radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ހިރުއެރުން
މ ދަތުގެ ހިރުގަނޑުން އުނިވާތަން އާވެ އިތުރުވުން
ހިރުއްދަ
ނ ދިވެހިގޭގޭގައި ހުންނަ އެނދުބައިލީދޮރުގެ އެނދުބައިގެ ތިރިޔާއި މަތީގައިކުދިކުދި އެއްޗެހި ބެހެއްޓޭނޭހެން ހުންނަތަން
ހިބަރު
ނ ކަނޑުގައިއުޅޭ ބޮޑެތިމަހުގެ ބާވަތެއް. މީގެ ކިތަންމެ ވައްތަރެއް ހުރެއެވެ. މީގެ އެންމެ ޚާއްޞަ ސިފައަކީ މަތީތުން ދިގުކޮށް ހުރުމެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިއްތަނބެ
ނ )ގ ( ހިއްތަން
ހިމެރި
ނ ވައްތަރެއްގެ ތޮޅިޔެއް އަޅާވެލެއް މީގެ ކިތަންމެ ބާވަތެއް ހުރެއެވެ ގިނަބާވަތުގެ ތޮޅިޔަކީ ކާން ރަނގަޅު އެއްޗެކެވެ
ހިތާނުވަޅު
ނ އިހުގައި ދިވެހިގޮތަށް އަޅައިފައި ހުންނަ ގޭގޭގައި މައިދޮރާ އެންމެ ކައިރިޔަށް ބޮޑުއަށީގައި އިށީނދެވެން ހުންނަ ތަން
ހިތިކަދޫވެލެއްގެ ބުޑަށް ފެންކަމުގައި މާމުއި އެޅިއަސް އޭގައި އަޅާ އެއްޗެއް ފޮންޏެއް ނުވާނެއެވެ
(މުސްކުޅިބަހެއް) ނުބައިކަމުގައި ޙައްދު ފަހަނަޅާފައިވާ މީހަކަށް ކިތަންމެ ހެޔޮ ނަސޭހަތެއް ދީ ވިސްނައިދީ ހެދިޔަސް އޭނާގެ ނުބައިކަމަށް ބަދަލެއް ނާންނާނެކަން އަންގައިދިނުމުގެ ގޮތުން ބުނެއުޅޭބަހެއް
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިތްތަބަ
ނ )ގ ( ހިއްތަން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔާ
ނ (1) ވާރެޔާ އަވީން ރައްކާވެވޭ ތަންތަން (2) އޮޑިދޯނިފަހަރުގެ ކުނބުކަތްޕާ ކުންބާ ދޭތެރޭ ދެފުރާޅު ލައިފައި ހަދައިފައި ހުންނަގެ (3) މަޖާޒު: މީހެއްގެ ފަރާތުން ލިބޭ ރައްކާތެރިކަން (4) އެހީތެރިކަން
ހިޔާއެރުން
މ (1) ވިލާގަނޑުގެ ނުވަތަ ގަސްގަހާއި ގޭގެފަދަ ތަންތާނގެ ހިޔަނި އެރުން (2) ހަވީރުވެގެންގޮސް ރަށުތެރެއަށް ހިޔާ ފެތުރުން
ހިޔާވަހި
ނ (1) ގެދޮރު (2) ރައްކާތެރިކަން ލިބިފައިވާތަން (3) ހިޔާކޮށްފައިވާތަން
ހިޔާގަނޑު
ނ (1) ހިޔާއެޅިފައިވާތަން (2) އޮޑިދޯނި ފަހަރުގައި ހިޔާކުރަން ހަދައިފައި ހުންނަގެ
ހީލި
ނ (1) ގިލިގިލި ކޮއްޓީމާ ހަށިގަނޑަށް އެވާގޮތް (2) އުޅަނބޮށީގެ ހީލިކަށިގަނޑުތަނަކު ޖެހުނީމާވާގޮތް (3) ނުރައްކައު އުސްތަންތާގައި މީހުން ހިނގާތަން ފެނުނީމާ ބައެއް މީހުންގެ ދަށްފަޔަށް އެވާގޮތް (4) ހަރުދެއެތިގަނޑު ކޭރުވީމާ އިވޭ ބާވަތެއްގެ އަޑަކުން ބައެއް މީހުންގެ ދަތަށް އެވާގޮތް (5) ޖިންސީ އެދުންވެރިކަން އައުމުން އަންހެނުންގެ ކުރިމަތި ފަރާތަށް އެވާ އިޙްސާސް