radheef.info
ރަދީފު


ފިރި
ނ ދެމަފިރިންކުރެ ފިރިހެންމީހާ
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބައިހަރު
ނ (1) ވާރުދިން ޒަމާނުގައި ވާރަށް ލައިފައި ތިބި ފިރިހެނަކާއި އަންހެނެއް (2) ރަށެއްގެ ވާރުގެ ޙިއްޞާ
ބައިވެރިޔާ
(1) ނ އެއްބައިގާވާ މީހާ (2) އެކުގައިވާ މީހާ (3) ފިރިމީހާ (4) އަނބިމީހާ
ބަފައެކޭ ހަމަކުރުން
މ އަނބިމީހާ ފިރިމީހާޔާ ދިމާޔަށް "ތިޔައީ ތިމަންގެ ބަފައޭ" ނުވަތަ "ކަލޭ ތިމަންގެ ބަފައެކޭ އެއްފަދައޭ" ބުނުން
ބަފާ
ނ (1) ބައްޕަ (2) އެމީހަކަށް ދަރި އުފަންވީކަމަށް ޝަރީޢަތް ޤަބޫލުކުރާ ފިރިހެންމީހާ
ބަތްފޮށާ
ނ އިހުގައި ފިރިހެނުން އުނަގަނޑުމަތީ ބަނދެ އުޅުނު ކުޑަފޮށައެއް
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޔާނާ
ނ (1) ވިޔަފާރިއެއް ކުރެވުނު ކަމުގެ ހެއްކަކަށް ގަންނަމީހާ ވިއްކާމީހާޔަށް އަގުން ދޭބައެއް (2) ފިރިހެނަކު އަންހެނަކަށް އިންމަތިންދޭ އެއްޗެއް
ބާބޭފާނު
ނ )މަލިކު( ބޮޑުބޭބެގެ ދޮށީ ފިރިހެންދަރި
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބުރިކަށީފަތި
ނ ފިރިހެނުންލާ ލިބާހުގެ ފުރަގަހު ބަދަނުގެ މެދުގައި ދިގަށް ހުންނަ ފަތި
ބުއްޑާ
ނ ހުތުރުބަހުގައި މުސްކުޅި ފިރިހެނާ މިބަސް ނަންއިތުރަކަށްވެސް ހިމެނެއެވެ
ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ބޭބެ
ނ (1) އެއްބަނޑު އެއްބަފާ ނުވަތަ އެއްބަނފާ ނުވަތަ އެއްބަޑު ދޮށީ ފިރިހެނާ (2) ތިމާގެ މީހުންގެ ތެރެއިން ދޮށީ ފިރިހެނާ (3) ތިމާއަށް ވުރެދޮށީ ފިރިހެނުންނަށް ކަމޭހިތުމުގެ ގޮތުން ކިޔާއުޅޭ ނަމެއް
ބޭކަލުން
ނ ފިރިހެނުންގެ ޖަމާޢަތަށް މާތްކޮށް ބުނާގޮތް
ބޮންތިންޖެހުން
މ ސިލުވާނަށްތެޅުން )ސިލުވާނު އެރިމީހާގެގައިގައި ފިރިމީހާ ބޮންތިގަނޑަކުން ޖެހުން
ބޮއްކުރާދޮށަށް އޮޑިކެނބުން
މ މަޖާޒު: (1) ފިރިހެނުން ހޯދަން އަންހެނުން ދިއުން (2) ނޯކަރު މީހާގާތަށް ސާހިބުމީހާ ކަންތަކާ ދިއުން
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ