radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ވައިހިޔަނި
ނ )ވައިހިޔަނިފަށް( ވައިހިނދިފައި އޮންނައިރަށް ދުރުން އަންނަ މަޑުރޯޅިފަށް މިފެންނަނީ ކަނޑުތެރެއިން ކަނޑުގައި ހިފައިގެން އަންނާތީއެވެ
ވައިރްލެސް
ނ (1) ރޭޑިއޯ ރާޅުގެ ޒަރީޢާއިން ދުރަށް ފޮނުވާ ފޮނުވުން (2) ނަރުނެތް (3) ނަރުނެތި ފޮނުވާ މެސެޖް
ވައިބޭރުކުރުން
މ (1) ފުރަގަސްފަރާތު ދޮރުން ވައި ނެރުން (2) އިންޖީނު އެއްޗެހީގެ ހޮޅިހޮޅީން ވައިނެރުން (3) ވައިދަމާ ފަންކާއިން ވައިބޭރަށް ނެރުން
ވައިވަރުކުރުން
މ ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭހައި ވަރަށް ދަތުރުކޮށް ވައިމައްޗަށް އެރުން
ވައިވަރުވުން
މ (1) ރިޔަލު ދަތުރުގައި ދާންވީތަނަށް އެއްއަތު ދެވޭގޮތަށް ވައި ލިބުން (2) ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭ ވަރަށް ދަތުރުކޮށް ވައިމައްޗަށް ދެވުން
ވައިލުން
މ މަޢިދާގައި ހެދޭވައި އަނގައިން ބޭރުކުރުން ގިނަ ފަހަރަށް މިވައި ނުކުންނަނީ އަޑަކާވެސް އެކުގައެވެ
ވައިގަސް
ނ ސާފުވައިމަޑުއިރަށް އުޑުމަތީން ދުންކުލައިގެ ގަހެއްގެ ސިފައިގައި ފެންނަ ވިލާފަށް މިގަހުގެ ބުޑުހުންނަ ދިމާއިން ވައިޖެހޭނޭކަމަށް ބުނެއެވެ
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައްޓައިލުން
މ (1) ތިރިއަށް އަންނާނޭހެން ދޫކޮށްލުން (2) ވެއްޓޭނެ ގޮތް ހެދުން މަޖާޒް: (3) މީހަކު ހުރި ވަރަށްވުރެ ދަށުދަރަޖައަކަށް ބޭލުން (4) ދެރަކޮށްލުން (5) އަގުދަށްކޮށްލުން
ވަތަށްގޮނޑިލުން
މ (1) ކުރުކުރާއި އަލަ ފަދަ ތަކެތި ބިމުއަޑިއަށް ފައިބާ ހެދެމުން ބޮޑުވަމުން ދިޔުން (2) މަޖާޒު: ކުދިންގެ އުމުރާ އެއްވަރަށް ބޮޑުނުވެތިބޭ ތިބުން
ވަތުފަންޖެހުން
މ އޮޑިދޯނިފަހަރަށް މުދާލާންވެގެން އެތެރެ ވަތުގައި ޅައި އަޅައި ފަން އެތުރުން
ވަތުފައި
ނ ބިގަރު އިންޖީނު އުނދުން ފަދަ ތަކެތީގެ ބޭރަށް ވައި ނުކުތަ ނުދިނުމަށްޓަކައި ގުންބާ ހޮޅީގެ އެތެރެ ކޮޅުގައި ހުންނަ ބައި
ވަތްކަހާލުން
މ (1) ދިޔަވަތުގައި ހުރި ދިޔަގަނޑު ހިއްކައި މުޅިން ހުސް ކޮށްލުން (2) މަޖާޒު: ތަނެއްގައި ހުރި ހުރިހައި އެއްޗެހި ނުވަތަ އޭގެ ތެރެއިން ވަރަށް ގިނަ އަދަދެއް ވަގަށް ނުވަތަ އެނޫންވެސް ގޮތަކުން އެއްފަހަރާ ގެންދިއުން
ވަތްކުރުން
މ ކެއުން ބުއިމަށް ކުރާ ތައްޔާރަށް ބުނާ އެންމެ މާތްގޮތް މިސާލު: ބަތްފަރިއްކޮޅު ވަތްކުރުން ފެންފޮދު ވަތްކުރުން ފަތްސިލުނބުފުޅު ވަތްކުރުން
ވަލުކޮތަރު
ނ ކޮތަރުގެ ތެރޭ ހިމެނޭ އާދައިގެ ކޮތަރަށްވުރެ ކުޑަކޮތަރެއް
ވަލުއޫރު
ނ މީދަލާ ވައްތަރު މީދަލަށް ވުރެބޮޑު އޫރަށްވުރެން ކުޑަ ޖަނަވާރެއް
)މުސްކުޅިބަހެއް( ވައްކަންކުރާމީހާ އޭނާގެންގުޅޭ ތަކެތި އެހެން މީހުންނަށްވުރެ މާބޮޑަށް ރައްކާކޮށްގެން ގެންގުޅޭތީ ބުނެއުޅޭ ބަހެއް ވަގުންގެ ފޮށި ބާރަށް ބަންނާނެއެވެ
ވަގުޖީބު
ނ ބޭރަށް ނުފެންނަގޮތަށް ފަޓްލޫނާއި ގަމީސް ފަދަ އެއްޗެހީގައި ލާޖީބެއް
ވަސްހޮޅި
ނ ފާޚާނާ ވަޅުގަނޑުގައި ބޭރަށް ވަސްފޮނުވުމަށް ކޮޅަށް ޖަހާފައި ހުންނަހޮޅި
ވަސްކަށި
ނ ނޭފަތުގެ އެންމެ މައްޗަށް ނުވަތަ ބޭރަށް ހުންނަ ކަށިކޮޅު