radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ހިތްބިރު
ނ ބައްޔެއްގެ ނަން. މިބަލީގައި އެއްވެސް ކަމެއްނެތި ނުވަތަ ސަބަބެއްނެތި ބިރުގަނެއެވެ
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަޅު
ނ ހަށިގަނޑު ބުޅަލެއްވަރުވާ ޖަންގަލީ ޖަނަވާރެއް މިއީ ވަރަށް މަކަރުވެރި އެއްޗެކެވެ
ހިޔަމަރިނދަލި
ނ ރިނދަލީގެ ބާވަތެއް މިރިނދަލީގައި ހުންނަނީ ނުސާފު ހުދުކުލައެކެވެ ރިނދަލީގެ ބޭރުގައި ދިގު ފައިކަށިތަކެއްހެން އެކިވަރުގެ އުންތަކެއް ހުރެއެވެ
ހުނިބޮލި
ނ (1) ބިލެތްހުނި އަޅަން ހަދާފައިވާ އެއްޗެއް (2) ބޮލީގެ ބާވަތެއް މިއީ ހުދުކުލައާއި މުށިކުލައިގެ ރޮނގުތަކެއް ފާޅުކޮށް އެނގެންހުންނަ ބޮއްޔެކެވެ (3) )ސ ( ދޮންއަނގަ
ހުނިލެއިބަތް
ނ )ސ ( ހުނިލީބަތް
ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުޅުވައި
ނ (1) ރާއްޖެބަލީގެ ވަޔެއް (2) ދުޅަނުވެ ހުޅުހުޅުގައި ރިހޭ ބައްޔެއް
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުއިވަކުބަލި
ނ ފުރަގަސްފަރާތުގެ ބަލީގެ ބާވަތެއް މިބަލިނަގަނީ ފުރަގަސް ފަރާތު ދޮރުގެ ކައިރިފަށުގައި އުހިވަކެއް ހެންނެވެ އެއީ "ހުހިވައް" މިކިޔާއެއްޗެކެވެ
ހުއްޓި
ނ (1) ފުރާޅު ބަނުމުގައި ހުރަހަށް ބަހައްޓާ ދަނޑި (2) ފުޅަށް އެޅުމުގައި ދުރުދޭތެރެ ބައްދާން ބަހައްޓާ ދަނޑި (3) ފުޅަލީގައި ކޮޅަށް ބަހައްޓާ ދަނޑި (4) ލިޔާއިރު ޖުމުލަ ނިމުމުގައި ޖަހާ ތިކި )ފުލުސްޓޮޕް
ހުއްޖަތް
ނ (1) ބަހުން ދައްކާހެކި (2) ކަމެއް ސާބިތުކޮށް ދިނުމަށް ދައްލާދަލީލު (3) މަކަރު (4) ދައްކާ ބަހަނާ
ހުއްޖަތްދެއްކުން
މ (1) ދަލީލުދެއްކުން (2) ހެކިދެއްކުން
ހުވަނދުބުލިބުލި
ނ މަޖްލިސް މަޖްލީހުގައި ދޭ ހުވަނދު އަޅައިގެން ގެންގުޅޭ ކަންވާރު
ހުދުހިރު
ނ ފޭލީގައި ދިގަށް ހުންނަ ހުދުރޮނގު