radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ޖަހަލާކޮޅުހެދުން
މ ގަނޑުވަރުތެރޭ ބޭފުޅުން ރައްކާވާއިރަށް ތަރަފަނަހަދައި ތައްޔާރުކުރުން މިތަރަފަނަ ރައްކައުކުރަނީ ޖަހަލާޔަށް އަޅައި މަތި ބަންދުކޮށްގެނެވެ
ޖަމާ
ނ (1) ބާކީ (2) ރައްކާކުރެވިފައި ހުންނަވަރު މިބަސް ބޭނުންކުރަނީ ފައިސާއަށެވެ
ޖޭމު
ނ (1) ގަހެއްގައިއަޅާ ކުދިކުދިމޭވާއެއް މީގެ އެތެރޭގައި ހުންނާނީ ފޮނިރަހަލާ ދިޔަޔާ އެކުވެފައިވާ ކުދިކުދި ފުއްތަކެއްކަހަލަ އޮށްތަކެކެވެ (2) ހަކުރު އަޅައިގެން މޭވާއިން ކައްކައި ތައްޔާރުކުރާ ކާ އެއްޗެއް މިބޭނުންކުރަނީ ޕާންފަދަ އެއްޗެހީގައި ޖަހައިގެން ކެއުން ފަދަ ކަންކަމަށެވެ
ޖޯކަރު
ނ (1) ތާސްބައިގައި ވަކިރަނގައެއްގައި ނުހިމެނޭގޮތަށް އޮންނަ ގަނޑެއް މިގަނޑުގައި ކުރަހައިފައި ހުންނާނީ ހެއްވާސިފަޔަކަށްހުންނަ ސޫރައެކެވެ މިގަނޑު ބޭނުންކޮށްގެން ތާސްބައިން ޚާއްޞަ ކުޅިވަރެއް ކުޅެއެވެ (2) މަޖާޒު: ހެއްވާގޮތް ހުންނަމީހާ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗުއްޓީ
ނ (1) މުވައްޒަފަކު ސަބަބަކާހުރެ ވަޒީފާ އަދާކުރަން ނުގޮސް ހުރުމަށް ހޯދާ ހުއްދަ ނުވަތަ މިގޮތަށް ހުންނަ މުއްދަތު (2) ބަންދު ދުވަސް ތައް
ޗޭނުބުލޮކް
ނ ދޭއް ނުވަތަ އެއަށްވުރެވެސް ގިނަ ބުރުތައް ލައިފައިވާ ކައްޕި އެއް މިބޭނުން ކުރަނީ ބަރުއެއްޗެހި އެކަކު ނުވަތަ މަދުބަޔަކުވެގެން އުފުލުމަށެވެ އޮޑި ދޯނި ފަހަރު އެހެލުމަށްވެސް މިބޭނުން ކުރެއެވެ
ޙުޒާމު
ނ ރަސްކަމަސް ކޮލިލާ ދުވަހު ރަދުން ރަސްމީ ހެދުންކޮޅު ތުރުކުރައްވާއިރު އަބާކޮޅުންގެ އެތެރޭން ކަމަރުކޮޅުގެ ބަދަލުގައި ބަންނަވާ ފޮތިކޮޅި
ޚަރަދުބަރަދު
ނ (1) ހޭދަކުރާތަކެތި (2) ޚަރަދު (3) ދީނީގޮތުން ބަލަހައްޓަން ޖެހިފައިވާ ބަޔަކަށް ނުވަތަ މީހަކަށް ކެއިންބުއިމާއި އެހެނިހެން ކަންތަކަށް ކުރަންޖެހޭ ހޭދަ
ޚިތާނުކުރުން
މ (1) ޒަކަރުގެ ކުރީގައި ދިގުކޮށް އޮންނަ ހަންކޮޅު ކަނޑައިލުން (2) އަންހެންކުދިންގެ ކުޅަދިލީގެ މަތީގައި ތޫނު ކަމެއް ޖައްސައިލައި ލޭ ދައްކައިލުން (3) ނަކަތްގެލެއްވުން (4) ގޭބޭންދުން (5) ކުރަފަތްޖެހުން (6) އިސްލާންކުރުން (7) ބޭންދުން (8) ބޭއްވުން (9) ހިތާނުގެލެއްވުން
ޚިޔާލުފާޅުކުރުން
މ (1) ކަމަކާމެދު ވިސްނޭގޮތް ބުނެ ހާމަކުރުން (2) ބުއްދިޔަށް ފެންނަގޮތް ބުނެ ހާމަކުރުން (3) ކަމަކާމެދު ފިކުރަށް އަންނަގޮތް ބުނެހާމަކުރުން
ޚޮލިސާ
ނ (1) ބަޑި ރޯކުރަންގެންގުޅޭ އެތި މިއޮންނަނީ ފޫޓުބައި ނުވަތަ 3 ފޫޓު ހުންނަވަރުގެ ދަނޑި ބުރިއެއްގެ ކޮޅުގައި ކޮރު ދަނެއް ހަރުކޮށްފައެވެ (2) ފޮލިސާ
ޤަޞްރުކުރުން
މ އާއްމުކޮށް އެނަމާދެއްގެ ރަކްޢަތްތަކުގެ އަދަދު ކަނޑައެޅިފައިވާ ވަރަށްވުރެ މަދުކުރުން މިގޮތަށް ނަމާދުކުރަނީ ދަތުރުވެރިންނެވެ
ޝުކުރިއްޔާ
ނ އަނެއް ފަރާތަކުން ކޮށްދޭ ހެޔޮކަމެއް ޤަބޫލުކުރާކަން ފާޅުކުރަމަށް ބުނާ ބަހެއް
ޝޯކޭސް
ނ މުދާ އިޝްތިހާރުކުރަން ބަހައްޓާ އަލަމާރި ނުވަތަ އެގޮތަށް ހަދައިފައި ހުންނަތަން