radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ދެނަކާދެނެއްނެތް
ގބ ކަމަކާ ރުޅިއައިސްގެން ނުވަތަ ކަމެއްގެ ފޯރިގަދަވެގެން ވަކިހަމައެއް އުސޫލެއްނެތުމުން ބުނެއުޅޭ ބަހެއް
ދެނޯ
އ ކަމަކާ ވިދިގެން ކަމެއް އޮޅުން ފިލުވުމަށް ސުވާލެއްގެ ގޮތުން ބުނެއުޅޭބަހެއް
ދެންނެވުން
މ (1) އެންމެމާތްކޮށް މުޚާޠަބުކޮށް ވާހަކަ ދައްކަންޖެހޭ ފަރާތެއްގައި އެއްޗެއް ބުނުން )ނ ( (2) ގިނަފަރާތްތަކަކަށް ކަމެއް އެންގުމުގެ ގޮތުން ފޮނުވާ ނުވަތަ ބަހައްޓާލިޔުމަކަށް ކިޔާނަމެއް (3) ސަރުކާރުގެ އޮފީސްތަކުން ޗާޕުކުރައްވައިފައި ނެރުއްވާ އެންގުމެއް
ދެންމުން
މ (1) ކަމެއްލަސް ކުރަމުން ގެންދިއުން (2) ދެމުންމިބަސް ކުރުވުމުގެ މާނައިގައި ބުނާގޮތް (3) ޖެހިޖެހީނުން ހިރިނުލެވޭ ވަރުކުރުން
ދެރަބަސްބުނުން
މ ކަމެއްކުރެވޭ ފަދަ ކުޅަދާނަކަންހުރި މީހަކާ ދިމާއަށް އެކަމެއް ނުވެވޭނެއޭ ބުނެ ދެރަކޮށްލުން
ތޮށިނޮޅިދޮންކެޔޮކެއުން
މަޖާޒު: އަނެކަކު ބުރަމަސައްކަތް ކޮށްގެން ހޯދި އެއްޗެއް ނުވަތަ ކަމެއްގެ ބޭނުން މަސައްކަތް ނުކޮށްހުރި މީހަކު ހިފަންފެށުމުން ބުނެއުޅޭ ބަހެއް
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްކުރުން
މ (1) މީހެއްގެ ހަށިގަނޑުގައި ނުވަތަ ތަނެއްގައި ނުވަތަ ގެންގުޅޭ އެއްޗެއްގައި އެއްޗެއް ފޮރުވައިފައި އޮތްތޯ ބެލުން (2) ފޮތް ފަދަ ތަކެތި ލިޔެފައިވަނީ ރަނގަޅަށްތޯ ނުވަތަ ނޫންތޯ ބަލައި ނިންމުން (3) އެއްޗެއް ނުވަތަ ކަމެއް ހަމަޖެހިފައިވާ ގަވާއިދަކާ އެއްގޮތްތޯ ނުވަތަ ނޫންތޯ ބަލައި ނިންމުން
ފާޑަވާރި
ނއ ދިރިއުޅުމުގައި ދިމާވާ ކަމެއްގެ ސަބަބުން ހަދާނެ ގޮތެއް ނޭނގި ގޮތް ހުސްވެފައިވާ
ފާޑަވާރިވުން
މ ދިރިއުޅުމުގައި ދިމާވާ ކަމެއްގެ ސަބަބުން ހަދާނެގޮތެއް ނޭނގި ގޮތްހުސްވުން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިކުރުން
މ (1) އައިސްކުރުން (2) އިންސާނާގެ ހަށިގަނޑަށް ވައިފެނުން އަރާމުލިބިގަތުން (3) މަޖާޒު: ހޫނުކޮށް ހިނގަމުންކަމެއް މައިތިރިކުރުން (4) ރުޅިމަޑުކުރުވުން
ފިނިވުން
މ (1) ހޫނުގެ އަސަރުކެނޑުން (2) ގަނޑުފެނާއި ފިނިކުރި އެއްޗެހިންވާ އިޙްސާސް އުފެދޭ ގޮތްވުން މަޖާޒު: (3) ބިރުންފަސްޖެހޭ ގޮތްވުން (4) ރުޅި މަޑުވުން (5) ކަމެއްގެ ބާރުކެނޑުން
ފިއެހު
ނ )ބދ ( އެފަހަރަކު އިސްކަންދޭކަމެއް
ފިއްސާލުން
މ (1) ހޫނުކަމެއް ބޭނުންކޮށްގެން މީހެއްގެ ހަށިގަނޑު ނުވަތަ ހަށިގަނޑުން ބައެއް ރޯ ފިލުވައިލުން (2) "ފިހުން" މިބަސް ކުރުވުމުގެ މާނައިގައި ބުނާގޮތް
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިވަހަށް އައުން
މ (1) މޫދުތެރެއަށް ފިލިޖަހައިލީމާ އޭގެ ވަހަށް މަސްތައް ނުވަތަ އެންތައް އެތަނަކަށް ޖަމާވުން (2) މަޖާޒު: ތަނެއްގައި ތިމާ ގަޔާވާ ކަމެއް ހިނގާކަން އެނގުމުން އަވަސް އަވަހަށް އެތަނަކަށް ދިއުން
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިލުން
މ (1) ފޮރުވިގަތުން މިސާލު: މީހަކަށް ނުފެންނަން ފިލުން (2) އެއްޗެއްގައި ހުރި ނިޝާނެއް ފޮހެވުން މިސާލު: ގަމީހުގައި ހުރި ލައްގަނޑު ފިލުން (3) ހަނދާނުގައި ހުރިކަމެއް ހަނދާނުން ކެހުން މިސާލު: ރަށުގެ ހަނދާންތައް ފިލުން
ފިޔަބިނދުން
މ (1) ފިޔަ ހުންނަ އެއްޗެހީގެ ފިޔަ މުގުރުން (2) މަޖާޒު: ކަމެއް ކުރެވޭނެ ގޮތެއް ނެތުން