radheef.info
ރަދީފު


ލައިގެން
ކއ (1) ހިމަނައިގެން (2) އެއްކޮށްގެން
ރިހާކުރުފަތަފޮޅި
ނ ރިހާކުރާއި ހުންޏާއި މިރުހާއި ފިޔަޔާއި ހުތާއި އިނގުރާ ރިހާކުރާއި ލައިގެން ފިހާ ފަތަފޮޅި
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރޫލެޓު
ނ ހަރާދުކިޔައިގެން ކުޅޭ ކުޅިވަރެއް. މިއީ ވަތްވަތަށް ބައިކޮށް ކުލަޖައްސައި ނަމްބަރުޖަހައިފައި އޮންނަ ބުރެއް އަނބުރައިގެން އެބުރުގެ ތެރެއަށް ފަސްއޮށެއްވަރުގެ ބޯޅައެއް ލައިގެން ކުޅޭ ކުޅިވަރެކެވެ
ރޫސިހާބަތް
ނ ކާށިކިރު އަޅައިގެން ލޮނުލައިގެން ކައްކާބަތް
ރެހާންބަތް
ނ )ޏ ( ރީނދުލާ ހުންޏާ ހަކުރު ލައިގެން މަޑުކޮށް ކައްކާ ބަތެއް
ރޭނުން
މ (1) އުވަޔާއި ވެއްޔާ އެއްކޮށް ގަށައިގެން ގާ ބަހައްޓަމުން އެ އަޅަމުން ތަނެއް ހަދަމުން މައްޗަށް ނެގުން ސިމެންތި ލައިގެންވެސް ރާނައެވެ ބައެއް ފަހަރަށް ހުސް ގަލުންވެސް ރާނައެވެ (2) ސިލުނބު ތަވާ ފަދަ ތަކެތި ބޭނުން ހިފުމުގެ ކުރީގައި އަލިފާނުން ހޫނުކޮށްލުން
ރޭލު
ނ އެތަށް ގާޑިޔަލެއް ފަތީލައިގެން އިންޖީނެއްގެ ބާރުން ދަގނަޑު މަތީގައި ދުއްވާ ގާޑިޔާ މީގެ ތަފާތު ބާވަތްތައް ހުރެއެވެ
ރޮކެޓު
ނ ވަރަށް ބާރަށް ފަހަތަށް ފޮނުވައިލާ މާއްދާއެއްގެ ސަބަބުން ކުރިޔަށްދާގޮތަށް ހަދައިފައިވާ އެއްޗެއް މީގެ އެންމެ ޢާއްމު ވައްތަރުތައް ހުންނަނީ އެއަށް އަޅައިފައިވާ އަނދާ މާއްދާތަކާއި އޮކްސިޖަން އެއްކޮށް އަންދައިގެން އުފެދޭއާވި ފަހަތަށް ފޮނުވާ ލައިގެން ދުއްވާގޮތަށެވެ. މިއެންމެ ޢާއްމުގޮތެއްގައި ބޭނުންކުރަނީ ހެދިހަނދު ފަދަ އެއްޗެހި ޖައްވަށް ފޮނުވުމަށާއި ޖައްވީ އުޅަނދު ފަހަރުގެ ދަތުރުތަކުގައެވެ
ރޮދިގަނޑު
ނ (1) އުނަގަނޑުގައި އަޅާ ނަނުފަށް (2) ބޯވަޅުގެ މެދުގައި އެހެން އެއްޗެއްސަށްވުރެ ފުޅާކޮށް ބާދަލާލައިގެން ގަތައި ހަރުކޮށްފައި އޮންނަ ފަށް
ރޮދުއެޅުން
މ ރޮދުލައިގެން މަސްބެއްދުން
ރޯލުގޯލު
ނ ވަކިވަރަކަށް ލޯލައިގެން ހަދައިފައި ހުންނަ ރަނެއް
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަނޑުހޫނުކޮށްލުން
މ މަޖާޒު: ސައިފޮދެއް ބޯލައި ނުވަތަ ނާސްތާއެއް ކޮށްލައިގެން ބަނޑުހައިކަން ފިލުވައިލުން
ބަރުއަޑު
ނ (1) ލުއިއަޑުގެ އިދިކޮޅުއަޑު. (2) ތަޖުވީދު ޢިލްމުގެ ހަމައިގައި އަކުރެއްގެ އަޑު ނެރޭއިރު ދުލުގެ ފަހަތުކޮޅު މަތީތައްޔާއި ދިމާއަށް އުފުލައިގެން ކިޔާގޮތް. މިސާލަކަށް: ލަފްޒު ﷲގެ ލާމު ބަރުކުރުން (3) ބުންކަމެއް އެކުލެވޭ ފަލައަޑު
ބަދުރު
ނ (1) މަދީނާގެ ކައިރީގައި އޮންނަތަނެއް (2) ބަދުރޭމިކިޔާ ތާނގައި ހުންނަ މަޝްހޫރުވަޅެއް (3) ބަދުރު ހަނގުރާމަޔަށް ވަޑައިގަތް އަޞްޙާބުބޭކަލުންގެ ނަންފުޅުތައް ލައިގެން ހަދައިފައި އޮންނަ ދުޢާއެއް
ބަތާނަލުން
ނ (1) ބަތާނަލައިގެން ފެހުން (2) ބަތާނަ ހަރުކުރުން (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަލާފަށް ލުން
ބަތްތަރަފަނަ
ނ ބަތްހިއްކާ ތެލުލައިގެން ހަދާ ތަރަފަނަ
ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ