radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ބިސްމަސް
ނ )ސ ( ފަރުމަހުގެ ބާވަތެއް މިއީ ފަތާކޮށް ނަގޫކޮޅަށް ހިމަކޮށް ހުންނަ މަހެކެވެ މިމަހުގެ އަނގަ ބޮޑުވެފައި ދަތްތައް ހިމަވާނެއެވެ މަހުގެ ބަނޑުދޮށް ފަރާތުގައި ހުންނާނީ ރިހިކުލައެވެ ބުރަކަށި މަތީގައި ގަދަނޫކުލައެވެ
ބިސްފަތަފޮޅި
ނ ހެދި ކާއެއްޗެއްގެ ނަން މިއީ ރޮށިދަމާގޮތަށް ދަމާ ވަކި ސައިޒަކަށް ވައްކޮށް ކަނޑައި ފިހެފައި ހުންނަ އެއްޗެކެވެ މި ފޮނިކޮންނާއި ކުޅިކޮންވެސް ހަދައިއުޅެއެވެ
ބިސްގަނޑު
ނ (1) ކުކުޅު ބިހުން އަޅާ ފޮޅިގަނޑު. (2) ބިހުގެ ގޮބޮޅި. (3) މަޖާޒު: ދޮންކޮށް ފަލަކޮށް ލޮކިމަސްޖަހައިފައި ތިބޭ ކުދިންނާއި މީހުން
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބިޑިއެޅުން
މ (1) ބިޑިން އަތްފައި ބަންދުކުރުން މިއީ ދަގަނޑުން ހަދައިފައި އުޅާގޮތަށް ދެއަތުގައި އަޅުވާ ތަޅުލާ އެއްޗެކެވެ (2) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް ތަޅު އެޅުވުން
ބިޔަކޮށް
ކއ މާބޮޑުކޮށް
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބިޗޫ
ނ ހާސްފައިހެން ބޮޑެތިކޮށް ގަޅިޖަހައިފައި ހުންނަ ވިހަގަދަ ސޫތްޕެއް މި ދައިގަތީމާ ވަރަށް ބޮޑަށް ދިލަނަގާނެއެވެ
ބީރައްޓެއްސެއްވިއްޔާ ފަސްކުޅަނދު މަދުވާނެ
(މުސްކުޅިބަހެއް) ރާއްޖެތެރޭގެ މީހުންނަށް ކަންތައްތައް އޮޅުން ނުފިލާތީ ދެރަކޮށްލުމުގެ ގޮތުން މާލޭމީހުން ބުނެއުޅުނުބަހެއް
ބީކޮށްލުން
މ (1) ނައްތައިލުން (2) ނަގައިލުން (3) ވަކިކޮށްލުން (4) އަތްމަތީން ދޫކޮށްލުން
ބުނެލުން
މ ބުނުން މިބަސް ލުއިކޮށް ބުނާގޮތް
ބުންބާބާޒާރު
ނ ވޯރާ ވިޔަފާރިވެރިން މާލޭގައި ވިޔަފާރިކޮށް އުޅުނު ބާޒާރު އެއީ އިސްމާއީލް ބާޒާރާއި އަޙުމަދީ ބާޒާރެވެ
ބުންބާއަވަލި
ނ އަވަލީގެ ބާވަތެއް. މިއީ ބަންގާޅު އަވެއްޔަށްވުރެ ތުނިކޮށް ފަތިކޮށް ހުދުކޮށް ހުންނަ އަވެއްޔެކެވެ
ބުންބާތާކިހާ
ނ މަޚުމާފޮތިން ފަހައިފައި އަގުޅިވަށްކޮށް ހުންނަތިރި ތާކިހަލެއް މިތާކިހާ ހުންނާނީ ކަސަބުން ޖަރީކޮށްފައެވެ
ބުންބާސައި
ނ (1) ސައިފަތު ކުލަގަދަކޮށް ގިނައިންކިރު އަޅައިގެން ފޮނިމަޑުކޮށް ހަދައިފައި ހުންނަ ސައި (2) މިއީ ބުންބާ މީހުން މާލޭގައި އުޅުނު ޒަމާނުގައި އެމީހުން ހަދައި އުޅުނު ސައެކެވެ (3) ބުންބާޓީ
ބުރަކި
ނ (1) ދުއްވާ އެއްޗެއް ނުވަތަ ފުރޮޅެއްފަދަ އެއްޗެއްގެ ދުވެލި ނުވަތަ އެނބުރުން މަޑުކުރަން ނުވަތަ ހުއްޓާލަން ބޭނުންކުރަން ހުންނަ އެތި (2) އެމުގެ ބާވަތެއް މިއީ ހިމަދިގުކޮށް ބޯކޮޅަށް ހުންނަ މަހެކެވެ
ބުރަކިރަނިން
ނ ފަސްވަނަ ޢަލީ ރަސްގެފާނު. )ދޮންބުޅާފާށަނާ( ގެދައިތާފުޅު ކަޅު މުޙައްމަދު ރަސްގެފާނުގެ ފުރަތަމަ އަނބިކަނބަލުން މިބޭފުޅަކީ ކަޅު ބުރުސޫރަ ރިވެތި ލޯފުޅު ބޮޑު ބޭފުޅެކެވެ ބުރަކިރަނިން ކިއުނީ ލޯފުޅު ބޮޑުކަމުގެ މައްޗަށް ބުރެކީގެ ލޮލަށް ނިސްބަތްކޮށްގެންނެވެ
ބުރާލުން
މ (1) ބުރުން މިބަސް ލުއިކޮށް ބުނާގޮތް (2) އައިސް ފެނިލައިފައި ދިއުން
ބުރި
ނ (1) ފުރަގަސްފަރާތު ދޮރު (2) ދިގުއެއްޗެއްގެ ބައެއް (3) ހުރަހަށް ބުރިކޮށްލި އެއްޗެއްގެ އެއްބައި (4) ޢިމާރާތެއްގައި އެއްބައިގެ މައްޗަށް އަނެއްބައި ހުންނަގޮތަށް އިތުރު ކޮށްފައި ހުންނަ ބައި
ބުރިކުރާސައިބޯނި
ނ ހަތަރު އަރިޔަށް ދިގުކޮށް ހަދައިފައި ހުންނަ ދޮންނަ ސައިބޯނި