radheef.info
ރަދީފު


ފަސް
ނ (1) ވެލި (2) ލަސް (3) ފަހަތް (4) ވޭތުވެދިޔަ
ފަސްކުޅަނދުމަދުވުން
)މިސާލުބަހެއް( ސިކުނޑީގައި އުނިކަމެއް ހުރުމުން ނުވަތަ ކަމަކަށް ބީރައްޓެހިވުމުން ބުނެއުޅޭ ބަހެއް
ފަސްކުޅައުން
މ ފަސްކުރުން
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްކޮށި
ނ އިހުގައި ކުޅިޖަހައި އުޅުނު ފަސްކޮށި އެއީ: )ހ( ބަންޑާރަކޮށި )ށ( ރަނަހަމާތި ކޮށި )ނ( ފާލުކޮށި )ރ( އައްޑޫކޮށި )ބ( ހޮޅިކޮށި
ފަސްކޮޅެއެނބުރުން
މ ވާ އަޅާއިރު ފިޔަރީގެ ތެރެއިން ނުކުންނަތަން އަނބުރައި ހަރުކުރުން
ފަސްކޯމާޅި
ނ ބަންގިބެރު ނިންމާލަވަ
ފަސްއަށި
ނ ގަނޑުވަރުތެރޭގައި ހުންނަ ހަނގުބޭކަލުން ދަމަށް ދުރުވާ ފަސްއަށި )ހ( ފުޅިދޮށު އަށި )ށ( އިސްވަރު އަށި )ނ( ވެލާނާވަރު އަށި )ރ( ހަކުރާވަރު އަށި )ބ( ބޭރުބޮޑު އަށި
ފަސްއަށީބޭކަލުން
ނ ގަނޑުވަރުތެރޭގައި ހުންނަ ފަސްއަށްޓަށް ދަމަށް ދުރުވާ ހަނގު ބޭކަލުން
ފަސްއަނބުރާ
ނ ވާއަޅާއިރު ވަލުގެ އުޅިތައް ނިޔުޅުން ވިޔަނުދީ އެނބުރުން ހަރުކުރާ މީހާ
ފަސްއިނގިލި
ނ (1) އިންސާނާގެ އަތުގައި ނުވަތަ ފައިގައި ހުންނަ އިނގިލިތައް އެއީ )ހ( ބޮޑުވާ އިނގިލި )ށ( ޝަހާދަތް އިނގިލި )ނ( މެދު އިނގިލި )ރ( ކަށި އިނގިލި )ބ( ކުޑަވައި އިނގިލި (2) މޫދުގައި އުޅޭ ފަސް ފައިކަށްޓަށް ހުންނަ ދިރޭ އެއްޗެއް
ފަސްއިގިލިއެއްކޮށްލުން
މ ކެއުމުގައި ބައިވެރިވުން
ފަސްއެރުވުން
މ (1) ގޮނޑުދޮށާއި މާޑުފަދަ ތަންތަނަށް ރާޅާ ވެލިއެރުވުން (2) ތަނަކަށް ވެލި އެރުވުން
ފަސްއެޅުން
މ (1) ކޮނެފައިވާ ވަޅުގަނޑަކަށް ފަސްލުން (2) މަޖާޒު: ހިނގައިފައިވާ ކަމެއް ވަންހަނާ ކުރުން
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްއޮށްބައި
ނ ފަސްއޮށް ކުޅެން ގެންގުޅޭ ބިއްލޫރިން ހަދައިފައި ހުންނަ އޮށުގެ ފަސް އޮށް
ފަސްއޮށްކުޅުން
މ ފަސްއޮށްބައިން ވަކިގޮތަކަށް ކުޅޭ ކުޅިވަރެއް ކުޅުން
ފަސްއޮބުން
މ ފަހަތަށް ގޮސް ލޮލަށް ނުފެނުން
ފަސްވަނަ
ނއ (1) ފަހަކަށްވާ (2) ފަސްވަނައަށްވާ
ފަސްވައްތަރުމައު
ނ (1) އިހުގައި މަތަރެސް މަލަށް ކިޔައި އުޅުނު ނަމެއް. (2) އުނިމާ ހުވަނދުމާ އިރުދޭމާ ކުދިމާ ކަށިމާ މިފަސްވައްތަރުމަލަށް އިހުގައި ފަންޑިތަވެރިން ކިޔާ ނަމެއް
ފަސްވަގުތު
ނ ފަރުޟު ފަސްނަމާދުގެ ވަގުތު