radheef.info
ރަދީފު


ތަންތަން
ނ އެއްތަނަށްވުރެ ގިނަތަން
ބޯކޮޅުބެލުން
މ މަޖާޒު: ކަމަކާމެދު ޝައްކުކުރެވިގެން މީހަކު ނުވަތަ ބަޔަކުގޮސް އުޅޭ ތަންތަނާއި ވަދެއުޅޭ ތަންތަން އެމީހަކަށް ނުވަތަ އެބަޔަކަށް ނޭނގޭގޮތަށް ބެލުން
ބޯގަ
ނ މިސްކިތް މިސްކިތާއި ޒިޔާރަތް ފަދަ މުގައްދަސް ތަންތަން ބެލެހެއްޓުމަށް ވަގުފުކޮށްފައި ހުންނަ ބިންބިމާއި ރުއްގަސް
ކަށިނަރު
ނ ތަންތަން ކޮޅުގައި ތޫނު ކަށި ހުންނަ ގޮތަށް ހަދައިފައި ހުންނަ ނަރެއް މިނަރު ޢާންމުގޮތެއްގައި ހަދައިފައި ހުންނަނީ ދަގަނޑު ނަރުންނެވެ އެއް ފަށަށްވުރެ ގިނަފަށް އެއްކޮށް އަނބުރައި ދޭތެރެދޭތެރެއަށް ދެކޮޅު ފޭއްސި ނަރުކޮޅެއް ލައްވައިގެންނެވެ މި ނަރު އާއްމުކޮށް ބޭނުންކޮށް އުޅެނީ ވަދެނިކުމެނޫޅެވޭގޮތަށް ވަކި ސަރަހައްދެއް ބަންދުކުރުމަށެވެ
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަނޑުހެނޑަމާދޫނި
ނ މާދޫނީގެ ވައްތަރެއް. މީގެފައި ހުންނާނީ ރަތްކޮށެވެ. ބޮލާ ކައިރި ހިސާބުން ތުންގަނޑު ހުންނާނީ ނޫކޮށެވެ މީގެ ބުރިކަށިމަތި ހުންނާނީ ކިރުޅިކޮށެވެ އެހެންތަންތަން ހުންނާނީ ހުދުކޮށެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންކޮޅު
ނ (1) އެންމެ ދުރުތަންތަން (2) އެންމެ ދުރުފަރާތްފަރާތް
ކަންޒު
ނ (1) ޢަދާވަތްތެރިންނަށް ހުރަސްކޮށްފައި ނާދެވޭ ގޮތަށް ކޮނެފައި ހުންނަކޯރު (2) ހިސާބަކަށް ފެންހުންނަ ކިސަޑު ހެދި ގަނބާ ގޮތް ހުންނަ ތަންތަން
ކަވާ
ނ ބަލިމަޑުކަމެއް ފިލުވުމަށްޓަކައި ހަށިގަނޑުގެ ބޭރު ހަން ކުރަފަތަކުން ތަންތަންކޮޅުން ކަނޑައި ކަވާފުޅި ހިއްޕައިގެން ލޭނެރޭ ނެރުން
ކަވާ ޖަހަންވެފައިހުރި މީހަކު ތޮށިމައްޗަށް ވެއްޓުން
)މިސާލުބަހެއް( (1) ލޭ ނުބައިވެފައިހުރި މީހަކު ތޫނު ގާތަކެއްގެ ތެރެއަށްވެއްޓި ތަންތަންކެނޑި ލޭނުކުތުން. (2) މަޖާޒު: ތިމާގެ އެދުން ފައުޅުކުރުމަކާ ނުލައި ބޭނުންކަމެއް ފުދުން
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަފިހިހުރަސް
ނ ހިނގާމީހުން މަގު ހުރަސްކުރުމަށް ހުރަސް ރޮނގުތަކެއް ދަމައި ވަކިކޮށްފައި ހުންނަ ޚާއްޞަ ތަންތަން
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކާފަރުމަތާ
ނ އެކަތިގަނޑު ބޯދޮށަށްލައިފައި އަނެކަތިގަނޑު ކޮޅަށް ބަހައްޓައިގެން އަޅާމަތާ މިއީ ތަންތަން އުފުއްލާން އަޅާ މަތައެކެވެ
ކިރުޅި
ނ މަސްމަހާމެއްސާއި ދޫނިސޫފާސޫފީގައި ހުންނަ ކުލައެއް މިއީ ހުދުކުލައާއި ކަޅުކުލައިގެ ތަންތަންކޮޅު އެކުވެގެން ފެންނަ ގޮތެކެވެ
ކިރުކުމުންޒާނި
ނ ކުމުންޒާނީގެ މޮޅުބާވަތް މީގެ އެތެރޭގައި ހުދުތަންތަން ކޮޅު ހުންނާނެއެވެ
ކުނީހަނޑޫ
ނ ގަޑުވަރުތެރޭ ބޭފުޅުން ތިއްބަވާ ތަންތަން ކުނިކަހާ މީހަކަށް ސަރުކާރުން ދެއްވައި އުޅުއްވި ހަނޑޫ އެއީ ފޯޔަކު އަށްނާޅި ހަނޑުލެވެ
ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ