radheef.info
ރަދީފު


އުން
ނ (1) ގަދަމަސައްކަތް ކުރާއިރު ބާރުލާން އިއްވާއަޑެއް (2) ލިބޭވޭނަކުން ކުކުރުމުގައި އިއްވޭއަޑެއް (3) ރުޅިވެރިކަމާއެކު ނުރުހުން ފައުޅުކުރާން އިއްވޭ އަޑެއް މިއީ ކަމެއްގެ ނަމެކެވެ
ލުއްސައިގެން އައުން
މ (1) ލުހިގެން އައުން (2) މަޖާޒު: ހީނުކުރާހާ ގިނަ ބަޔަކު އެއްފަހަރާ އެއްތަނަކަށް އެއްވުން
ލޫދުން
މ (1) ބައެއް ޅަކުދިން އުރީމާ ރުޅި ދައްކައިލައިފައި ސޮހިގަނެގެން ފޭބުން (2) ނަނުފަދަ އެއްޗެހި އަތުތެރެއިން ފިރުކިގެން ދިއުން (3) ކޮޅަށްހުރި އެއްޗެއްގައި ބަނޑު ކާއްތައިގެން އެއަށް އެރުން (4) ކޮޅަށް ހުރި އެއްޗެއްގައި ބަނޑު ކާއްތައިގެން އެއިން ފޭބުން (5) ބައެއް ކަހަލަ ފޮތި ފިނދިގެން ދިއުން (6) ވީދުން މަޖާޒު: (7) ފިރުކުން (8) މަގުމަތީގައި ގިނަވެގެން އުޅުން
ލެއިފެނުން
މ ޙައިޟުގެ ލެޔާއި ނިފާސްކަމުގެ ލެއި އައުން
ލެއިލުން
މ ކަރުންލޭ އައުން
ލޭކެނޑުން
މ ޙައިޟު ނުވަތަ ނިފާސް ކަމުގެ ލޭ އައުން ހުއްޓުން
ލޭކެކުން
މ މަޖާޒު: (1) ޖޯޝްއައުން (2) ރުޅިއައުން
ލޭއަވަސްވުން
މ ލޭމައްޗަށް ދިއުން
ލޭމަނާކުރުން
މ (1) ލޭ އަންނަ ތަނަކުން ލޭ އައުން ހުއްޓުވައިލުން (2) ލޭ ބަންދުކުރުން
ލޭމަނާވުން
މ (1) ލޭ އައުން ހުއްޓުން (2) ލޭ ބަންދުވުން
ލޭފޮޑުން
މ )ގ ( ފީނައި އުޅޭމީހުން އަޑިޔަށްގޮސް އުޅުމުގައި ކަންފަތާއި ނޭފަތުން ލޭއައުން
ލޭލުން
މ ކަރުންލޭ އައުން
ލޮންސިއަކަށްދިއުން
މ (1) ދުންޏެއް ދޫކޮށްލީމާ ދާގޮތަށް ދިއުން (2) ވުސްލައިފައި ދިއުން
ލޮޅުވުން
މ (1) ތެޅުވުން (2) ހެލުވުން (3) ގުޑުވުން (4) މަޖާޒު: ގޮތެއް ގޮތެއް ނުބަލައި އަވަސް އަވަހަށް ކެއުން
ލޯހުޅުވައިލާހައި ވަރުނެތުން
ގބ މަޖާޒު: ހަށިގަނޑުގެ ހަކަތަ މާބޮޑަށް ދަށަށް ދިއުން
ލޯކޭއްތުން
މ މަޖާޒު: ލޯކައިރިކޮށްގެން އެއްޗެހި ހޯދުމާއި އެއްޗެހި ކިއުން
ލޯކޮށިވުން
މ މަޖާޒު: އުމުރުން ދުވަސްވުމުން ލޮލުގެ ފެނުމަށް އުނިކަން އައުން
ގަނދަޅައިލުން
މ ކެއުން މިބަހަށް ހުތުރުބަހުން ކިޔާގޮތް
ގަނޑުކުރުން
މ (1) ދިޔާ އެއްޗެއް ގަނޑުވާނެގޮތް ހެދުން (2) އެކައުންޓެއް ނުހިގާނެގޮތް ހެދުން
ގަނޑުވުން
މ (1) ދިޔާ އެއްޗެއް ފިނިވުމުގެ ސަބަބުން އެކަތިގަނޑަކަށް ވުން (2) ސިކުނޑިއަށް ލިބޭ އުނިކަމެއްގެ ސަބަބުން ނުވަތަ ހިތަށްވާ ގޮތަކުން ބަސްމަދުވެ ހުއްޓުން އަރާގޮތްވުން (3) އަކައުންޓެއް ނުހިނގާ ގޮތްވުން
ގަންބަވައިގަތުން
މ އެކިއެކި ރަށްރަށާއި ތަންތަން ގުދުރަތީ ގޮތުން އަޑިޔަށް ދިއުން