radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ފިޔާމީރުކުރުން
މ ގިތެޔޮ ނުވަތަ ކާށިތެޔޮ ނުވަތަ ކާށިކިރުފަދަ އެއްޗެއް ތެއްޔެއް ފަދަ އެއްޗަކަށް އަޅައި އޭގެތެރެޔަށް ފިޔަޔާއި ހިކަނދިފަތާއި ރާނބާފަތާ އަޅައިގެން މަޑުގިނިމަތީގައި ކައްކައި ރަތްކުރުން
ފިޔާދާގަނޑު
ނ ބޭރުން ކުދިފިޔާ ގެންނައިރު އެ އަޅައިފައި ހުންނަ ދާގަނޑު މި ހުންނަނީ ހިމަދިގުކޮށް ވިޔެފައެވެ
ފީނި
ނ (1) އެއްބުޑަކަށް ފަޅައިފައި ހުންނަ ގިނަ ގަސްތައް. މިސާލު: )ހ( އޮނުފީނި )ށ( ކެޔޮފީނި (2) ކައިރި ކައިރިން ނިރު ނިކުމެގެން ހެދިފައި ހުންނަ ގަސްތައް (3) ފީނުން މިބަހުގެ ނިމިނިމުނުކަން
ފީނިވަރު
ނ އެއްތަނަކުން ބޮނޑިއަކަށް ފަޅައިގެން ހެދިފައި ހުންނަ އެއްވައްތަރެއްގެ ގަސްތައް
ފީއްސައިގެންދިއުން
މ )ހ ( ނޮޅައިގެންދިއުން
ފީފާ
ނ ޑީސަލާއި ޕެޓްރޯލާއި އިސްޕިރެޓް ފަދަ އެއްޗެހި އަޅައި ދެކޮޅު ބަންދުކޮށްގެން ރާއްޖޭން ބޭރުން ގެންނަ ދިގުކޮށް ވައްކޮށް އޮންނަ އެއްޗެއް
ފީފިލުން
މ ކުކުޅާއި އަސްދޫނި ފަދަ އެއްޗެހި ބިސްއަޅައިގެން ނުވަތަ ވިހައިގެން އުޅޭއިރު މައި އެއްޗަށް ވެފައި ހުންނަގޮތް ރަނގަޅުވުން
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފުށަހި
ނ އަތްކަން ކުރާމީހުން ތައްގަނޑަކަށް އަޅައިގެން ގޮށެއްގެ ސިފައިގައި ހަދާ އެއްޗެއް. މިނަމޫނާއަށް އަނގޮޓިއާއި ގަމީހުގެ އަތުކުރީގައިލާ ގޮށްފަދަ އެއްޗެހި ހަދައެވެ
ފުށްހިލުން
މ ހުންޏާ ހަކުރުގެ ތެރެއަށް ކުޑަފެންފޮދެއް އަޅައިގެން އަލިފާން މައްޗަށް އުދައި ރަނގަޅަށް ހަލަމުން ފުށް އަޅައި އެއްކުރަމުންގޮސް ރޯފިލުވުން
ފުށްބޮނޑިބަތް
ނ ހުންޏާ ހަކުރާ އަޅައިގެން ގޮދަން ފުށުގައި ކައްކާ ފޮނިކާ އެއްޗެއް
)ހިކިކިރު( ފުށްކިރު
ނ (1) ހަކުރާ ކިރާ އަޅައިގެން ފުށުގައި ކައްކާ ފޮނިކާއެއްޗެއް (2) ފުށްގޮތަށް ހަދައިފައި ހުންނަ ކިރު
ފުށްސައި
ނ ފުށާ ހަކުރާ އެއްކުރުމަށްފަހު ޖޯޑުގެ ތެރެއަށް ކެކި ކެކިހުރި ސައިފަތުފެން ނުވަތަ ހޫނުފެން އަޅައިގެން ތައްޔާރުކުރެވޭ ސައެއް )މިގޮތަށް ސައި ހަދާއިރު ބައެއް ފަހަރު ބޯކިރުވެސް އަޅައެވެ ( )ހ( ދިޔާކޮށް ކައްކައިފައި ހުންނަފުށް
ފުނޑުން
މ އެއްޗެއް ދައިމައްޗަށް އަޅައި ފެން ނުވަތަ އެނޫންވެސް ބޭނުންވާ ދިޔާ އެއްޗެއް ޖަހައި ފޮއި ހިންގައިގެން ހިމުން ކުރުން
ފުނޑުފުނޑުކުރުން
މ (1) ހަލާކުކޮށް ކުދިކުދި ކުރުން (2) ތަޅައި ސުންނާފަތި ކުރުން
ފުނަފަތި
ނ ރުކުފަތިން ވިޔެފައި އޮންނަ ކުޑަ ދަބަހެއް )މިއީ މަލިކު މީހުން ދުފާއެއްޗެހި އަޅައިގެން ގެންގުޅޭ އެއްޗެކެވެ
ފުނާބޮލި
ނ ފުނަލުގެ ދަތްހުންނަހެން ތިން އަރިމަތިން ދަތްތަކެއް ފަޅައިފައިހުންނަ ބޮއްޔެއް
ފުރުން
މ (1) އުޅަނދެއްގައި ދަތުރަށް ފެށުން. (2) އެއްޗެއްގެ ތެރެއަށް އެއްޗެހިތަކެއް އަޅައި މައްޗާއި ހަމަކުރުން. (3) އެއްޗަކަށް ވެލި ނުވަތަ ފެން އޮއްސުން. (4) ވަކި ތަރުތީބަކުން ފަށްތަކެއް ދެމުން. މިސާލު: އުއި ފުރުން ރޯނުފުރުން އެއްތެޔޮ ފުރުން (5) އެއްޗެއްގައި ލިޔަންވީ ވަރަށް ލިޔެ ނިންމުން މިސާލު: ފޯމު ފުރުން (6) އެއްޗެއްގައި އިތުރަށް ލިޔާނެ ތަނެއް ނޯންނަ ވަރަށް ލިޔެ ނިންމުން (7) ހުސްތަން ނެތުން (8) ހުސްޖާގައެއް ނެތުން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުޅިދިނުން
މ ކުޑަކުދިންނަށް ދޭ ދިޔާ އެއްޗެހި ތުން ހަރުކޮށްފައި ހުންނަ ފުޅިއަށް އަޅައިގެން ޖެއްސުން