radheef.info
ރަދީފު


ގުޅަ
ނ (1) އެތެރެޔާއެކު ފުރިފައި ހުންނަ ވަށް އެއްޗެހި މިސާލު: )ހ( ފުށްގުޅަ )ށ( މަސްގުޅަ )ނ( ބޭސްގުޅަ (2) އެތެރެއަށް މޮޑުނު މަސް އަޅައިފައި ފުށުން ހަދައިފައި ހުންނަ ހެދިކާއެއް
ކިރުއިލޮށި
ނ ބަނބުކެޔޮކިރު ތަތްކޮށްގެން އެ އުނގުޅައިފައި ހުންނަ އިލޮށި މިއީ ދޫނި ހިފަން ކުރާކަމެކެވެ
ކުޅޭތާލަވަ
ނ ގުޅަކުޅޭ ފަސްގަނޑުގައި ކުޅިޖަހައި އުޅުނުއިރު ބެރުގައި ޖަހައި އުޅުނު ލަވަޔާއި ފުމޭލަވަތައް
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
އައިސްއަލަމާރި
ނ (1) ބައްތިއެއް ދިއްލައިގެން ނުވަތަ އިލެކްޓްރިކާ ގުޅައިގެން އެތެރެ ފިނިކޮށްފައި ހުންނަ ދަގަނޑު އަލަމާރިއެއް މިއީ ފެންފަދަ ކިރުފަދަ ތަކެތި ފިނިކޮށް ގަނޑުކުރުމަށާއި ބައެއް ތަކެތި ނުބައިނުވެ ފިނިކޮށް ބެހެއްޓުމަށް ތައްޔާރުކޮށްފައި ހުންނަ އެއްޗެކެވެ (2) ގަނޑުފެން އަލަމާރި
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
އަޖިދައިގެއައިން
ނ (1) އިރުވަރު ވަގުތު ތިލަވާ މަސްއައިން (2) އިރަށް އަޅުކަންކުރާ މީހުން ޚިޔާލުކުރާ ގޮތުގައި އިރާގުޅައިދޭ ޖިންނިފޮނުވާ މަސްއައިން
އާގޮޅުވައް
ނ )ސ ( ލާގުޅަ
އުންޑަ
ނ ބަޑިޔަށްލާން ދަގަނޑުން ނުވަތަ ތިމަރައިން ހަދައިފައި އޮންނަގުޅަ
އުއިފެވުން
މިސާލު: ވަޑާންކުރުމަށް ގެންގުޅޭ އުއި ކަޑި ނުވަތަ ދެލި އުނގުޅައި ތެންމުން
އުޑިއެނބުރުން
މ (1) އުޑިން އެއްޗެތި މުގުރުމަށްޓަކައި އެނބުރުން މަޖާޒު: (2) ގުޅަމަތި ހިފުމުގައި ކުރާކަމެއް (3) ވައަތު ފައިމަތީ އިށީނދެ އިނދެގެން ދެއަތުން އުފުލިލާފައި ކަނާތުފައި ވާތުފައިގެ ދަށުން ނެރެގެން އެނބުރުން
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ވަންޖެހުން
މ ގުޅަހަދާއިރު މަސްގުޅަލާން ފުށުން ވަންތަކެއްގެ ސިފައިގައި އަތުން ހަދާ ހެދުން
ވަޅު
ނ (1) އެކިއެކި ބޭނުމަށްޓަކައި ކޮނެފައި ހުންނަ ތަންތަން. (2) ބައެއް ޚާއްޞަ ތަންތަނަށް ނަން އިތުރަކާ ގުޅައިގެން މަރުވަޅު ފުރޯވަޅު ސަޖިދަވަޅު ފުއްވަޅު މިގޮތްގޮތަށް ކިޔައެވެ. (3) ފެން ބޭނުންކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިގެންނާއި އެ ނޫން ގޮތްގޮތަށް ތައްޔާރުކުރާ އެއްޗެއް (4) )ލ ( ވަޅި
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވާންފަށް
ނ )ކ.( (1) އުނދޯލީގެ ވައު. (2) އަޑިން މަސްބާނަން ފައްތާއިރު ހެތުރު ނުވަތަ ނަނުގައި ބައްދައިފައި އޮޑީގައި ހައްޔަރުކޮށްފައި ހުންނަ ހިމަފަށް. ނުވަތަ އެންގަނޑު އޮޔާ ދިޔަނުދިނުމަށްޓަކައި ގަލެއްގައި ބައްދައިފައި ބުޅީގައި އައްސައިފައި ހުންނަ ހިމަފަށް (3) ވާންގާ ޖައްސާއިރު ވާންގަލާ ވަލާގުޅައިފައި ހުންނަ ހިމަފަށް މިފަށް ހުންނާނީ ފަސޭހައިން ކަނޑައިލެވޭ ގޮތަށެވެ
ވިހައޮށް
ނ މަސް ފަދަ ތަކެތި މެރުމަށް )ހިފުމަށް( ރާއްޖެއިން ބޭރުން ގެނައި ކުދި ވަރުގެ އޮށެއް. މި ހުންނާނީ ގުޅައެއްގެ ސިފައިގައެވެ. ކަކުނިފިލި ފަދަ އެއްޗަކާއި އެއްކޮށްފައި ފަރުމަސް އުޅޭ ތަންތަނަށް އުކުމުން އެކައިގެން މަސް ވަރު ދެރަ ވެގެން ފެން މައްޗަށް އަރައެވެ
ވިހަގަނޑު
ނ )ޏ ސ ( އެއްތަނެއްގައި ހަރުކޮށް ގުޅަވެގެން ދުޅަވާ ތަންތަން