Radheef, ދިވެހިބަހުގެ ރަދީފު، ގެންދިއުންގެ މާނަ

radheef.info

ގެންދިއުން

މ ގެންދިޔުން

ދަޅައޮބުން

މ އިރުއޮއްސޭވަގުތު ހުޅަނގު ފަރާތުގައި ހުންނައިރުގެ އަލިކަން ފިލައިގެންދިއުން

ދަމައިގަތުން

މ (1) އެއްޗެއް މީހެއްގެ އަތުން އަތުލައިގަތުން (2) ފޭރިގަތުން (3) އޮޔާއެކު ނުވަތަ ރާޅާއެކު ގެންދިޔުން (4) ދަގަތްފާނުފަދަ އެއްޗެއްގެ ބާރުގައި އެޔާ ދިމާޔަށް ގެންދިއުން (5) އެއްޗެއްގައި ނުވަތަ ތަނެއްގައި ވަލެއްފަދަ އެއްޗެއް ޖަހައިގެން ދަމައި ގާތަށްގެނައުން (6) ތަނަކަށް ހެރިފައި ހުރިއެއްޗެއް ލުއްސައިލުން (7) އެތެރޭގައި ހުރި ދިޔާއެއްޗެއް ކޮންމެވެސް ވަޞީލަތެއް ބޭނުންކޮށްގެން ބޭރަށް ނެރެލުން (8) ދޫކޮށްފައިއޮތް ނަނެއް ނުވަތަ ވަލެއް ފަދަ އެއްޗެއްގައި ހިފައި ކުއްލިއަކަށް ދަމަންފެށުން

ދަމާހަލައިފައިގެންދިއުން

މ މީހަކު ނުވަތަ އެއްޗެއް ގަދަބާރުން ގެންދިއުން

ދަމާކޫއްތާފައި ގެންދިއުން

މ ބިންމަތީގައި ކޭއްތޭގޮތަށް ގަދަކަމުން ދަމައިފައި ގެންދިއުން

ދުންނެގުން

މ ޒިކުރު މާލޫދު ބުރުދާ ކިއުންފަދަ ކަންކަމަކަށް ބަހައްޓައިފައި ހުންނަ ދުންކިބާ ނުވަތަ ދުންދަނޑިޖަހާއެތި އެކަން ނިމުނީމާ އެތަނުން ނަގައިގެން ގެންދިއުން

ދުރަށްލުން

މ (1) ކައިރީގައި ހުރި އެއްޗެއް ދުރަށް ޖެއްސުން (2) ދުރަށް ގެންދިއުން (3) ފެއަށްޖެއްސުން

ދޯނިނެގުން

މ (1) އަޅައިފައިހުންނަ ދޯނިފަހަރު އޮންނަތަން ނޫން އެހެން ތަނަކަށް ގެންދިއުން (2) އަރިކޮށްފައި އޮންނަ ދޯންޏެއް ތެދުކުރުން

ތަރިލުން

މ )ސ ( ތަރިބުރައިގެންދިއުން

ތިންފުޅިދުމާދިއުން

މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން

ލަވަމުން ގެންދިއުން

މ ގެރިބަކަރި ނުވަތަ ދޫނި ސޫފާސޫފި ނުވަތަ ފަޅުމަތީގައި އުޅޭމަސް ވަކިތަނަކަށް ވަކިދިމާޔަކަށް ގެންދިއުން

ގައިމޮޑުން

މ ހަށިގަނޑުގައި ރިހުންހުރިތަނެއްގައި ފިތަމުން ގެންދިއުން

ގެންދެވުން

މ (1) ގެންދިއުން މިބަސް މާތްކޮށާއި އެންމެ މާތްކޮށް ބުނާގޮތް (2) މަޖާޒު: މަރުވުން

ގެންގެރުން

މ އެއްޗެއް އަތިރިމަތިން ގެއަށް ނުވަތަ އެއްގަމަށް ގެންދިއުން

ގޮވައިގެންދިއުން

މ އިންސާނުންނާއި ދިރޭބައެއްތަކެތި އެކުގައި ގެންދިއުން

ސައިކިޔުން

މ ރާޒުވާ ކުޅޭއިރު ބޮނދު ޖަހައިލެވޭ ގޮތަށް ކުޅިޔެއް ގޮޅިޔަކަށް ގެންދިއުން

ޝަހާދަތްގޮވުން

މ ލިބޭ ކުއްލި ސިހުމެއް ނުވަތަ ވޭނެއްގެ ސަބަބުން ޝަހާދަތުގެ ދެކަލިމަ އަޑުހަރުކޮށް ކިޔަމުން ގެންދިއުން