radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބޮޑުހިނި
ނ ހިނީގެ ބޮޑެތި ބާވަތް
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުނާބަ
ނ އިހުގައި ބޮޑު ދެހިތީގައި ޖަހާއުޅުނު ނާބައެއް ބޮޑުނާބަ ޖަހަނީ ހިތިގެ ދޮށުގައި ބޮޑުދެހިތީގައެވެ
ބޮޑުރާކަނި
ނ ރާކަނީގެ ބާވަތެއް މީގައި ގާތްގަނޑަކަށް ފޫޓެއްހާ ދިގުމިން ހުންނާނެއެވެ މީގެ އިނގިލިތައް ހުންނާނީ ތެދަށެވެ
ބޮޑުބަދިގެ
ނ ގަނޑުވަރު ތެރޭގައި ހުރި ހަތަރު ބަދިގޭން އެއްބަދިގެ ހަވަރަށް ކައްކާ ކެއްކުންތައް ކައްކަނީ މިބަދިގޭގައެވެ
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުބުރަކި
ނ އެމުގެ ތެރޭގައި އުޅޭ ބޮޑެތި ބުރަކި މިހުންނަނީ ބޯވައްކޮށް ކަޅުކޮށް ފަތިކޮށެވެ
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުބޮލި
ނ (1) އިހުގައި ދައުލަތުން ހަނގުބޭކަލުންނަށް މުސާރައަށް އަހަރަކު އެއްފަހަރު ބައްސަވާ ބޮލި މިބަހަނީ ކޮއްޓެކޮއްޓޭންނެވެ މިބޮލި ހުންނަނީ ގުޅަކުޅޭ ފަސްގަނޑުގައި ވަޅުލައިފައެވެ (2) ބޮޑެތިކޮށް ހުންނަ ބޮލި
ބޮޑުބޯ
ނ ރާޒުވާ ކުޅިބައިގައި ހުންނަ އެންމެ ދިގުކުޅި މިއީ ކުޅިތައް އަތުރާއިރު ބޭރުން ތިންވަނަ ކުޅިއެވެ މިކުޅި ހިނގާނީ ކަންކުއްޗަށެވެ
ބޮޑުކަފަ
ނ ކަފަގަހުގެ ބާވަތެއް މިގަހުގެ ފަތް ހުންނާނީ ވަރުކަނދު ގަހުގެ ފަތްހެންނެވެ މިއީ ވަރަށް ބިޔަކޮށް ހެދޭ ގަހެކެވެ
ބޮޑުކިބާދާރީ
އިހުގައި ބޯވަޅު އެޅި ލިބާސްލައި އުޅުނު އޮފުގަދަ ފޮއްޗެއް. މިއީ ފަށުތްވާއި ސުތުލިން ވިޔެފައި ހުންނަ ރޮނގުދެމި ފޮއްޗެކެވެ. ރޮނގުބައި ހުންނާނީ ފުޅާކޮށެވެ. ރޮނގުބައި އެކުލެވިފައި ހުންނަނީ ދޮން ކުލަޔާއި ފެހިކުލަޔާއި ނޫކުލައިންނެވެ. ޢާއްމުކޮށް ހުންނަނީ މީގެ ފެހި ފޮއްޗާއި ރަތް ފޮއްޗެވެ
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ބޮޑުކުނާ
ނ ރަސްމީގޮތުން އެކިއެކި ބޭނުމަށްޓަކައި ރާއްޖޭގައި ވިއުއްވާކުނާ މިކުނާ ހުންނަނީ ރޯލު ކުނާހެން ދިގުކޮށެވެ
ބޮޑުކެކުރި
ނ (1) ކެކުރީގެ ބާވަތެއް މިހުންނާނީ ފޯލިކޮށް ތޮރާހެން އެއަށްވުރެ ފަލަކޮށެވެ (2) ބޯވަޅުއެޅި ލިބާސް ކަނޑާ ފޮއްޗެއްގެ ނަން
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ
ބޮޑުކޯއްޓޭ
ނ އިހުގައި ބޭރުން އަންނަ ނައުޒޯނގުފަހަރު އެތެރެއަށް ވަނީމާ ދިދަނަގާން މާލޭ ބޮޑުކޯއްޓޭ ބުރުޒުމަތީ ކަސްޓަމުގެ އުތުރުން ހުރި ކޯއްޓޭ
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ