radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ތިނޯހެއްގެ ތުނޑުޖައްސައިލާނެ ތަންކޮޅެއްވެސް ނެތް
މަޖާޒު: އެއްގޮތަކަށްވެސް ހުސްޖާގައެއް ނުވަތަ ހުސްތަންކޮޅެއް ނެތުމުން ބުނެއުޅޭ ބަހެއް
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިންހަމަ
ނ ކުޅޭ ކުޅިވަރެއް. ތިންހަމައިގެ ހުންނަނީ ދެވައްތަރެކެވެ. އެއް ވައްތަރަށް ކިޔަނީ ބަބުރު ތިންހަމައެވެ. އެއީ އާދައިގެ ތިންހަމައެވެ. އަނެއް ވައްތަރަކަށް ކިޔަނީ ވަގު ތިންހަމައެވެ. މިތިންހަމައަށް ފުއްކާ ތިންހަމައޭވެސް ކިޔައެވެ
ތިކިޖެއްސުން
މ (1) ލޮލަށް ނުވަތަ ނޭފަތަށް ނުވަތަ އެނޫންވެސް ތަނަކަށް ދިޔާބޭހެއް ތިކިތިކިންއެޅުން (2) ބަލިމީހަކަށް ނުވަތަ ކުޑަކުއްޖަކަށް ދިޔާއެއްޗެއް ތިކިތިކިންދިނުން (3) ތިކިޖެހުން މިބަސް ކުރުވުމުގެ މާނައިގައި ބުނާގޮތް
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ތިމަރަހަނދި
ނ ހަންޖާ ވައްތަރު ނަމަވެސް ހަނދީގެ ބާވަތްތަކާ ޚިލާފަށް ފަތިކޮށް ހުންނަމަހެއް މިއީ ދިވެހިން ކެއުމަށް ބޭނުންކޮށްއުޅޭ މަހެކެވެ މިމަހުގެ ތުނބުގެ ތިރީބައި މަތީބަޔަށްވުރެ ދިގުކޮށް ނުކުމެފައި ހުންނާނެއެވެ މަހުގެ ކުލައަކީ ރިހިއަޅި ކުލައެވެ ކަރުތާފަތުގެ ކުރީބައިގެ ކައިރިފަށް ކަޅުވާނެއެވެ
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންދިގުހަނޑަސް
ނ ތުންމާދިގުކޮށް ހަދައިފައި ހުންނަހަނޑަހެއް މިއަށް "ތުންދިގު" މިހެންވެސްކިއައެވެ
ތެންމުން
މ ފެނުން ނުވަތަ އެނޫންވެސް ދިޔާއެއްޗަކުން މީހަކު ނުވަތަ ކޮންމެވެސް އެއްޗެއް ތެންމައިލުން
ތެޅުން
މ (1) ގިނަޢަދަދަކަށްޖެހުން (2) ބިއްލޫރި ނުވަތަ މުށިފަދައެއްޗަކުން ހަދައިފައި ހުންނައެއްޗެހި ވެއްޓިގެން ނުވަތަ އެނޫންވެސް ގޮތަކުން ރެނދުލުން ނުވަތަ މުގުރި ހަލާކުވުން (3) އެއްޗެއް ހެލިހެލި ހުރުން (4) ތަޅުންގަނޑު (5) ގުޑުން
ތެދުވެރިކަންހުރުން
މ (1) އަމާނާތްތެރިކަންހުރުން (2) އޮޅުވައިނުލުމުގެ ސިފަހުރުން (3) އެއްގޮތަކަށްވެސް މަކަރު ނުހަދާ ކަމުގެ ސިފަލިބިފައިހުރުން (4) އިޚްލާޞްތެރިކަންހުރުން (5) ވަފާތެރިކަންހުރުން
ތެޔޮހަނު
ނ ކުރަފަތްފަދަ ތޫނު އެއްޗެހި ހަނުލުމަށް ބޭނުންކުރާ އޮމާން ހިލައެއް މިހިލައިން ތޫނުކުރާއިރު ތެޔޮތިކެއް ޖަހައިވެސް ހަދައެވެ
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޮއްޑޫބެރު
ނ އިހުގައި ތޮއްޑޫ މީހުންޖަހައި އުޅުނު ދަނޑި ބެރުގެ ވައްތަރެއް މިބެރު މާލޭގައިވެސް ޖަހައި އުޅެއެވެ މިބެރު މޮޅަށްޖަހައި އުޅެނީ ދުންމާރީ އާއި ތާޅަފިލި ފުމެފައެވެ
ގބ "ލައްގާނީ ލައްގާހުރައަކަށެވެ." )މުސްކުޅިބަހެއް( ރަނގަޅު މަގާމާއި ރަނގަޅު ކަންތައް ލިބޭނީ އަބަދުވެސް އެކަންކަން ލިބޭ މީހުންނަށޭ ނުލިބޭ މީހަކަށް ނުލިބޭނެއޭ ބުނުމަށް ބޭނުންކޮށް އުޅޭ ބަހެއް ލައްގާނީ ލައްގާ
ލަދުހަޔާތްނެތުން
މ އެއްވެސް ކަމެއްގައި ލަދު ނުގަތުން
ލަދުގަސް
ނ (1) ތިރިކޮށް ހެދޭ ރަތްފެހި ކުލައިގެ ކުޑަގަހެއް ކިރިޔާވެސް އަޑެއް އިވި ޙަރަކާތެއްވެ އެގަހަށް ލޮޅުން އަރާގޮތެއް މެދުވެރި ވެއްޖެނަމަ އެގަހުގެ ފަތްތައް މޯޅިކުރެއެވެ (2) މަޖާޒު: މާބޮޑަށް ލަދުގަންނަ އަންހެން ކުއްޖާ
ލާހިކު ކުޅަދާނައެއްނޫން
ގބ (1) ކުޅަދާނަކަމެއް ނުވާ (2) ކުރެވޭނެ ގޮތެއް ނެތް (3) ބާރު ދައްކައިގެންވެސް ނުކުރެވޭވަރު
ލާހިކުހައްދެއްނެތް
ކއ އެއްގޮތަކަށްވެސް އެކަމެއް ކުރަން ނުކެރޭނެކަން އެންގުމަށް ބުނެއުޅޭ ބަހެއް
ލިސާންވެސް ނެތުން
މ އަސަރެއް ނުވަތަ ނިޝާނެއްވެސް ނެތުން