radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ބައިބަލާއެރުން
މ ތެލަބަގުޑި ކުޅޭއިރު އަނެއްބައިގެ މީހަކުގެ ގައިގައި އަތްލައިފައި އެބައި މީހުންނަށް އަތުނުވެ އަންނާން ދިއުން
ބައިބުރުކޮކާމަސް
ކޮކާމަހުގެ ބާވަތެއް. މިމަހުގެ ކުލައަކީ ފެހިކުލައެވެ. މަހުގެ ކަރުތާފަތުގެ މަތީގައި ނޫކުލައިގެ ރޮނގުތަކަކާއި ފާޅުކަން ބޮޑު ލައްތަކެއް ހުރެއެވެ. މީގެ ކުދިމަހުގެ ދެފަރާތުގައި ހުދު ކުލައާއި މަޑުނޫކުލައިގެ ހަނދުފަޅި ބުރަށް ހުންނަކުރެހުންތަކެއް ހުރެއެވެ
ބައިބެލިކޭން
ނ ވިލިވިއްޔަށް ބަހައިގެން މަސައްކަތްކުރާއިރު ބަޔާހަވާލު ވެފާވާމީހާ އެބަޔަކަށް ދޭ ކޭން
ބައިބޯ
ނ (1) މީސްގިނަ (2) ކުޑަކުދިންގެ ބަހުރުވައިގައި ބޯބޭލުން
ބައިބޯކަން
ނއނ މީސްގިނަކަން
ބައިބޯވުން
މ މީހުން ގިނަވުން
ބައިއެޅުން
މ އެއްޗެއްބަހާއިރު މީހަކަށް ނުވަތަ ކަމަކަށް ބައެއް ޚާއްސަ ކުރުން
ބައިއެއްކުރުން
މ (1) ވަކިކަމަކަށް ކަނޑައެޅިފައިވާ ބަޔަކު މީހުން އެއްތަނަކަށް ނެރުން (2) ބައިތައް އެއްކޮށްލުން (3) ތިމާއާ ތަބާވާ ބަޔަކު ވަކިތާކަށް ޖަމާކުރުން
ބައިވެރިކުރުން
މ (1) ބައިވެރިޔަކަށް ހެދުން (2) ބައެއްގައި އެކުލެވުން (3) ކަމެއް ކުރާ މީހުންގެ ތެރޭގައި ހިމެނޭ މީހަކަށް ހެދުން
ބައިވެރިޔާ
(1) ނ އެއްބައިގާވާ މީހާ (2) އެކުގައިވާ މީހާ (3) ފިރިމީހާ (4) އަނބިމީހާ
ބައިމަނު
ނ (1) މުޅިންމަންމަނަކަށްނުވާ ކުޑަކޮށް އަޑުއިވި ޒާތަކަށް ވާހަކަދައްކާ މީހާ (2) މަނެއްގެ 2/1
ބައިމަތި
ނ (1) މީހެއްގެ ކުރިމަތިން ދެކޮނޑުގެ ދެމެދު (2) ޖަމާއަތް ބަހައިފައިވާ ބައިތަކެއްގެ ޖުމުލަ
ބައިމަސް
ނ (1) މަސްބަޔެއްގެ މަހެއް (2) މަޖާޒު: އެކުވެރި ބައިގަނޑެއްގެ މީހެއް
ބައިމަސްބަޔަށްދިއުން
މ މަޖާޒު: އެބަޔެއްގެ މީހަކު އެބަޔަކަށް ދިޔުން
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައިތުބާޒީކުރުން
މ ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތުކިޔުން
ބައިގަނޑު
ނ (1) އެކުގައި އުޅޭ މީހުން ކޮޅެއް (2) ޖަމާޢަތެއް
ބައިޢަތު
ނ މީހަކާ ނުވަތަ ބަޔަކާ ތަބާވުމަށް ވާ ޢަހުދު
ބައިޢަތު ހިފުން
މ (1) ތަބާވުން (2) މީހަކާ ނުވަތަ ބަޔަކާ ތަބާވުމަށް އަހުދުވުން (3) މީހެއްގެ ވެރިކަން ގަބޫލުކުރުން