radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކޯދޮންނަލޯ
ނ މީހުން އަތްދޮއްވައި ކޯދޮއްވައި ހަދާންގެންގުޅޭ ކަންވާރެއް މިބޭނުންކުރަނީ ނަމޫނާ ކުރަޔާ އެކުގައެވެ
ކޯދޮވުން
މ (1) އަނގައިގެތެރެ ދޮވުން (2) އަނގަޔަށް ފެންއަޅައިފައި އުކައިލުން (3) މަޖާޒު: ރޯދަވީއްލުން
ކޯތާފަތް
ނ ކަންކައްޓާއި މިޔަކަނާ ދޭތެރެ
ކޯލު
ނ (1) ސޮޑަޔަށް އަލާ ބާވަތެއްގެ އެސެންސެއް (2) ކޮއިލު
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ކޯޑިކެނޑުން
މ ކޯޑިޔޭ ކިޔާ ކުޅިވަރުގައި ކޯޑިގެންގޮސް އެލުވީމައި އަންހެނުންނަށް އެކޯޑިބާލައިދިނުން
ކޯޑިޖެހުން
މ (1) "ކޯޑި" ކުޅުމޭ ކިޔާކުޅިވަރުގައި އަންހެނެއްގެބޮލުގައި ކޯޑިޖައްސައިލުން (2) "ކޯޑި" ކުޅުން
ކޯޓުވުން
މ (1) ތާހުގެ ބުރިޖްކުޅޭއިރު އެއްބަޔަށް ހުރިހާއަތް ލިބުން (2) އާދައިގެ ގޮތަށް ތާސްކުޅޭއިރު ވިދިވިދިގެން އެއްބަޔަށް ހަތްއަތްބައި ލިބުން މީން ކޮންމެގޮތެއްގައިވެސް ކޯޓުވާނީ ދެރަވާ ބަޔެކެވެ
އ
އ (1) ތާނައިގެ އަށްވަނަ އަކުރު (2) ޢަރަބި ވިޔައަކުރުގެ އަށްވަނަ ޢަދަދު
އަހި
ނ ބަނބުކޭލުގެ ބައްޓަމުގައި ކުދިކޮށްހުންނަ ދޮންވީމާ ގަދަވަހެއް ދުވާވައް އަޅާގަސް މީގެ ފަތް ހުންނާނީ ޅޮސްފަތްހެން އެއަށްވުރެ ދިގު ކޮށްނެވެ ވިޔާމީހުން އުއިރަތް ކުރާން މިގަހުގުގެމޫ ބޭނުންކުރެއެވެ
އައްޑަނަ
ނ ހަނގުރާމައިގައި ރެކޭން ގެންގުޅޭ އާލަތެއް. މިކިތަންމެ ސިފަޔަކަށް ހުރެއެވެ. ރާއްޖޭގެ އައްޑަނަ ހުންނަނީ ވަށްކޮށް ފަތާކޮށް އެތެރެޔަށް ގޮނިކޮށްލައިފައެވެ
އައްޑާލަކުޑި
ނ ބޯޓު ބައްތެލީގެ ކުނބު އިންނަ ފަތްގަނޑުގެ ކުނބުހުންނަ ފަރާތް ނޫން އަނެއް ފަރާތުގައި ބަހައްޓައި އެޔާ ކުނބާއެއްކޮށް އައްސާ ލަކުޑިގަނޑު
އައްޑިހަޔަށްއެރުން
މ މަޖާޒު: އެންމެ ގަދަޔަށް ރުޅިއައުން
އައްޓަށްއެރުން
މ ހަނގުބޭކަލުން ދަމުއަށްޓަށް ދުރުވެ ދަން ބަލައިގަންނަ މީހަކަށް ނުވަތަ ދަމުރޭގެ މީހަކަށް ތިމާ ދިޔަކަން އެންގެވުން
އައްޓަށްގެންދެވުން
މ ހަނގުބޭކަލުން މަޖިލީހަށް އަރާ ބޭކަލުން ބޮޑު ބޭކަލުން ވަރު ތެރެއަށް ލެއްވީމާ ފުރަތަމަ ދަމަށް ދުރުވާންޖެހޭ ރޭ އެއަށްޓެއްގެ ބޭކަލުން ދުރުވެ އެމީހަކު ގޮވައިގެން ދަމުއަށްޓަށް ދުރުވުން އެގެއެއްގައި އަށީ ބޭކަލުންނަށް އަވެލި ހުންނާންވާނެއެވެ އެރޭ އައްޓަށް އަރުއްވާފައި އެބޭކަލަކު ދުރުވާނީ ގެޔަށެވެ
އައްޔާމެން
ނ ދެކުނު އިންޑިޔާގެ ކަނޑު ކައިރީ ރަށްރަށުގައި އުޅޭ ކުލީމީހުންނާއި ދެރަވަރު މީހުންނަށް ދިވެހީން ކިޔާގޮތް
އައްޔޫގު އަސްތަމާނު
ނ ހުޅަނގުފަރާތު އައްޔޫގު
އައްޔޫގުއީރާނު
ނ އިރުމަތީ ފަރާތުގެ އައްޔޫގު
އައްޗިކަން
ނއނ (1) ރަނގަޅުނޫންކަން (2) ސިޔާސަކަން (3) ހަޑިކަން އައްޗިކަން މިއީ ކުޑަކުދީންގެ ބަހެކެވެ
އަވަށުކުދިން
ނ އިހުގައި މާލޭގެ އަވަށްއަވަށުގައި މަސައްކަތްކުރާއިރު ބައެއް މަސައްކަތްކުރުމަށް ޚާއްޞަވެފައި ތިބޭ ކުދިން މިކުދިންނަށް ކިޔައި އުޅޭނީ "ތެޔޮއަޅުވާ" ކުދިންނެވެ