radheef.info
ރަދީފު


ސުން
ނ (1) ހިސާބު ޢިލްމުގައި ބޭނުންކުރާ ތިއްކެއް ނުވަތަ ބޮޅެއް މިތިކި ނުވަތަ ބޮޅު އަދަދެއްގެ ކަނާތްފަރާތުގައި ޖަހައިފިނަމަ އޭގެ އަގު ދިހަގުނައަށް އިތުރުކޮށްދެއެވެ ވާތްފަރާތުގައި ޖެއްސަސް އަގު އިތުރެއް ނުވެއެވެ (2) އަގެއްނެތް
ރޭވުން
މ (1) ޤަވާއިދަކަށް ހަމަޖެއްސުން (2) އެކަށައެޅުން (3) ގަނޑުވަރުތެރޭ ބޭފުޅަކު އަވަހާރަފުޅު ލެއްޕެވުން (4) އިރުއޮއްސުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނާރަސީކަސަބު
ނ އިހުގައި ގެންގުޅުނު ކަސަބުގެ ދެރަބާވަތް މިކަސަބުގެނެސް އުޅެނީ އިންޑިޔާގެ ބަނާރަސުންނެވެ
ބަނުން
މ (1) އެއްސުން (2) ފުރާ ދުއްވާ އެއްޗެހި އުފެއްދުން
ބަންކެޓު
ނ ގޮދަޑީގެ އެތެރެއަށް ލައްވައިފައިވާ އެއްޗެހި ކޮޅުކޮޅަށް ދިޔަނުދިނުމަށް ދެފަރާތަށް ފޫއަޅުވައި ހަރުކުރުމަށް އައްސާ އެއްސުން
ބަންކެޓުޖެހުން
މ ގޮދަޑީގެ އެތެރެއަށް ލައްވައިފައިވާ އެއްޗެހި ކޮޅުކޮޅަށް ދިޔަނުދިނުމަށް ދެފަރާތަށް ފޫއަޅުވައި ހަރުކުރުމަށް އެއްސުން
ބަންދުއެޅުން
މ (1) އެއްޗެއް ފޭވިޔަ ނުދިނުމަށްޓަކައި ބޭރުން ބަންދެއް ހަރުކުރުން (2) ބައެއްކަހަލަ ހެދުމާއި ޔުނިފޯމުގެ އުނަގަނޑުވަށައިގެން ބަންދެއް ބެއްދުން (3) ބަންޑަލި ބޮއްސުންލިޔަނުދީ ހިފެހެއްޓުމަށް ބަންދެއް ހަރުކުރުން (4) އެއްޗެއް ވަށައިގެން ކުލައިން ނުވަތަ ދަވާދުން ފަށެއް ކުރެހުން
ބަރުކުރުން
މ (1) ވަޒަނުން އިތުރުކުރުން (2) ފުރާދުއްވާ ތަކެއްޗާއި ތަކެތި އަރުވާ ބަރާކުރުން (3) މީހަކަށް ނުއުފުލޭވަރަށް ގިނަ މަސައްކަތް ޖެއްސުން (4) ކިޔުމުގައި ބާރުލުން ބޮޑުކުރުން
ބަދުރުވާ
ނ (1) ފުރަބަދުރުވައާއި ފަސްބަދުރުވަ (2) ފުރަބަދުރުވައާއި ފަސްބަދުރުވައާއި އެދެނަކަތުގައި އަންނަ ކޮޅިގަނޑު (3) ބަދުރުވާމަތި (4) ބަދުރުވާ މޫސުން
ބަދުރުވާމަތި
ނ ބަދުރުވާ މޫސުން
ބާދަނޑި އެޑުން
މ (1) އެއްޗެއް ބިނދިގެން ދެބުރި ޖައްސާ ހިފެހެއްޓުމަށް އެހެން ދަނޑިގަނޑެއް އަޅާ ބަނުން (2) ދެއަތް ދެފަރާތަށް ދަމައިފައި ދަނޑި ގަނޑެއްގެ ދެކޮޅު ދެއަތް ތިލައިގައި ބަނުން (3) އަރާދަނޑި ބަނުން (4) ދޫނިގެ ދެފިޔަ ދެފަރާތަށް ދަމައިފައި ދެފިޔަމަތީ ދަނޑިގަނޑެއް އަޅައިފައި ދެފިޔައިގެ ދެކޮޅު ދަނޑި ގަނޑުގެ ދެކޮޅުގައި އެއްސުން
ބިންބިމާލެއްވުން
ބިންބިމާޖެއްސުން
ނ ކެއްސުންބަލީ ވެކްސިން ބީ ސީ
ބުރުވުން
މ (1) ވިހުރުވުން (2) ހިމުން އެއްޗެހިތަކެއް ނުވަތަ ދިޔާ އެއްޗަކުން ތިކިތަކެއް ބުރުއްސުން (3) ވައިގެ ތެރެއަށް އެއްޗެއްގެ އަސަރު ފެތުރުވުން މިސާލު: )ހ( ހިރަފުސް ބުރުވުން )ށ( ދުން ބުރުވުން
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބޭސް އެޅުން
މ ލޮލަށާއި ނޭފަތަށާއި ކަންފަތަށް ނަމަ ބޭހުން ތިކި ޖެއްސުން. ހަށިގަނޑުގެ އެހެން ތަނެއްގައިނަމަ ބޭސްގަނޑު ބޭއްވުން ނުވަތަ ހިއްޕުން
ބޮނބިފަޅީކެއްސުން
ނ ބޮނބި ފަޅިޔަށް ތަދުވެފައި ވިދިފައި ކެއްސާ ކެއްސުން
ބޮނބިފަޅީލޮޑުކަން
ނ ބޮނބިފަޅީ ކެއްސުން
ބޮސް
ނ (1) މާތްކޮށް ހިތުމުގެ ގޮތުން އެއްޗެއްގައި ނިތްޖައްސާ ޖެއްސުން. ނުވަތަ އެއްޗެއްގައި އަތްލައިފައި ނިތުގައި އަތް ޖައްސާ ޖެއްސުން. (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުންފަތުން ދަމާލާ ދަމާލުން (3) ދޮންދޭދިނުން
ބޮސްދިނުން
މ (1) މާތްކޮށް ހިތުމުގެ ގޮތުން އެއްޗެއްގައި ނިއްޖެއްސުން ނުވަތަ އެއްޗެއްގައި އަތްލައިފައި ނިތުގައި އަތްޖެއްސުން (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުން ފަތުން ދަމާލުން (3) ދޮންދިނުން