Radheef, ދިވެހިބަހުގެ ރަދީފު، ތުންގެ މާނަ

radheef.info

ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން

މިނިވަންވުން

މ (1) އަޅުވެތިކަމުން ސަލާމަތްވުން ނުވަތަ މިންޖުވުން (2) ބަންދަކުން ސަލާމަތްވުން (3) މަޖާޒު: އިނދެގެން އުޅޭ މީހާގާތުން ވަރިވުން

ހައްދުފަހަނަޅައި ދިއުން

މ (1) ދާންވީ ހިސާބަށްވުރެ މާއިތުރަށް ދިއުން (2) ނުބައިކަމުގެ ކޮޅެއްނެތުން

ހައްދޫ ކަނޑިފަނިގޮޅާ

ނ )ޏ ( އަލަށްމާލެދާ މީހުން އަތުން ހައްދޫ ކަނޑު ފަހަނެޅީމައި އާދައެއްގެ ގޮތުން ނެގޭ ކޮންމެވެސް ފޮނިކާއެއްޗެއް

ހައްޔަރެއްނެތުން

މ (1) ބަންދުކަމެއްނެތުން (2) ހިފެހެއްޓުމެއްނެތުން (3) މަޖާޒު: ބަލިވެއިން ކަމުގައި ނުވުން

ހަވަރުދުރޯ

ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ

ހަވަރުތުންފުހި

ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ

ހަވާސާނޯޓް

ނ މައިގަނޑު ލިޔުމުގައި ވާއެއްޗެއް އިތުރަށް ތަފްޞީލު ކޮށްދިނުމުގެ ގޮތުން އެލިޔުމެއްގެ ތިރީގައި ނުވަތަ އެސަފުހާއެއްގެ ތިރީގައި ލިޔެފައި ހުންނަ ވާހަކަތައް

ހަވީރުކުރުން

މ ޅެމަކާމެދު ނުވަތަ ޅެންވެރިޔަކާމެދު އަދަބީ ގޮތުން ވާހަކަ ދެއްކުން

ހަމަހިމޭންވުން

މ (1) ޙަރަކާތެއް އަޑެއްނެތުން (2) އަޑުބަޑު މަޑުވުން

ނ އެކުވެރިކަމުގެ ގޮތުން ނުވަތަ ގާތްކަމުގެ ގޮތުން މީހުންނަށް ހަމަހިލޭދޭ ތަކެތި

ހަތަރުބޯފޮޅި

ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.

ހަތަރުކަންކައްޓަށްހިފުން

މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން

ހަތަރުއަރި

ނ ހަތަރުބިތަށްހުރި އެއްޗެއްގެ ހަތަރުފަރާތް މިބަސްނަން އިތުރެއްގެ ގޮތުންވެސް ކިޔައެވެ

ހަތަރުއުދަރެސްފެނުޖެހުން

މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން

ހަތާތަޅައިލުން

މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން

«1 2 3 4 5 6 7 8 »