުރުން
ބޯހަމަވުން
މ (1) މީހުންގެ އަދަދު ހަމަވުން (2) ކަމަކަށްޓަކާ އެއްކުރާ ބައެއްގެ އަދަދު ހަމަވުން
ބޯހިކޭވަރުވުން
މ މަޖާޒު: (1) ދަރަނިވެރިވެފައިވާ މީހަކު އެކަމުން ކިރިޔާ ސަލާމަތްވުން (2) ކޮންމެ ދަތިކަމަކުން ނަމަވެސް ކިރިޔާ މިންޖުވުން
ބޯހެފުން
މ މަޖާޒު: (1) މީހަކަށް ބޮނޑިއެއްދޭން ކުޓުވުން (2) ކަމަކުކިޔާ ކިޔާ އުނދަގޫކުރުން