radheef.info
ރަދީފު


ދުނި
ނ (1) ހެވިކަމުގެ ގޮތުންނާއި ހަނގުރާމައިގެ ތެރޭގައްޔާއި އެއްގަމު ކެޔޮޅުކަމުގައި ދުނިދަނޑީގެ ބާރުން ފޮނުވާތީރު (2) އައިނުގެ އޮނިގަނޑު ނުވަތަ ފައިކަށި (3) ކުޑައިގެ ފޮތިގަނޑު ހަރުކުރާދުނި ގަނޑުން އެކަތި (4) އަތޮޅުގެ ރަށްތައް އެތުރިފައި ހުންނަ ބޭރުބުރު (5) ވޮއްޑުންޏެއްހެން އޮންނަ ބުރުފަޅި (6) ދެއެއްޗެއްއޭގެ އަމިއްލަޒާތުގައި ކައިރިވިޔަނުދިނުމަށް ނުވަތަ ދުރުވިޔަނުދިނުމަށް ހަރުކޮށްފައި ހުންނަ ނަރުކޮޅު ނުވަތަ އެތިކޮޅު (7) ގުޑީގެ އޮނިގަނޑުން ބައެއް
މިސްކިތަށްއެރުން
މ (1) މިސްކިތަށްވަނުން (2) މަޖާޒު: )ޏ ( ދުނިޔޭގެ ކަންތައް ދޫކޮށް އަޅުކަމާ މަޝްޣޫލުވުން (3) ނަމާދުކުރުން
މީލާދީއަހަރު
ނ ޢީސާގެފާނު ދުނިޔެއަށް ވަޑައިގެންދުވަހުން ފެށިގެންބަލާ އަހަރު
މީލާދީތާރީޚް
ނ ޢީސާގެފާނު ދުނިޔެއަށް ވަޑައިގެންނެވި އަހަރު ފުރަތަމަ އަހަރެއް ކަމުގައި ބަލައިގެން ޖަހަމުންއަންނަ ތާރީޚް
މުޢާމަލާތު
ނ (1) ދުނިޔަވީ ކަންތައްތަކުގައި ދެފަރާތެއްގެ ދެމެދުގައި ހިންގާ ގުޅުން މިސާލު: ގަނެވިއްކުން (2) އެކަކު އަނެކަކަށް ކަންތައް ކުރާގޮތް
މޫނުއަނދިރިކަން
ނއނ އިރުއޮއްސި އަނދިރިވަމުން އަންނައިރުއާއި ފަތިސްވެ އަލިވަމުންއަންނައިރު ދުނިޔެ މައްޗަށް ވެރިވެފައި އޮންނަ އަނދިރިކަން މިއަނދިރި ކަމުގައި ރަނގަޅަކަށް މޫނެއް ނޭނގޭނެއެވެ
ފަޅިދުނި
ނ (1) ކުޑައިގައި ހޮޅިކޮށް ހުންނަ ދުނި (2) އައިނުގެ ލޮލުގެ ދެބައިކުޅަ އެއްބައިގައި ހުންނަ ދުނި
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފައިފަލަބަލި
ނ (1) މަދިރީގެ ސަބަބުން ޖެހޭ ބައްޔެއް (2) ފައިލޭރިޔާ މިބަލި އެންމެ ގިނައީ ދުނިޔޭގެ އެންމެ ހޫނު ގަދަ ތަންތާނގައެވެ މިބަލި ގިނައިން ޖެހެނީ ކަކުލު ހުޅުންތިރިއަށެވެ ބައެއް ފަހަރަށް ފިރިހެނުންގެ ކުރިމަތި ފަރާތަށާއި އަންހެނުންގެ އުރަމައްޗަށާއި އަތަށް މިބަލި ޖެހެއެވެ
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަޖުރުގެ އަލިކަން
ނ ފަޖުރުލުމުން ދުނިޔެއަށް ފާޅުވާ އަލިކަން
ފާނޫޒު
ނ ކަރާސީނު ތެޔޮ އަޅައިގެން ދިއްލާ ފަތި ފީތާއެއްލައިފައި ހުންނަ ބައްތިއެއް މިބައްތީގެ ހޮޅި ހުންނާނީ ވަށްކޮށް ނަރު ދުނިގަނޑެއްގެ ތެރޭގައެވެ
ފާޅު
ނ (1) ސިއްރުގެ އިދިކޮޅު (2) އެނގިގެންވާ (3) މަޝްހޫރު (4) ހާމަ (5) އުފަން މިސާލު: ދުނިޔެއަށް ފާޅުކުރެއްވުން އޭނާ އެހެރީ ހަމަ ފާޅުކުރެއްވި ގޮތަށެވެ
ފާޅުކުރެއްވުން
މ (1) ދުނިޔެއަށް އައުން (2) "ފާޅުކުރުން" މިބަސް މާތްކޮށް ބުނާގޮތް (3) ހާމަކުރެއްވުން
ފެންމަތިއަނދިރިވުން
މ އުޑުމައްޗަށް އަންނަ ބަނަކަމެއްގެ ސަބަބުން ނުވަތަ އިރު އޮއްސުމުގެ ސަބަބުން ދުނިޔެމަތި އަނދިރިވުން މިއީ ކަނޑު ދަތުރުކުރުމުގައި ބޭނުންކުރާ ބަހެކެވެ
ދޮޅިއުފުރައިނޭވާލުން
މ މީހަކު ދުނިޔެއިން ވަކިވާ ވަގުތު އެންމެފަހުން ދަތްދޮޅިއުފުލޭ ގޮތަށް ލެވޭ ފުންނޭވާލުން
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިންދުނި
ނ ރާރާގުޑީގެ އެންމެތިރިޔަށް ހުންނަދުނި
ފިރުޢައުނު
ނ (1) މޫސާގެފާނު ދުނިޔޭގައި އުޅުއްވި ޒަމާނުގައި މިޞުރުގައި އަމިއްލައަށް ކަލަކު ކަމުގައި ހެދިގެން އުޅުނު ނުބައި ރަސްކަލެއް (2) އެއްޒަމާނެއްގައި މިޞުރުގައި އުޅުއްވި ރަސްރަސްކަލުންނަށް ދީފައިވާ ލަޤަބެއް (3) މަޖާޒު: ނުބައި ނުލަފާކަމާއި އަނިޔާވެރިކަން ހައްދު ފަހަނަޅައިފައިވާ މީހާ
ފިޔެވި
ކއ )ބދ( (1) ފިޔަވައި (2) ދުނިޔެއިން ފިލައިގޮސް
ފުށްކޮލި
ނ ކޮލީގެ ވިހަގަދަ ބާވަތެއް. މިއީ ނަގޫފަތުގެ މަތީކައިރިފަށާއި ތިރީކައިރި ފަށްކަޅު ހަންގަނޑުގައި ރާޅުކަމެއް ހުންނަ އަނގައިގައި ވަރަށް ގަދަ ދަތްތަކެއް ހުންނަ ދުނިޔޭގެ ހޫނު ހިސާބުތަކުގެ ތިލަފަޅުފަޅުގައި ދިރިއުޅޭ މަހެކެވެ