radheef.info
ރަދީފު


ގޮތް
ނ (1) ބާވަތް (2) ވައްތަރު (3) ފާޑު (4) ސިފަ
ހިތްބަލި
ނއ (1) އަވަހަށް އަސަރުކުރާގޮތް ހުންނަ (2) ފިނޑި (3) ހިތްވަރު ދެރަ
ހިތްވަރުއެލުން
މ (1) ހިތުގެ ސާބިތުކަން ކުޑަވުން (2) ކަންތަކާ ކުރިމަތިލާން ކެރޭގޮތް ކުޑަވުން (3) ހިތްވަރު ދެރަވުން
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން
ހިތްތަރު
ނ ހިތުގައިވާ ގޮތް
ހިތްތަރުބެލުން
މ ހިތްއޮތްގޮތް ބެލުން
ހިތްތުން
މ (1) ހިތްދަހިލެއްވުން (2) ދިއްސުން (3) އެކިއެކިގޮތް ގޮތުން ހިތްދަހި ކުރުވުން
ހިތްގަދަވުން
މ (1) އަނެކާއަށްލިބޭ ހިތާމައަކުން ނުވަތަ ހާނީއްކަ އަކުން އަސަރު ކުރާގޮތްނެތުން (2) ކޮންމެފަދަ ކަމެއް ކުރުމަށްވެސް ޖެހިލުންނުވުން
ހިތްޕުޅާވުން
މ ހިތްރުހުން މިބަހުގެ އެންމެމާތްގޮތް
ހިތްޖެހުން
މ (1) ކުރާހިތްވުން (2) ޝައުގުއުފެދުން (3) ހިތްއެދޭ ގޮތްވުން (4) ބޭނުންވުން (5) ލޯބިއުފެދުން
ހިލަންހުވަން
ނ (1) "ހިލަން" މިބަސްގަދަކުރާން ބުނާގޮތް (2) "ހިލަން" ބަލާ!
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލާލުން
މ (1) "ހިލުން" ބަލާ! (2) މަޖާޒު: ކަމެއްގެ ހަމަގޮތް ރީތިގޮތް ނުބަލައި ފަސޭހަގޮތަށް ހަދައި ނިންމާލުން
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިލޭވުން
މ (1) އުޅުމުގެ ގުޅުން ނެތުން (2) މަސައްކަތް ހުސްވުން (3) އަގަކާނުލައި ލިބޭގޮތްވުން
ހީވާގޮތް
ނ (1) ހީ (2) ލަފާކުރެވޭގޮތް (3) ހިތަށްފެންނަގޮތް
ހީވީމެޔަށް ފެންއެއްޗެއް އަޅައިލިހެންނެވެ.
(މިސާލުބަހެއް) މާބޮޑަށް ސިހޭގޮތްވުމުން ނުވަތަ ބިރުގަތުމުން ބުނެ އުޅޭ ބަހެއް
ހީލި
ނ (1) ގިލިގިލި ކޮއްޓީމާ ހަށިގަނޑަށް އެވާގޮތް (2) އުޅަނބޮށީގެ ހީލިކަށިގަނޑުތަނަކު ޖެހުނީމާވާގޮތް (3) ނުރައްކައު އުސްތަންތާގައި މީހުން ހިނގާތަން ފެނުނީމާ ބައެއް މީހުންގެ ދަށްފަޔަށް އެވާގޮތް (4) ހަރުދެއެތިގަނޑު ކޭރުވީމާ އިވޭ ބާވަތެއްގެ އަޑަކުން ބައެއް މީހުންގެ ދަތަށް އެވާގޮތް (5) ޖިންސީ އެދުންވެރިކަން އައުމުން އަންހެނުންގެ ކުރިމަތި ފަރާތަށް އެވާ އިޙްސާސް
"ހީލި" ބަލާ! ހީލިކެރުވުން
މ ގިލިގިލިކޮއްޓީމާ އެވާގޮތްވުން
ހުށަހޮޅިވަޑައިގަތުން
މ "ހުރަހޮޅިގަތުން" މިބަހުގެ އެންމެމާތްގޮތް