radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ބަނބުޅަންބޮނޑި
ނ އިހުގައި ރަސްކަމަށް ކޮލިލާ ދުވަހު ފުރޮޅާ އެއްޗެއް ޚަޒީނާއޭ ކިޔާ ބަޑިޖަހާނީ މިފުރޮޅައިލީމައެވެ މިއޮންނަނީ މުރުސަލް ފާޑަށެވެ މިފުރޮޅުއްވާނީ ކަނބާދިކިލެގެފާނެއެވެ
އިހޭދަނޑި
ނ (1) އިހޭޖަހާދަނޑި (2) "އިހޭ" ބަލާ!
އިނގިރޭސި
ނއ އިނގިރޭސި ބަހާގުޅޭ ނުވަތަ އިނގިރޭސި ވިލާތުގެ މީހުންނާގުޅޭ
އިނގިރޭސިބަސް
ނ އިނގިރޭސި ވިލާތު މީހުން މޮށެއުޅޭބަސް
އިނގުރު
ނ ރިހަ ކަވާބުފަދަ ކާއެއްޗިއްސަށް ލާން ގެންގުޅޭ ކުޅިރަހަލާ މަޝްހޫރު ގޮނޑިއެއް މިއީ ބިމުތެރޭ ފެތުރެމުން ދުވާގޮނޑިއެކެވެ
އިންދިރާސް
ނ (1) ނެތިދާދިއުން (2) ވީރާނާ (3) ބައުވެގެންވާ ހަލާކު
އިންތިޒާމު
ނ (1) ކަމެއް ބަލާން ވީގޮތަށް ބަލަހައްޓާ ބެލެހެއްޓުން (2) ތަރުތީބު ހަމަޖައްސައި ހަމަޖެއްސުން
އިންތިޒާމުކުރުން
މ (1) ކަމެއް ބަލާންވީގޮތަށް ބެލެހެއްޓުން (2) ތަރުތީބު ކުރުން (3) ކަމެއް ހަމަޖެއްސުން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލަވަރުކެއުން
މ (1) ބެއްދީމާ ދެއަތުން ވަށާޖެހުން (2) "އަތްގުޅިކެއުން" ބަލާ!
އެސުވާމީންގެ
ނ މާތް ރަސްކަލާނގެ
އެސްވަޅު
ނ ހުދުހަމުގައި އުފެދޭ ބައްޔެއް. މިބަލި ހުންނާނީ ވައްކޮށް ހަރުކޮށް އެތެރެޔަށް ގޮނޑިލާ ގޮތަށެވެ
އެޑެއީހި
މ )ޏ ( (1) އިހީގެ ބާވަތެއް (2) ކަޅުރަތްކުލާގައި ހުންނަ އިއްސެއް
އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
އޭހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
ވަރާވެރިކަން
ނ (1) ވަރަޢަވެރިކަން ބަލާ! (2) ފަންޑިތަވެރިންގެ ބަހުގައި ޖިންނި ފުރޭތައިގެ ވަކިކަހަލަ އަސަރެއް
ވަރިކެނޑުން
މ (ގ، ސ) (1) މައިފިއްލުން (2) ވަރިކުރުން ބަލާ!
ވަރުހަނގު
ނ ކުރީޒަމާނުގައި ދައުލަތުން ދެއްވި އޮޅިމެދުކަމުގެ ނަން މިމީހުން ތިބެނީ ތިންގެއަކަށެވެ. އެއީ ދޮށިމޭނާގެ ވެލާނާގެ ހަކުރާގެ މިތިންގެއެވެ އެއީ އެތިން ބޮޑުބޭކަލުންގެ ވެރިކަމުގެ ދަށުގައިވާ ބައެކެވެ
ވަރުބެލުން
މ (1) އެއްޗެއްގައި ހުރިގޮތް ބެލުން (2) މިންވަރު ބެލުން (3) ޢިމްތިޙާނު ކުރުން (4) ޢަދަދު ބެލުން (5) ހަކަތަބެލުން (6) ބާރުބެލުން (7) ދެރާޅުދޭތެރޭ ވަރުލާ ވަގުތު ބެލުން
ވަރުކުރުން
މ (1) ހެޔޮވަރު ކުރުން. (2) މެޓާ ހަލުވާފަދަ ތަކެތި ހިލާއިރު ނުބައި ނުވާ ވަރަށް ރޯފިލުވައި ކެއްކުން )މިތަކެތި އޭގެ ވަޒަނަށް ހިލުން( (3) ސަރުބަތު ރާފޮނި ފަދަ ތަކެތި އޭގެ ވަޒަނަށް ކެއްކުން (4) )ސ ( ތެލުލައިފައި ހުންނަ ތަކެތީގައި ހަކުރުލުން