radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
އަންނައުނު
ނ (1) އަންނަލާތަކެތި (2) އަނުމަށް ނުވަތަ ގަޔަށްލާން ބޭނުންކުރާ ތަކެތި
އަންނަފޮތި
ނ (1) ނުދޮންނަފޮތި (2) ރާއްޖޭގެ ފިރިހެނުން އަންނާން ގެންގުޅޭ ހުދުނުކުރާ އުއިން ވިޔެފައި ހުންނަ ފޮއްޗެއް
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރާ
ނ (1) ހަތަރެސްކަން ރިޔަލުގެ ފަރުމާނު (2) މީހުންނަށް ހާނީއްކަ ދިނުމުގެ ގޮތުން ދެއަތް ދަމައިފައި އަތުގައި ބަންނަ ދަނޑި ގަނޑު (3) އެރުމަށްކުރާ އަމުރު
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަރާރުން
ނ (1) އަރައިރުން (2) ޚިލާފު (3) ގަޑުބަޑު (4) ދެކޮޅުވެރިކަމުގައި ކުރާ ޒުވާބު
އަރާގިމަތަ
ނ ދަތުރުވެރިން ދަތުރުނިމިގެން ރަށަށް އެރުމުގެ ކަންތައްތައް ހަމަޖެއްސުމަށް ބޭނުންކުރާ ގިމަތަ
އަރިބަޑަހަގެ
ނ މުސްކުޅިގޮތަށް އަޅާފައި ހުންނަ ގޭގޭގެ އަސްކެއްޏާއި ގުޅާލައިގެން ހަދާފައި ހުންނަ އެއްޗެތި ރައްކާ ކުރާ ކޮޓަފާޅި
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަބުނާކަށި
ނ ގުޑުގުޑާގެ އަބުނާ ސާފުކުރާން ގެންގުޅޭ ހިމަދަގަނޑެއް
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
އަޅުވެރި
ނއ އަޅުކަންތައް ގިނައިންކުރާ
އަޅުވެރިޔާ
ނ ގިނައިން އަޅުކަންތައްކުރާމީހާ
އަކިރިގަނޑުފަނި
ނ (1) ހަކުރުހިލާން ރާވަރުކުރާއިރު އަޅާއަކިރިތައް ރާއެތި ވަރުވީމާ ނަގައި އެއަށްފެން އަޅައިގެން ގިރާފަނި
އައުކަންތައް
ނ (1) އަލަށްކުރާ ކަންތައް (2) އަލުން އުހެދޭ ކަންތައް (3) އަލަށްވާކަންތައް