radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯރިގަތުން
މ (1) ދިޔާއެއްޗެއް ފައިބައިގަތުން (2) ގިނަ މީހުންތަކެއް ނުވަތަ ޖަނަވާރުތަކެއް އެއްމަގަކުން ބޮނޑިބޮނޑިއަށް ގިނައިން އައުން
އަހިގަހުބަޅިނދު
ނ ރީނދޫ ކުލައެއްގެ ބަޅިނދެއް މި ގިނައިން އުޅެނީ އަހިގަސް ގަހުގައެވެ
އަނބިހި
ނ ވަރަށްހުތް މަޝްހޫރުމޭވާއެއް މިގިނައިން ބޭނުންކުރަނީ ހިއްކައިގެންނެވެ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގަކެނޑުން
މ (1) އެއްޗެއްގައި އަނގަޔެއްހެދުން (2) އަނގައިންތަނެއް ކެނޑުން
އަނގައޮރިކުރުން
މ (1) ތިރީތުންފަތު ދަށަށް ދޫލައްވައިފައި އަޑެއް ގޮއްވުމާ އެކުއަނގައިން ވައްތަރެއް ޖެއްސުން (2) މީދާގޮއްވާ ޚާއްޞަ އަޑެއް
އަނގަވަސް
ނ އަނގައިންދުވާ ނުބައިވަސް
އަނގަފާރު
ނ ހޫނުން އަނގައިގައި ހެދޭ ފާރެއް މިއީވަރަށް ގިނައިން މީހުނަށް ޖެހޭ ބައްޔެކެވެ
އަނގަފެޅުން
މ ކަމަކާ ދެރަވެގެން ނުވަތަ ރުޅިއައިސްގެން އަނގައިން ނުބުނެހުރެފައި ވާހަކަ ދައްކާން ފެށުން
އަނގަތެޅުން
މ (1) ބޭނުންނެތް ވާހަކަ ދެއްކުން (2) ހިސާބަށްވުރެ ގިނައިން ވާހަކަދެއްކުން
އަނގަތެޅުވުން
މ (1) ބޭނުންނެތް ވާހަކަ ދެއްކުން (2) ހިސާބަށްވުރެ ގިނައިން ވާހަކަދެއްކުން
އަނގަގަދަ
ނއ ހިސާބަށްވުރެ ގިނައިން ވާހަކަ ދައްކާ
އަނގަގަދަކުރުން
މ ހިސާބަށްވުރެ ގިނައިން ވާހަކަ ދެއްކުން
އަނގަގަދަވުން
މ ހިސާބަށްވުރެ ގިނައިން ވާހަކަދައްކާ ގޮތްވުން
އަނގިލި
ނ )ސ ( ދޯނިފަހަރުގައި ދިޔަހިއްކާން އިންނަ ތަން
އަނާ
ނ (1) އަހަރެންނޭ ބުނާބަސް މިބަސް ބޭނުންކުރަނީ ޅެމުގައެވެ (2) އިންޑިއާގެ ސިއްކައެއް އެއީ ރުފިޔާއެއްގެ ސޯޅަބައިކުޅައެއްބައެވެ
އަންހެނުން
ނ (1) އިންސާނުންގެ ދަރިމައިވާ ބާވަތުގެ ގިނަމީހުންނަށް ކިޔާނަން (2) އަނބިމީހާ
އަންނަފޮތި
ނ (1) ނުދޮންނަފޮތި (2) ރާއްޖޭގެ ފިރިހެނުން އަންނާން ގެންގުޅޭ ހުދުނުކުރާ އުއިން ވިޔެފައި ހުންނަ ފޮއްޗެއް