radheef.info
ރަދީފު


ދޯނިފަހަރު
ނ (1) ދޯނިތައް. (2) ދޯނި މިބަސްގިނަކުރުމަށް ބުނާގޮތް
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކައްޅި
ނ އޮޑިދޯނިފަހަރުގެ ވަތް ބައިކޮށްފައި ހުންނައިރު ތަޅާއި ހަފޮޅާ ދޭތެރޭ ހުންނަ ކަޅިވަތްތައް
ކައްޔާލު
ނ (1) އޮޑޮދޯނިފަހަރުގެ ކޮލިމަތި (2) އުކުޅުމަތި
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވަރުމަޑޫ
ނ އޮޑިދޯނިފަހަރުގެ ދެވަނަ މަޑޫ
ކަފިވަޅު
ނ މަސްދޯނިފަހަރުގައި ކުނބުކަފިޖަހަން މަސްފިލާގަނޑާއި އިންނަފަތާއި އިހިތަކުން ކަނޑައިފައި ހުންނަތަން
ކަފިވައްގަނޑު
ނ އޮޑިދޯނިފަހަރުގައި ކުނބުކަފީގެ ފޫހެރެން އޮންނަ ބަނޑުވައްގަނޑު
ކަފިފޮތި
ނ އޮޑިދޯނިފަހަރުގެ ފިލާގަނޑު ކަތްޕަށް ކަނޑައިފައި އޮންނަފޮތި ނުވަތަ ފިލާ
ކަޑަ
ނ (1) އެކިއެކި ބޭނުމުގައި ބިމަށްޖަހާ ކުރުދަނޑިބުރި )މިހުންނާނީ އެއްކޮޅު ފޭއްސައިފައެވެ ( (2) އަންހެނުންގައި ހުންނާންވީ ބަނިޔާދަންކަމުގެ އިދިކޮޅު (3) އޮޑިދޯނިފަހަރު ފައްސިޔަ ބޮޑުވެގެންގޮސް ދެފުށުވައި އެޅޭގޮތްވުމަށް ކިޔާނަން
ކަޑި
ނ (1) އޮޑިދޯނިފަހަރުގެ ބޭރުގައި އުނގުޅާންގެންގުޅޭ ރަތްކުލައިގެ މަށްޓެއް މިބޭހަށްވެސް ބޭނުންކުރެއެވެ (2) ލަވަ ފަރިހީގެ މައިގަނޑުނޫން ބައިބައި
ކިއްސަރުއުއި
ނ އޮޑިދޯނިފަހަރު ބަންނައިރު މަޑޫމަތީގައި ލަނބަމުން ޖަހާއުއި
ކިއްސަރުވަޑާން
ނ އޮޑިދޯނިފަހަރު ބަނުމުގެ ވަޑާން
ކުނބުން ދިރުބަ
ނ އޮޑިދޯނިފަހަރުގެ ކުނބު އިންނަފަތުން ފެށިގެން ކުރީކޮޅު
ކުނބުންކޮޅުފަސް
ނ އޮޑިދޯނިފަހަރުގެ ކުނބުން ފެށިގެން ފަހަތް އޮޑިދޯނިފަހަރުގެ ފިއްފަތުން ފެށިގެން ކޮޅުފަސް
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރުއޮޅި
ނ (1) ދޯނިފަހަރުގައި އެންމެ ދިރުނބަލަށް ހުރަހަށް އަޅާ އޮޅި (2) ކަނދު އޮޅި
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ