radheef.info
ރަދީފު


ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ބޯބޯބޮއްތަލޯ
ނ ކުޑަކުދީންގެ އަތްތިލައިގައި އިނގިލި ތަޅަމުން ކިޔާބަންޖެއްގެ ނަން. އެއީ ބޯބޯ ބޮއްތަލޯ ދެފަނިކާ ފެންބަތޯ އޮޑިވަތު ދިޔަ ހިއްކަތޯ ބޯލަ ގެނައި މަސްފަތަފޮޅި ކާލައިގެން ބޯލަ ހޯދަން އަރާއަރާ ފައިބާ ފައިބާ
ބޯކެޔޮވަލަކު ހުޅުލީހެން
މިސާލު: (1) ޚަބައެއް ފެތުރިގެންދިޔަލެއް ހަލުއިކަން އަންގައިދިނުމަށް ބުނެއުޅޭ ބަހެއް (2) އަބަދު އަރާރުންވާ މީހާ ރުޅިއަންނަގޮތަށް އެއްޗެއް ބުނެވުމުން ކުއްލިއަކަށް އަރާ ރުންވެގަތުމަށް ބުނެއުޅޭބަހެއް
ޅައިގައިޖެހުން
މ (1) ދިޔަގަނޑު ބޮޑުވެގެން ޅަޔަށް އަޅައިފައި ހުންނަ އެއްޗެއްގައި ފެންޖެހުން މަޖާޒު: (2) ކަންބޮޑުވުން (3) ސިއްރުން ކުރަމުން އަންނަކަމެއް ފާޅުވުން (4) އޮޑިދޯނުފަހަރުގެ ދިޔަގަނޑު ބޮޑުވަމުންގޮސް ހުޅަތަކުގެ ޅަފަނުން ދިޔަހިލޭވަރުވުން
ޅައެޅުން
މ އޮޑިދޯނިފަހަރުގެ ވަތުގައި ތަކެތި ބެހެއްޓުމަށްޓަކައި ވަތުތެރޭގައި ހުރަހަށް ލަކުޑި ފަދައެއްޗެއް ބެހެއްޓުން )މިކަން ކުރަނީ ދިޔަ ޖެހިގެން މުދައު ތެމަނަ ނުދިނުމަށެވެ
ކަރެވިޔާއްދަ
ނ )ގ ( ކަރުގެ އެތެރޭގައި މުލިހިފާޑަށް ދުޅަވާ ބައްޔެއް މިބަލީގެ އެންމެ މަތީ ދަރަޖަޔަށް ދިޔައިމާ ބޭރުން ރަތްވެ ދުޅަ ބޭރަށް ދައްކައެވެ ފަޅައިގެން ދާނީ އެތެރެއަށެވެ
ކަޅުކަނދިލި
ނ ބޭހަށް ބޭނުންކުރާ ފަތްޕިލާ ވެއްޔެއް މިއީ ކުޑަވަރެއްގެ ހިމަދިގު ފަތެއް ހުންނަ ގަހެކެވެ މިފަތުގެ ދިޔަ ފަންވަތުގައި ލިޔާ އަކުރު ކަޅުކުރާން ގެންގުޅެއެވެ
ކައްކަތަޅައި
)ބދ ( ވެޔޮވަޅުދިޔަ ހިއްކައި
)ގިނަބަހެއް( ނުބައިގޮތަކަށް ފެށިއްޖެކަމެއް ކިތަންމެ ބޮޑުވެގެންދިޔައަސް އެކަމެއް އޮންނާނީ ނުބައިކޮށްކަން ދޭހަކޮށްދިނުމަށް ބުނެއުޅޭ ބަހެއް ކައްޗަށް އެޅި ބިންގަލެއް ކެއްޗާއި ހަމައަށް ނެގިއަސް ހުންނާނީ ކައްޗަށެވެ
ކިހައްޑިޔަ
ނ (1) ރޯ ބޮނބީގެ ދިޔަ (2) ފަތްކެޔޮގަހާއި އޭގެ ދަޅީގެ ދިޔަ
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުރި
ނ (1) ކޮޅަށްހުރި އެއްޗެއްގެ މަތީކޮޅު. (2) ގަސްގަހާއި އޮފީގެ މަތީކޮޅުގެ ޅަތަން. (3) ގަސްގަޑުން ފަޅާ ޅަނިރު. (4) މޫނުހުރި ދިމާ. (5) އަންނަން އޮތްތަން. (6) ވޭތުވެދިޔަތަން. )ނއ.( (7) ކަންތަކަށް މޮޅު. (8) ދަރަޖައިން މަތިވެރި. (9) ކުރުން މިބަހުގެ ނިމިނިމުނުކަން
ކުރިބެއްދުން
މ ކުރިޔަށްދިޔަނުދޭން ކުރިމައްޗަށް އެރުން
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
އަނގިލި
ނ )ސ ( ދޯނިފަހަރުގައި ދިޔަހިއްކާން އިންނަ ތަން
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަތުރުވާމަތި
ނ ފޯމަތިނޫން ދުވަސްވަރު މިދުވަސްވަރު ދިޔަވަރު ހިކި ބޮޑުވާނީ މެދުމިނަކަށެވެ
އަތްކެނޑުން
މ (1) ވައްކަންކޮށްގެން އަތުގެ ކުޑަހުޅުން ބުރިކޮށްލުން. (2) ކަށިވިދުރިން ރައްކައުވުމަށްޓަކައި އަތުގެ މުލައްދަނޑިން ނުވަތަ އަތްދަޑިން ދެތިންތަނުން ލޭފެންނަވަރަށް ހަންދުއްވާލައި އެތާނގައި އެކަމަށް ޚާއްޞަ ވެފައިވާ މާއްދާ )ވެކްސިންދިޔަ( ޖެއްސުން